slc
logo
Home   |    News
ජූලි 7, 2022
දෙවැනි ටෙස්ට් තරගයට පෙර තවත් තිදෙනෙකුට කොරෝනා ආසාධනය වෙයි

sinhala editor

දෙවැනි ටෙස්ට් තරගය ආරම්භයට පැය 48 කටත් වඩා අඩු කාලයකදී ශ්‍රී ලංකා කණ්ඩායමට ඇතුළත්ව සිටින ක්‍රීඩකයින් තිදෙනකුට කොවිඩ්-19 වෛරසය ආසාධනය වී තිබෙන බව හතවුරු වී තිබේ. ජූලි 06 වැනිදා පස්වරුවේ සිදුකරන ලද රැපිඩ් ඇන්ටිජන් පරීක්ෂණයේදී ධනංජය ද සිල්වා, ජෙෆ්රි වැන්ඩර්සි සහ අසිත ප්‍රනාන්දුට වෛරසය අසාධනය වී තිබෙන බවට හඳුනාගෙන තිබේ.

මෙම තත්ත්වය මත මොවුන් තිදෙනාම නවාතැන් ගෙන සිටින හෝටලයෙන් වෙනත් හෝටලයකට මාරු කොට නීරෝධායනයට ලක් කිරීමට කණ්ඩායම් කළමණාකාරීත්වය පියවර ගෙන තිබේ. මොවුන් තිදෙනාට වෛසරය ආසාධනය වී තිබෙන බවට හදුනා ගැනීමෙන් පසු කණ්ඩායමේ සියලුම ක්‍රීඩකයින් සහ සහාය කාර්යය මණ්ඩලයද නැවතත් රැපිඩ් ඇන්ටිජන් පරීක්ෂණයකට භාජනය කර තිබෙන අතර ඔවුන් සියලු දෙනාම පූර්ණ සෞඛ්‍ය තත්ත්වයෙන් පසුවන බවට පරීක්ෂණ වාර්තා ලැබී තිබේ.

දෙවැනි ටෙස්ට් තරගයට පෙර කොවිඩ් වෛරසයට ගොදුරු වූ ප්‍රවීන් ජයවික්‍රමද මේ වන විට නවාතැන් ගෙන සිටින හෝටලයෙන් මොවුන් තිදෙනා සිටින හෝටලය වෙත යැවීමට පියවර ගෙන තිබේ.

මෙම තත්ත්වය මත චයිනමන් පන්දු යවන ලක්ෂාන් සදකැන්ව ටෙස්ට් කණ්ඩායමට කැඳවීමට තේරීම් කමිටුව පියවර ගෙන තිබේ. ඔහුට පෙර දුනිත් වෙල්ලාලගේ, මහීෂ් තීක්ෂණ, ලක්ෂිත මනසිංහ සහ ප්‍රභාත් ජයසූරිය යන දඟ පන්දු යවන්නන් ද ටෙස්ට් සංචිතයට කැඳවීමට තේරීම් කමිටුව පියවර ‌ගත්තේය.

දෙරට අතරර දෙවැනි ටෙස්ට් තරගය හෙට (08 වැනිදා) පෙ.ව. 10 ට ආරම්භ වේ. තරග 2 කින් සමන්විත දෙරට අතර ටෙස්ට් තරගාවලියේ පළමු තරගයෙන් ශ්‍රී ලංකාවට එරෙහිව කඩුලු 10 ක ජයක් වාර්තා කිරීමට ඔස්ට්‍රේලියාව සමත්වීමත් සමග හෙට ඇරඹෙන ටෙස්ට් තරගාවලියට ඔස්ට්‍රේලියාව පිවිසෙන්නේ 1-0 ක් ලෙස පෙරමුණේ සිටගනිමිනි.

Active filters

Recent Posts

  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]
  • කණ්ඩායම් දෙකක් ජය පෙනි පෙනී පරදියි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන අන්තර් සමාජ එක්දින ක්‍රිකට් තරගාවලියේ අද පැවැති තවත් තරග පහක් අතුරින් තරග දෙකක් ඉතාමත් තියුණු මුහුණුවරකින් පසුව නිමාවට පත්විණි. උණුසුම් මුහුණුවරක් […]
  • ලෝක කුසලානෙට පෙරසූදානම හෙට සිට ඇරඹෙයි
    ශ්‍රී ලංකාව සහ බංග්ලාදේශය අතර තරග 3 කින් සමන්විත විස්සයි-20 තරගාවලිය හෙට (10 දා) පල්ලේකැලේ ජාත්‍යන්තර ක්‍රීඩාංගණයේදී ආරම්භ වේ. මෙය ද්වීපාර්ශ්වික තරගාවලියක් වුවත් ශ්‍රී ලංකාවට මෙම තරගාවලියේ ඇති […]
  • නායකත්වයේ හා පුහුණු කාර්ය මණ්ඩලයේ කැපවීම අපේ සාර්ථකත්වය හේතුවයි – කුසල් මෙන්ඩිස්
    ශ්‍රී ලංකා ක්‍රිකට් පිලේ නායකත්වයේ හා පුහුණු කාර්ය මණ්ඩලයේ සහයෝගයත් කැපවීමත් හේතුවෙන් එක්දින පිල දිනෙන් දින සාර්ථකත්වයට පත්වෙමින් ඇති බව කුසල් මෙන්ඩිස් පැවැසීය. ශ්‍රී ලංකා එක්දින කණ්ඩායම ගෙවී […]
  • පානදුර ලකුණු 213කින් එන්.සී.සී. පරාජය කරයි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන එක්දින ක්‍රිකට් තරගාවලියේ අද (08) පානදුර මහජන ක්‍රීඩාංගණයේ පැවැති එන්.සී.සී. – පාණදුර ක්‍රීඩා සමාජය අතර තරගයෙන් එන්.සී.සී. ලකුණු 213කින් පරාජයට පත් […]

Pin It on Pinterest

USD United States (US) dollar