slc
logo
Home   |    News
ජූලි 8, 2022
ශ්‍රී ලංකා ක්‍රිකට් පොරොන්දු ඉටු කරයි – ඩොලර් මිලියන 2ක මුදල සෞඛය අංශයට පිරිනමයි

sinhala editor

අත්‍යාවශ්‍ය ඖෂධ මිලදී ගැනීම සඳහා පොරොන්දු වූ පරිදි ඇමරිකානු ඩොලර් මිලියන 2 ක මුදල හෙවත් ශ්‍රී ලංකා මුදලින් රුපියල් මිලියන 718 ක මුදල මෙරට සෞඛ්‍ය පද්ධතිය වෙත නිල වශයෙන් පරිත්‍යාග කිරීමට ශ්‍රී ලංකා ක්‍රිකට් ආයතනය අද (ජූලි 07 දා) කටයුතු කළේය.

මෙම මුදලෙන් ඇමරිකානු ඩොලර් මිලියනයක මුදලක් ළමා ප්‍රතිකාර සඳහා අවශ්‍ය අත්‍යවශ්‍ය ඖෂධ මිලදී ගැනීම සදහා කොළඹ රිජ්වේ ආර්යා රෝහල වෙත ද, ඉතිරි මුදල පිළිකා රෝගීන්ට අවශ්‍ය අත්‍යාවශ්‍ය ඖෂධ මිලදී ගැනීම වෙනුවෙන් මහරගම අපේක්ෂා පිළිකා රෝහල වෙත පරිත්‍යාග කරනු ලැබීය.

පොදුරදමඬලු යන ක්‍රීඩක ක්‍රීඩිකාවන්ට අනුග්‍රහය

මේ අතර, 2022 වසරේ එංගලන්තයේ බර්මිංහැම් නුවර පැවැත්වීමට නියමිත පොදුරාජ්‍ය මණ්ඩලයීය ක්‍රීඩා උළෙලට සහභාගිවන ක්‍රීඩක ක්‍රීඩිකාවන්ට අනුග්‍රාහකත්වය දැක්වීම සදහා රුපියල් මිලියන 22.5 ක මුදලක් පරිත්‍යාග කිරීමට ශ්‍රී ලංකා ක්‍රිකට් ආයතනය පියවර ගනු ලැබීය.

ශ්‍රී ලංකා ක්‍රිකට් ආයතනයේ ගරු සභාති ශම්මි සිල්වා මහතා විසින් මෙම ප්‍රධානය ක්‍රීඩා අමාත්‍ය රොෂාන් රණසිංහ මහතා වෙත පිළිගන්වනු ලැබීය.

ජාතික ක්‍රීඩා අරමුදලටත් රුපියල් මිලියන 100 ක්

මීට අමතරව ජාතික ක්‍රීඩා අරමුදලේ මූල්‍ය තත්ත්වය තර කිරීම වෙනුවෙන්ද රුපියල් මිලියන 100 ක මුදලක් පරිත්‍යාග කිරීමට ශ්‍රී ලංකා ක්‍රිකට් පියවර ගනු ලැබීය. ශ්‍රී ලංකා ක්‍රිකට් ආයතනයේ ගරු සභාපති ශම්මි සිල්වා මහතා අතින් මෙම මුදල ක්‍රීඩා අමාත්‍ය රොෂාන් රණසිංහ මහතා වෙත ලබා දෙනු ලැබීය. මෙම අවස්ථාවට සෞඛ්‍ය හා ජල සම්පාදන හා ජලපවාහන අමාත්‍ය ආචාර්ය කෙහෙළිය රඹුක්වැල්ල මහතා ද සහභාගිව සිටියේය. ක්‍රීඩා අමාත්‍යංශයේ පැවැති මෙම උත්සවයට ක්‍රීඩා අමාත්‍යාංශ ලේකම් අනුරාධ විජේකෝන්, සෞඛ්‍ය අමාත්‍යාංශයේ ලේකම් ජනක ශ්‍රී චන්ද්‍රගුප්ත, ශ්‍රී ලංකා ක්‍රිකට් ආයතනය වෙනුවෙන් එහි ගරු ලේකම් මොහාන් ද සිල්වා, ක්‍රීඩා අධ්‍යක්ෂක ජනරාල් අමල් එදිරිසූරිය, සෞඛ්‍ය අධ්‍යක්ෂක ජනරාල් අසේල ගුණවර්ධන, ශ්‍රී ලංකා ක්‍රිකට් ආයතනයේ ගරු උප භාණ්ඩාගාරික සුජීව ගොඩලියද්ද සහ ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලී ද සිල්වා යන මහත්වරු සහභාගිව සිටියහ.

Active filters

Recent Posts

  • සෑම තරගයකදීම අපි පිටියට යන්නේ කණ්ඩායම් හැගීමෙන් යුතුවයි – මහීෂ් තීක්ෂණ
    සෑම තරගයකදීම ශ්‍රී ලංකා ක්‍රිකට් ක්‍රීඩකයින් පිටියට පිවිසෙන්නේ කණ්ඩායම් හැගීමෙන් බවත්, යම් ක්‍රීඩකයෙකුගෙන් අතපසුවීමක් සිඳු වුවහොත් අනෙක් සියලු ක්‍රීඩකයින් එහි පාඩුව මකා දැමීමට කැපවීමෙන් ක්‍රියාත්මකවන බව ශ්‍රී ලංකා […]
  • ජව සම්පන්න  පහරට විශේෂඥ පුහුණුකරුවෙක්
    ශ්‍රී ලංකා ජාතික කණ්ඩායම් නියෝජනය කරනු ලබන ක්‍රීඩක ක්‍රීඩිකාවන්ගේ ජව සම්පන්න කුසලතා වැඩි දියුණු කිරීම සඳහා අරමුණු කර ගත් සතියක පුහුණු වැඩ සටනක් පැවැත්වීම සදහා ඒ සම්බන්ධ විශේෂඥ පුහුණුකරුවකු […]
  • දෙවැනි විස්සයි-20 තරගයෙත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර ලබන ඉරිදා (13 වැනිදා) රංගිරි දඹුලු ජාත්‍යන්තර ක්‍රීඩාංගණයේ පැවැත්වීමට නියමිත දෙවැනි විස්සයි-20 ක්‍රිකට් තරගයේසියලුම ප්‍රවේශපත් විකිණී අවසන්ව ඇති බව ශ්‍රී ලංකා ක්‍රිකට් ආයතනය නිවේදනය […]
  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]

Pin It on Pinterest

LKR Sri Lankan rupee