slc
logo
Home   |    News
ජූලි 16, 2022
පාකිස්තානුවෝ පිතිකරුවන් ග්‍රහණයට ගනිති

sinhala editor

ලකුණු 08 ක් ඇතුළත ශ්‍රී ලංකා පිතිකරුවන් තිදෙනකු දවා ගැනීමට පාකිස්තානු පන්දු යවන්නන් සමත්වීම නිසා ගාල්ලේදී අද (16 දා) ඇරැඹි පළමු ටෙස්ට් තරගයේ මුල් සැසියේ පූර්ණ වාසිවාසිය සංචාරකයින් සතු විය. ගාල්ල තණතීරුව පළමුව පන්දුවට පහර දීමේදී වැඩි වාසියක් ලබා දෙන බව සාමාන්‍ය තත්ත්වය වුවත්, තරගය මුලුමනින්ම කණ පිට හරවා ගත් යසීර් ෂා ප්‍රමුඛ පාකිස්තානු පන්දු යවන්නෝ දිවා විවේකය සදහා නතර කරන විට ශ්‍රී ලංකා පිලේ කඩුලු 4 ක් ලකුණු 80 ක් ඇතුළත දවා ගැනීමට සමත්වී සිටියහ.

දිමුත් කරුණාරත්න වේලාසනම දැවී ගියත් දෙවැනි කඩුල්ලට එක්වූ ඕෂධ ප්‍රනාන්දු සහ කුසල් මෙන්ඩිස් ශ්‍රී ලංකාව ගොඩ ගැනීමේ කාර්යයෙහි නිරත වූහ. එහෙත් මුලු ලකුණු සංඛ්‍යාව 60 දී කුසල් මෙන්ඩිස් දවා ගැනීමට යසීර් ෂා සමත්වීමත් සමඟ සියල්ල කණ පිට හැරිණ. ලකුණු 49 ක දෙවැනි කඩුල්ලේ සබඳතාවද බිද වැටෙමින් මෙන්ඩිස් දැවී යෑමත් දිවා විවේකයට තරගය නතර කිරීමට සදහා ගතවූ මිනිත්තු කීපයේදී ශ්‍රී ලංකා ලකුණු පුවරුව ලකුණු 80 කට කඩුලු 4 ක් ලෙසින් සටහන් විය.

මාස 11 කට පසු පාකිස්තානු ටෙස්ට් පිලට කැදවීම් ලැබුණු යසීර් ෂා, ඇන්ජලෝ මැතිව්ස් ලකුණු ලබා ගැනීමට පෙරම දවා ගනිමින් ප්‍රධානම හානිය කරන ලද පන්දු යවන්නා බවට පත්වූවේය.

විටින් විට කණ්ඩායමටත්, එළියටත් විසිවුණු ඕෂධ ප්‍රනාන්දුට කණ්ඩායම තුළ ස්ථාවරත්වය තහවුරු කර ගැනීම සඳහා අද දිනයේ හොද අවස්ථාවක් නිර්මාණය වී තිබුණි. එහෙත් කඩුල්ලට ඈතින් ඇදී ගිය පන්දුවට පිත්ත පමණක් හුවා දැක්වීම නිසා, ඔහු කඩුල්ල අහිමි කර ගත්තේ ලකුණු 35 ක් ලබා සිටියදීය. පන්දු 49 ක් පුරා විහිදුණු ඕෂධගේ ඉනිම හතරේ පහර 5 කින් වර්ණවත් විය.

ඔස්ට්‍රේලියානු තරග සංචරයේ පැවැති ටෙස්ට් තරග 2 ට ඔ්ෂධ ඇතුළත් නොවුණත් පළමු තරගයේදී ඇන්ජලෝ මැතිව්ස් සහ දෙවැනි තරගයේදී පැතුම් නිස්සංකට කොවිඩ් ආසාධනය වීම නිසා පන්දුවට පහර දීම සදහා ආදේශක ක්‍රීඩකයා බවට ඕෂධ පත්විය. එහෙත් ඔහුට පළමු ටෙස්ට් තරගයේදී රැස් කර ගත හැකි වූයේ ලකුණු 12 ක් පමණි.

දිනේෂ් චන්දිමාල් ලකුණු 12 ක් සහ ධනංජය ද සිල්වා ලකුණු 08 ක් ලබා කඩුල්ලේ රැඳී සිටිති.

ශ්‍රී ලංකාව පළමු ඉනිම පන්දුවාර 25 කදී කඩුලු 4 ට ලකුණු 80 යි – (ඕෂධ ප්‍රනාන්දු 35, දිමුත් කරුණාරත්න 01, කුසල් මෙන්ඩිස් 21, ඇන්ජලෝ මැතිව්ස් 00, දිනේෂ් චන්දිමාල් 12*, ධනංජය ද සිල්වා 08*, යසීර් ෂා 26/2, හසන් අලී 15/1, ෂහීන් අෆ්‌රිඩි 28/1)

Active filters

Recent Posts

  • ලකුණු 54 ක ජය සමඟින් කැන්ඩි ෆෝල්කන්ස් පිලේ බලාපොරොත්තු ඉහළ යයි
    අවසන් කණ්ඩායම් 4 අතර තරග වටයට සුදුසුකම් ලබා ගැනීමට නම් ජයග්‍රහණය තීරණාත්මක වුණු ලංකා ප්‍රිමියර් ලීග් ක්‍රිකට් තරගාවලියේ 18 වැනි තරගය ලෙසින් දඹුල්ල සික්සර්ස් පිලට එරෙහි තරගයෙන් ලකුණු […]
  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]

Pin It on Pinterest

LKR Sri Lankan rupee
logo