slc
logo
Home   |    News
ජනවාරි 29, 2024
ශ්‍රී ලංකා ක්‍රිකට් තහනම ඉවතට

Sri Lanka Cricket

ශ්‍රී ලංකාවට පනවා ඇති ජාත්‍යන්තර ක්‍රිකට් තහනම වහාම ක්‍රියාත්මක වන පරිදි ඉවත් කිරීමට ජාත්‍යන්තර ක්‍රිකට් කවුන්සිලයේ විධායක සභාව ඊයේ (28) පියවර ගත්තේය. ශ්‍රී ලංකා ක්‍රිකට් පරිපාලනයට දිගින් දිගටම දේශපාලන මැදිහත්වීම් සිදුවන බව පවසමින් පසුගිය වසරේ නොවැම්බර් 11දා ජාත්‍යන්තර ක්‍රිකට් කවුන්සිලය විසින් ශ්‍රී ලංකා ක්‍රිකට් සාමාජිකත්වය අත්හිටුවිය.

ශ්‍රී ලංකා ක්‍රිකට් ආයතනය අයිසිසී සාමාජිකයෙකු ලෙස වගකීම් බරපතල ලෙස උල්ලංඝනය කිරීම හේතුවෙන් එලෙස සාමාජිකත්වය අත්හිටුවීමට පියවර ගත් අතර, විශේෂයෙන්ම එහි කටයුතු ස්වාධීනව කළමනාකරණය කිරීමේ අවශ්‍යතාවය සහ ශ්‍රී ලංකාවේ ක්‍රිකට් නියාමනය හා පරිපාලනය සඳහා රජයේ මැදිහත්වීමක් නොමැති බවට කරුණු සහතිකවීම හේතුවෙන් මෙම තහනම ඉවත්කළ බව අයිසීසීය නිවේදනය කළේය.

පසුගියදා ශ්‍රී ලංකාවේ සංචාරයක නිතර වූ අයිසීසී ප්‍රධාන විධායක නිලධාරී ජෙෆ් ඇලර්ඩිස් මහතා සමඟ ක්‍රීඩා ඇමැති හරීන් ප්‍රනාන්දු මහතා සාකච්ඡා පැවැත්වූ අතර, එහිදී ක්‍රිකට් ක්‍රීඩාව ස්වාධීනව පවත්වාගෙන යෑම උදෙසා රජය ලබාදී ඇති නිදහස පිළිබඳව ඇමැතිවරයා පැහැදිලි කළේය. එහිදී ශ්‍රී ලංකා ක්‍රිකට් පරිපාලනය සම්බන්ධව ඇති රජයේ ස්ථාවරය අයිසීසී ප්‍රධාන විධායකයා ජාත්‍යන්තර ක්‍රිකට් කවුන්සිලය දැනුම්වත් කිරීමෙන් පසු එහි විධායක සභාව විසින් තහනම ඉවත් කිරීම සිඳුවිය.

ශ්‍රී ලංකා ක්‍රිකට් ආයතනය තවදුරටත් සාමාජික වගකීම් කඩ නොකරන බවට අයිසීසීය සෑහීමකට පත්ව ඇති අතර, මෙම තහනම ඉවත් කිරීමත් සමඟ අයිසීසී පූර්ණ සාමාජිකත්වයේ සියළු අයිතිවාසිකම් ශ්‍රී ලංකා ක්‍රිකට් වෙත හිමිවනු ඇත.

 

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee