මෙරට පවත්වනු ලබන ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් ක්‍රිකට් තරගාවලියේ සිව්දින තරග අංශය ‌ජනවාරි මස 19 වැනිදා ආරම්භ කිරීමට ශ්‍රී ලංකා ක්‍රිකට් ආයතනය විධි විධාන යොදා තිබේ. මෙවර තරගාවලිය කණ්ඩායම් 5 කගේ සහභාගිත්වයෙන් පැවැත්වෙන මෙවර තරගාවලිය මාර්තු 05 වැනිදායින් අවසන් වීමට නියමිතය.

කලම්බු, කැන්ඩි, ගෝල්, දඹුල්ල සහ ජැෆ්නා යන කණ්ඩායම්වල සහභාගිත්වයෙන් පැවැත්වෙන මෙවර තරගාවලියේ ලීග් වටය අවසානයේ පෙරමුණ ගනු ලබන කණ්ඩායම් 4 අවසන් කණ්ඩායම් 4 අතර තරග වටයට සුදුසුකම් ලබති.

මෙවර තරගාවලිය ක්‍රීඩාංගණ 6 ක පැවැත්වීමට කටයුතු යොදා තිබේ, එස්.එස්.සී., ආර්. ප්‍රේමදාස, පී. සරා, පල්ලකැලේ, රංගිරි දඹුල්ල, හම්බන්තොට මහින්ද රාජපක්ෂ සහ ගාල්ල ජාත්‍යන්තර යන ක්‍රීඩාංගණවදී තරග පැවැත්වේ. තරගාවලියේ අවසන් මහ තරගය මාර්තු 02 වැනිදා සිට 05 වැනිදා දක්වා ගාල්ල ජාත්‍යන්තර ක්‍රීඩාංගනයේදී පැවැත්වේ.

නැෂනල් සුපර් ලීග් ක්‍රිකට් තරගාවලිය මෙවර පැවැත්වෙන්නේ දෙවැනි වතාවට වන අතර අභිනව තරගාවලියේ ශූරතාව දිනා ගැනීමට කමිඳු මෙන්ඩිස්ගේ නායකත්වයෙන් යුතු කැන්ඩි පිල දිනා ගැනීමට සමත්විය. ජැෆ්නා පිලට එරෙහිව පැවැති තරගයේදී පළමු ඉනිමේ ජයක් වාර්තා කළ කැන්ඩි ක්‍රීඩකයෝ ශූරතා කුසලානට අමතරව මුදලින් රුපියල් ලක්ෂ 50 ක ජය මල්ලකටද හිමිකම් කීය.