slc
logo
Home   |    News
ජූලි 24, 2022
මැතිව්ස්ගේ ‘ශතකයේදී’ වෙල්ලාලගේට ටෙස්ට් වරම්

sinhala editor

By Chamila Karawita

ශ්‍රී ලංකාව වෙනුවෙන් ටෙස්ට් තරග 100 කට ක්‍රීඩා කරන ලද 6 වැනි ක්‍රීඩකයා බවට ඇන්ජලෝ මැතිව්ස් පත් පාකිස්තානයට එරෙහි දෙවැනි ටෙස්ට් තරගයේදී පාසල් වයසේ පසුවන දුනිත් වෙල්ලාලගේ ටෙස්ට් වරම් දිනා ගැනීමට සමත්වීම අද (24 දා) කැපී පෙනෙන.

ලෝක ටෙස්ට් ශූරතාවලිය යටතේ පැවැත්වෙන මෙම ටෙස්ට් තරගාවලියේ දෙවැනි තරගයේදී කාසියේ වාසිය තමන් සතු කරගත් ශ්‍රී ලංකා නායක දිමුත් කරුනාරත්න පළමුව පන්දුවට පහර දීමට තීරණය කළේය.

ශ්‍රී ලංකාව අද තරගයේදී වෙනස්කම් දෙකක් සමගින් අවතීර්ණව සිටියි. පළමු තරගයට ක්‍රීඩා කරන ලද කසුන් රජිත වෙනුවට වේග පන්දු යවන අසිත ප්‍රනාන්දුව කැඳවා සිටිද්දී මහීෂ් තීක්ෂණ ස්ථානයෙන් දුනිත් වෙල්ලාලගේ ටෙස්ට් වරම් දිනාගෙන සිටියි. මේ අතර පාකිස්තානු පිලද වෙනස්කම් දෙකක් සිදුකර තිබෙන අතර පළමු තරගයේදී ආබාධයකට ලක් වුණු ශහීන් අෆ්රිඩි සහ අසාර් අලී වෙනුවට නවුමන් අලී සහ ෆාවඩ් අලාම් කැඳවා තිබේ.

වෙල්ලාලගේගේ ටෙස්ට් ‌වරම් දිනා ගැනීම වෙනුවෙන් සාම්ප්‍රදායිකව පිරිනැමෙන ටෙස්ට් හිස් වැස්ම, 100 වැනි ටෙස්ට් තරගයට සහභාගිවූ ඇන්ජලෝ මැතිව්ස් විසින් ලබා දීමද කැපී පෙනුණි. මහේල ජයවර්ධන, කුමාර් සංගක්කාර, සනත් ජයසූරිය, මුත්තයියා මුරලිදරන් සහ චමින්ද වාස්ට පසු ශ්‍රී ලංකාව වෙනුවෙන් ටෙස්ට් තරග 100 ක් ක්‍රීඩා කරන ලද ක්‍රීඩකයා බවට ඇනජලෝ මැතිව්ස් අද ඉතිහාසගත විය.

මැතිව්ස්ගේ 100 වැනි ටෙස්ට් තරගය නිමිත්තෙන් ශ්‍රී ලංකා ක්‍රිකට් ආයතනය විසින් තරගාරම්භයට පෙර උපහාර උත්සවයක් සංවිධානය කිරීමට පියවර ගෙන තිබීම කැපී පෙනෙන සිදුවීමක් වීය. ශ්‍රී ලංකා ක්‍රිකට් ආයතනයේ ජාත්‍යන්තර අංශය භාරව කටයුතු කරනු ලබන උප සභාපති ආචාර්ය ජයන්ත ධර්මදාස සහ ඇන්ජලෝ මැතිව්ස්ගේ පාසලේම ආදි සිසුවකු වූ ටෙස්ට් තරග 100 කට ක්‍රීඩා කරන ලද චමින්ද වාස් යන මහත්වරු මෙම උපහාර උළෙල සඳහා ප්‍රධාන ආරාධිතයින් ලෙසින් සහභාගිවද්දී මැතිව්සගේ පවුලේ උදවිය, කණ්ඩායමේ ක්‍රීඩකයින් ද ඒ සඳහා සහභාගිව සිටීම කැපී පෙනිණ. ටෙස්ට් සංචිත‌යට ඇතුළත් නොවුණද ශ්‍රී ලංකා එක්දින සහ විස්සයි-20 කණ්ඩායමේ නායක දසුන් ශානකද මෙම අවස්ථාවට සහභාගිව සිටීම කැපී පෙනුණි.

ටෙස්ට් තරග 100 සඳහා වන ටෙස්ට් කැප් තොප්පිය චමින්ද වාස් මහතා අතින් ලබා දෙද්දී එම අවස්ථාව වෙනුවෙන් නිර්මාණය කරන ලද සිහිවටන දෙක ආචාර්ය ධර්මදාස මහතා අතින් මැතිව්ස් වෙත පිරිනමන ලදී.

Active filters

Recent Posts

LKR Sri Lankan rupee

Pin It on Pinterest