සංචාරක නවසීලන්ත ක්‍රිකට් කණ්ඩායම සහ ශ්‍රී ලංකාව අතර පල්ලෙකැලේ ජාත්‍යන්තර ක්‍රීඩාංගණයේ පැවැත්වෙන දෙවැනි එක්දින තරගයේදී කාසියේ වාසිය දිනාගත් ශ්‍රී ලංකා නායක චරිත් අසලංක පළමුව පන්දුවට පහර දීම සඳහා නවසීලන්ත පිලට ආරාධනා කර සිටියේය.

කාසියේ වාසිය උරගා බලන අවස්ථාවේදී ශ්‍රී ලංකා නායකයා සඳහන් කර සිටියේ පස්වරුවේදී පිණි සහිත තත්ත්වයක් ඇතිවීමට ඉඩකඩ ඇති බැවින් පළමුව පන්දු යැවීම සඳහා තීරණය කර සිටි බවයි. පිතිකරුවන්ට වඩාත් යෝග්‍ය පල්ලෙකැලේ තණතීරුවේදී ශ්‍රී ලංකා ඩිල්ෂාන් මදුශංක වෙනුවට දුනිත් වෙල්ලාලගේ සමඟ අවතීර්ණව සිටියි.

තරගාවලියේ පළමු තරගයෙන් ලකුණු 45 ක ජයක් අත්කරගත් ශ්‍රී ලංකා කණ්ඩායම මේ වන විටත් තරගාවලිය 1-0 ක් ලෙස පෙරමුණ ගෙන සිටියි. එබැවින් අද තරගයේ ජය ශ්‍රී ලංකාව අත්කරගතහොත් තරගාවලියේ තවත් තරගයක් ඉතිරිව තිබියදීම තරගාවලිය ජය ගැනීමේ හැකියාව සත්කාරකයින්ට උදාවනු ඇත.

මේ අතර නවසීලන්ත කණ්ඩායම පළමු තරගයට අවතීර්ණ වූ කණ්ඩායමේ කිසිදු වෙනසක් නොකරමින් අද තරගයට අවතීර්ණව සිටියි.

ශ්‍රී ලංකාව –  1. පැතුම් නිස්සංක, 2. අවිශ්ක ප්‍රනාන්දු, 3. කුසල් මෙන්ඩිස්, 4. සදීර සමරවික්‍රම, 5. චරිත් අසලංක, 6. ජනිත් ලියනගේ, 7. කමිඳු මෙන්ඩිස්, 8. මහීෂ් තීක්ෂණ, 9. ජෙෆ්රි වැන්ඩර්සි, 10. අසිත ප්‍රනාන්දු, 11. දුනිත් වෙල්ලාලගේ.

නවසීලන්තය – 1. ටිම් රොබින්සන්, 2. විල් යංග්, 3. හෙන්රි නිකොල්ස්, 4. මාක් චැප්මන්, 5. ග්ලෙන් පිලිප්ස්, 6. මයිකල් බ්‍රේස්වෙල්, 7. මිචෙල් හේ, 8. මිචෙල් සැන්ට්නර්, 9. නේතන් ස්මිත්, 10. ඉෂ් සෝධි, 11. ජේකබ් ඩෆී.