slc
logo
Home   |    News
ජූනි 15, 2022
අන්තර් සමාජ විස්සයි-20 අවසන් සටන කෝල්ට්ස් සහ යුද හමුදාව අතර

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ පන්දුවාර විස්සයි-20 ක්‍රිකට් තරගාවලියේ අවසන් තරගය සඳහා සුදුසුකම් ලබා ගැනීමට තිසර පෙරේරාගේ නායකත්වයෙන් යුතු ශ්‍රී ලංකා යුද හමුදා කණ්ඩායම අද (15 දා) පස්වරුවේ සමත්විය. පී. සරා ඔ්වල් පිටියේ පැවැති දෙවැනි අවසන් පූර්ව තරගයේදී සැරසන්ස් පිල ලකුණු 52 ක පරාජයකට ඇද දැමූ යුද හමුදා කණ්ඩායම ලබන 17 වැනිදා කෝල්ට්ස් පිලට එරෙහිව පැවැත්වෙන අවසන් මහ තරගයේ ප්‍රතිවාදීන් බවට පත්විය.  

කාසියේ වාසියත් සමඟ පළමුව පිති ප්‍රහාරයත් දියත් කළ යුද හමුදා කණ්ඩායම නියමිත පන්දුවාර 20 අවසනදී කඩුලු 8 කට ලකුණු 170 ක ඉලක්කයක් සැරසන්ස් කණ්ඩායම හමුවේ තැබූ නමුත් ඔවුන්ට නියමිත පන්දුවාර 20 අවසනදී  කඩුලු 8 ක් දැවී රැස් කරගත හැකි වූයේ ලකුණු 117 ක් පමණි.

සැරසන්ස් පිල වෙනුවෙන් ප්‍රමෝද් මධුවන්ත සහ ආකාෂ් සේනාරත්න කණ්ඩායම සාර්ථකත්වය කරා රැගෙන යෑමට උත්සාගත නමුත් එය යුද හමුදාව පරාජයට කිරීමට තරම් ප්‍රමාණවත් නොවීය. පන්දු යැවීමේදී සීකුගේ ප්‍රසන්න, යශෝධ මෙන්ඩිස් සහ ලක්ෂාන් එදිරිසිංහ කඩුලු 2 බැගින් බිඳ හෙලූහ.

යුද හමුදා  පිල වෙනුවෙන් වේගවත් පිතිහරඹයක නියැළුණු තිසර පෙරේරා පන්දු 26 කදී හයේ පහර 4 ක් සහ හතරේ පහර 2 ක් සමඟින් ලකුණු 50 ක් රැස් කළේය. ඔහුට අමතරව සීකුගේ ප්‍රසන්න ලකුණු 39 ක් සහ ලක්ෂාන් එදිරිසිංහ ලකුණු 27 ක් ලබා ගත්හ.

ශ්‍රී ලංකා යුද හමුදාව පන්දුවාර 20 කදී කඩුලු 7 ක් දැවී ලකුණු 169 යි – තිසර පෙරේරා 50*, සීකුගේ ප්‍රසන්න 39, ලක්ෂාන් එදිරිසිංහ 27, ඉසිත විජේසුන්දර 25/3

සැරසන්ස් පන්දුවාර 20 කදී කඩුලු 8 ක් දැවී ලකුණු 117 යි – ප්‍රමෝද් මධුවන්ත 37*, ආකාෂ් සේනාරත්න 29, ලක්ෂාන් එදිරීසිංහ 08/2, සීකුගේ ප්‍රසන්න 16/2, යශෝධ මෙන්ඩිස් 33/2

Active filters

Recent Posts

  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]
  • කණ්ඩායම් දෙකක් ජය පෙනි පෙනී පරදියි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන අන්තර් සමාජ එක්දින ක්‍රිකට් තරගාවලියේ අද පැවැති තවත් තරග පහක් අතුරින් තරග දෙකක් ඉතාමත් තියුණු මුහුණුවරකින් පසුව නිමාවට පත්විණි. උණුසුම් මුහුණුවරක් […]
  • ලෝක කුසලානෙට පෙරසූදානම හෙට සිට ඇරඹෙයි
    ශ්‍රී ලංකාව සහ බංග්ලාදේශය අතර තරග 3 කින් සමන්විත විස්සයි-20 තරගාවලිය හෙට (10 දා) පල්ලේකැලේ ජාත්‍යන්තර ක්‍රීඩාංගණයේදී ආරම්භ වේ. මෙය ද්වීපාර්ශ්වික තරගාවලියක් වුවත් ශ්‍රී ලංකාවට මෙම තරගාවලියේ ඇති […]
  • නායකත්වයේ හා පුහුණු කාර්ය මණ්ඩලයේ කැපවීම අපේ සාර්ථකත්වය හේතුවයි – කුසල් මෙන්ඩිස්
    ශ්‍රී ලංකා ක්‍රිකට් පිලේ නායකත්වයේ හා පුහුණු කාර්ය මණ්ඩලයේ සහයෝගයත් කැපවීමත් හේතුවෙන් එක්දින පිල දිනෙන් දින සාර්ථකත්වයට පත්වෙමින් ඇති බව කුසල් මෙන්ඩිස් පැවැසීය. ශ්‍රී ලංකා එක්දින කණ්ඩායම ගෙවී […]
  • පානදුර ලකුණු 213කින් එන්.සී.සී. පරාජය කරයි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන එක්දින ක්‍රිකට් තරගාවලියේ අද (08) පානදුර මහජන ක්‍රීඩාංගණයේ පැවැති එන්.සී.සී. – පාණදුර ක්‍රීඩා සමාජය අතර තරගයෙන් එන්.සී.සී. ලකුණු 213කින් පරාජයට පත් […]

Pin It on Pinterest

LKR Sri Lankan rupee