slc
Home   |    News
ජූලි 11, 2022
පාකිස්තානුවෝ සාර්ථක පෙරහුරුවක

sinhala editor

තරග 2 කින් සමන්විත ටෙස්ට් තරගාවලියට පෙර පාකිස්තානු පිලට හිමි එකම තුන් දින පුහුණු තරගය වූ අද (11 දා) කෝල්ට්ස් පිටියේ ආරම්භ වුණු තරගයේ පළමු දිනය නිමා වන විට පළමු ඉනිම ක්‍රීඩා කරමින් සිටින පාකිස්තානු පිල කඩුලු 7 ක් දැවී ලකුණු 277 ක් ලබා සිටියේය.

නිපුන් ධනංජයගේ නායකත්වයෙන් යුතු ශ්‍රී ලංකා ක්‍රිකට් XI කණ්ඩායමට එරෙහිව පැවැත්වෙන මෙම තරගයේදී කාසියේ වාසිය දිනා පළමුව පන්දුවට පහර දුන් පාකිස්තානු කණ්ඩායමේ ආරම්භක පිතිකරුවන් දෙදෙනාම පළමු පන්දුවාර 5 අවසනදී දවා ගැනීමට ශ්‍රී ලංකා ක්‍රිකට් XI පන්දු යවන්නෝ සමත්වූහ. එහිදී ඉකුත්දා ඔස්ට්‍රේලියාවට එරෙහිව එක්දින වරම් දිනාගත් ප්‍රමෝද් මදුශාන් සහ වමත් වේග පන්දු යවන ඩිල්ෂාන් මදුශංක එම කඩුලු බෙදා ගත්හ.

ඉනිමේ වැඩිම ලකුණු ලාභියා වූ බාබර් අසාම් හතරේ පහර 8 ක් සහ හයේ පහර 4 ක් සමඟින් ලකුණු 88 ක් ලබා ගත්තේය. නායක අසාර් අලීට එකතු වූ බාබර් අසාම් තෙවැනි කඩුල්ල වෙනුවෙන් ලකුණු 134 ක් එක් කරමින් කඩා වැටුනු පාකිස්තානු කණ්ඩායමට ජීවය ලබා දුන්හ. අසාර් අලී ලකුණු 43 කට ලසිත් ඇඹුල්දෙණියගේ  පන්දුවකට දැවී යද්දී ඊට ප්‍රථම අසාම් ලක්ෂිත මානසිංහගේ පන්දුවක් හමුවේ දැවී ගියේය.

පළමු කඩුලු 7 ම ලකුණු 206 කදී බිඳ දැමීමට ලක්ෂිත මානසිංහ ප්‍රමුඛ ශ්‍රී ලංකා ක්‍රිකට් XI පන්දු යවන්නන් සමත් වුවත් 8 වැනි කඩුල්ලට එක්වූ සෞද් ශඛීල් (30) සහ අගා සල්මන් ලකුණු 43 ක් වශයෙන් ලකුණු රැස් කිරීම නිසා දිනය අවසන් වන විට ලකුණු 277 ක් දක්වා ස්ථාවර ලකුණු සංඛ්‍යාවක් කරා යෑමේ අවස්ථාව පාකිස්තානු පිලට උදාවිය.

පළමු දිනයේදී පන්දුවෙන් කැපී පෙනුණු ලක්ෂිත මානසිංහ ලකුණු 83 කට කඩුලු 3 ක් දවා ගනිද්දී ඔස්ට්‍රේලියාවට එරෙහිව පැවැති පළමු ටෙස්ට් තරගයෙන් අනතුරුව කණ්ඩායමෙන් මුදවා හැරි ලසිත් ඇඹුල්දෙනිය ලකුණු 83 කට කඩුලු 2 ක් බිඳ හෙළූහ.  

හෙට තරගයේ දෙවැනි දිනයයි.

පාකිස්තානු පිල පන්දුවාර 90 කදී කඩුලු 7 ක් දැවී ලකුණු 277 යි – බාබර් අසාම් 88, අසාර් අලී 43, ෆාවඩ් අලාම් 22, මොහොමඩ් රිසාවාන් 31, සෞද් ශකීිල් නොදැවී 30, අගා සසලමන් නොදැවී 43, ශාන් මසූඩ් 06, අබාදුල්ලා සෆික් 03, ඉමාම් උල් හක් 00, ලකිෂිත මානසිංහ 83/3, ලසිත් ඇඹුල්දෙණිය 83/2, ඩිල්ෂාන් මදුශංක 36/1, ප්‍රමෝද් මදුශාන් 29/1

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest