slc
logo
Home   |    News
ජූනි 24, 2022
නිපුන සහ කැනිස්ටන් පන්දුවෙන් දස්කම් දක්වති

sinhala editor

අගෝස්තු මසදී පැවැත්වෙන එංගලන්ත තරග සංචාරයය සදහා වයස අවුරුදු 19 න් පහළ කණ්ඩායම තෝරා ගැනීම මූලික කොට ගෙන ශ්‍රී ලංකා ක්‍රිකට් ආයතනයේ මෙහෙයවීමෙන් පවත්වනු ලබන වයස අවුරුදු 19 න් පහළ සුපිරි අන්තර් පළාත් එක්දින ක්‍රිකට් තරගාවලියේ දෙවැනි තරග ජයත් වාර්තා කිරීමට කොළඹ උතුර කණ්ඩායම සමත්විය. කොළඹ දකුණ පිලට එරෙහිව පැවැති එම තරගයේදී ලකුණු 44 ක ජයක් වාර්තා කළ කොළඹ උතුරු කණ්ඩායම තවදුරටත් තරගාවලියේ අපරාජිතව ඉදිරියට යෑමට ඉඩ පහස විවර කර ගැනීමට සමත්විය.

මහනුවර අස්ගිරිය ක්‍රීඩාංගණයේ පැවැති මෙම තරගයේ තීරණය අඩු ලකුණු සංඛ්‍යාවන් මත වාර්තා විය. පළමුව පන්දුවට පහර දුන් කොළඹ උතුරු කණ්ඩායමට පන්දුවාර 37.4 කදී රැස් කරගත හැකි වූයේ ලකුණු 163 ක් පමණක් වන අතර එය හඹා  යෑමේදී දකුණු කණ්ඩායමට රැස් කරගත හැකි වූයේ පන්දුවාර 34.3 කදී ලකුණු 119 ක් පමණි.

මෙම තරගයේදී දෙපිළේම පන්දු යවන්නන්ගේ දක්ෂතා කැපී පෙනුණු අතර ජයග්‍රාහී උතුරු කණ්ඩායම වෙනුවෙන් නිපුන් ප්‍රේමරත්න ලකුණු 22 කට කඩුලු 5 ක් දවා ලමින් ජයග්‍රහණයේ පෙරමුණ ගත්තේය. ඔහුට අමතරව විනු රන්පොල් සහ කමිඳු ආමන්ත කඩුලු 2 බැගින් බිඳ හෙළූහ.

ප්‍රතිවාදී දකුණු කණඩායමේ කැනිස්ටන් ගුණරත්නම් ලකුණු 23 කට කඩුල 5 ක් දවා ගනිමින් උතුරු කණ්ඩායම අඩු ලකුණු සංඛ්‍යාවකට තබා ගැනීමට මුලසුන ගත්තද පිතිකරුවන්ට දීර්ඝ ඉනිම කරා යෑමට නොහැකිවීම මත අවසනාවන්ත ලෙස තරගයෙන් පරාජයට පත්විය.

මේ අතර පල්ලකැලේ ජාත්‍යන්තර ක්‍රීඩාංගණයේ පැවැති ගාල්ල සහ දඹුල්ල අතර තරගයේ පළමුව පන්දුවට පහර දුන් දඹුල්ල කණ්ඩායමේ ජීවක ශෂීන් ලකුණු 86 ක් ලබා පිත්තෙන් කැපී පෙනිණ. පන්දු 103 කට මුහුණ දෙමින් ශෂීන් එසේ පිත්තෙන් දස්කම් දක්වද්දී පවන් සදේශ් ලකුණු 64 ක් සහ හංසමාන ද සිල්වා ලකුණු 68 ක් ලබා ගත්තේය. මොවුන් දෙදෙනා පිළිවෙළින් සිය අර්ධ ශතක වාර්තා කිරීම සදහා පන්දු 49 ක් සහ පන්දු 43 කට මුහුණ දුන්හ.

