අන්තර් සමාජ ප්‍රධානතම එක්දින ක්‍රිකට් තරගාවලියේ මූලික වටය අවසානයත් සමග අවසන් පූර්ව වටය සඳහා සුදුසුකම් ලබා ගැනීමට ටැමිල් යුනියන්, ඒස් කැපිටල්, යුද හමුදාව සහ සී.සී.සී. යන කණ්ඩායම් සමත්වූහ.

කණ්ඩායම් 26 කගේ සහභාගිත්වයෙන් පැවැති මෙවර තරගාවලියේදී ටැමිල් යුනිය් පිල සහ ඒස් කැපිටල් පිල ‘ඒ’ කාණ්ඩයෙන්ද යුද හමුදාව සහ සී. සී. සී. කණ්ඩායම් ‘බී’ කාණ්ඩය යටතේද පෙරමුණට පැමිණෙමින් අවසන් කණ්ඩායම් 4 අතර තරගය වටයට පිවිස සිටිති.

සෑම පිලකටම තරග 12 බැගින් ක්‍රීඩා කිරීමට නියමිත වූ මූලික වටය යටතේ තරග 10 ක් ජයගිමින් ටැමිල් යුනියන් පිලද, තරග 10 ක් ජය ගනිමින් ඒස් කැපිටල් පිලද ප්‍රසාද ලකුණු සටහනේ පෙරමුණට පැමිණෙද්දී යුද හමුදා පිල තරග 11 ක් සහ සී. සී. සී. පිල තරග 11  බැගින් ජය වාර්තා කරමින් ‘බී’ කාණ්ඩයේ පෙරමුණට පිවිස සිටිති.

ඒ අනුව අවසන් පූර්ව තරග මේ මස 30 වැනිදා එන්. සී. සී. සහ කෝල්ට්ස් ක්‍රීඩාංගණ වලදී පැවැත්වෙන අතර අවසන් මහ තරගය අගෝස්තු 01 වැනිදා එස්. එස්. සී. ක්‍රීඩාංගණයේදී පැවැත්වෙනු ඇත.