දඹුල්ල කණ්ඩායම වෙනුවෙන් මතීෂ වීරසිංහ පන්දු 67 කදී ලකුණු 50 ක් රැස් කරමින් පිත්තෙන් කැපී පෙනිණ.

කොළඹ උතුරට ලකුණු 44 ක ජයක්

කොළඹ උතුරු පන්දුවාර 37.4 කදී ලකුණු 163 යි – කවිඳු අමන්ත 46, විනුජ රම්පොල් 44, සෙනාෂ් ප්‍රනාන්දු 25, කැනිස්ටන් ගුණරත්නම් 23/5, ශාන් මිහිර 38/2

කොළඹ දකුණ පන්දුවාර 34.3 කදී ලකුණු 119 යි – තිසර වික්‍රමසිංහ 33, සකුණ ලියනගේ 25, නිපුන් ප්‍රේමරත්න 22/5, කවිදු ආමන්ත 14/2,විනුජ රන්පොල් 07/2

ගාල්ලට ලකුණු 73 ක ජයක්

ගාල්ල පන්දුවාර 46.5 කදී ලකුණු 285 යි – ජීවක ශෂීන් 86, හරිදු ජයසේකර 64, නිපුන් රුචික 21, හංසමාන ද සිල්වා 68, හසිත කෞෂාන් 59/2, විශ්ව රාජපක්ෂ 42/2, සකිඳු විජේරත්න 45/2, මනාන් මුසම්මිල් 48/2

දඹුල්ල පන්දුවාර 50 කදී කඩුලු 9 ට ලකුණු 212 – මතීෂ වීරසිංහ 50,රිෂී අධිෂ්ඨාන් 25, ප්‍රබුද්ධ ප්‍රේමලාල් 41, ෂෙහාන් හසරංග 59/3)

Active filters

Recent Posts

  • ශ්‍රී ලංකා පිල ලකුණු 54ක් ඉදිරියෙන්
    ‍සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ තෙවැනි දිනය නිමාවෙද්දී ශ්‍රී ලංකා පිල කඩුලු 2ක් අතැතිව ලකුණු 54ක් ඉදිරියෙන් සිටී. […]
  • බදුරලිය – කුරුණෑගල යූත් ප්‍රබල තත්ත්වයක
    ශ්‍රී ලංකා ක්‍රිකට් මෙහෙයවීමෙන් පැවැත්වෙන මේජර් ලීග් තුන්දින අන්තර් සමාජ ක්‍රිකට් තරගාවලියේ සී.සී.සී. – කුරුණෑගල තරුණ අතර තරගයේ දී සී.සී.සී. කණ්ඩායම පළමු ඉනිමේ දී ලකුණු 262කට දවාලු කුරුණෑගල […]
  • ඔස්ට්‍රේලියාව ලකුණු 73කින් ඉදිරියට
    සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ දෙවැනි දිනය නිමාවෙද්දී පළමු ඉනිම වෙනුවෙන් ශ්‍රී ලංකා පිල ලබාගත් ලකුණු 257ට පිළිතුරු […]
  • ශ්‍රී ලංකාව පළමු දිනය නිමාවෙද්දී කඩුලු 9කට 229යි
    සාචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ පළමු දිනය නිමාවෙද්දී ශ්‍රී ලංකා පිල කඩුලු 9කට ලකුණු 229ක් ලබා සිටියේය. ගාල්ල […]
  • දිමුත්ට ගාලු පිටියේදී ගෞරවනීය උපහාර පිදීමක්
    පුරා වසර 13ක් ජාත්‍යන්තර ටෙස්ට් ක්‍රිකට් බිමේ ශ්‍රී ලංකාව වෙනුවෙන් සුවිශාල මෙහෙවරක යෙදුණු ආරම්භක පිතිකරු දිමුත් කරුණාරත්නගේ 100 වැනි ටෙස්ට් තරගය සේම ටෙස්ට් පිටියේ ඔහු ක්‍රීඩා කරනු දක්නට […]

Pin It on Pinterest

LKR Sri Lankan rupee