ශ්‍රී ලංකා ක්‍රිකට් ආයතනයේ කීර්තිමත් පරිපාලකයකු ලෙසින් කටයුතු කරන ලද නීල් පෙරේරා මහතාගේ අභාවය පිළිබඳව ශ්‍රී ලංකා ක්‍රිකට් ආයතනය සිය බලවත් ශෝකය පළ කර සිටියි. ශ්‍රී ලාංයෙ ක්‍රිකට් ක්‍රීඩාව වෙනුවෙන් තිරයෙන් පිටුපස දැවැන්ත කාර්යය භාරයක් ඉටු කළ පෙරේරා මහතා සිය දිවියට සමුදෙන විට 95 වැනි වියේ පසුවූවේය.

ශ්‍රී ලංකා ක්‍රිකට් පාලක මණ්ඩලයේ ලේකම්වරයකු ලෙස කටයුතු කරන ලද පෙරේරා මහතා එහි උප සභාපතිවරයකු ලෙසද කටයුතු කර තිබේ. ක්‍රිකට් පරිපාලකවරයකු ලෙස ශ්‍රී ලාංකේය ක්‍රිකට් ක්‍රීඩාව නඟා සිටුවීම වෙනුවෙන් පෙරේරා මහතා ලබා දුන් දායකත්වය ක්‍රිකට් ලෝලීන්ගේ මතකයේ සදා නොමැකෙනු ඇත.

මේ හෝක ජනක අවස්ථාවේදී ශ්‍රී ලාංකේය ක්‍රිකට් ක්ෂේත්‍රය වෙනුවෙන් පෙරේරා මහතාගේ පවුලේ අයට, මිතුරන්ට සහ ඥාතීන්ට ශ්‍රී ලංකා ක්‍රිකට් ආයතනය සිය බලවත් ශෝකය ප්‍රකාශ කර සිටියි. පෙරේරා මහතාගේ අවසන් කටයුතු ජනවාරි මස 26 වැනි ඉරු දින ප.ව. 3.30 ට බොරැල්ල පොදු සුසාන භූමියේදී (පැරණි) සිදුකෙරේ. පෙරේරා මහතාට අවසන් ගෞරව දැක්වීම සඳහා දේහය, 25 වැනි සෙනසුරාදා දින පෙ.ව. 10.00 සිට රාත්‍රී 10 තෙක් සහ 26 වැනි ඉරු දින පෙ.ව. 9.00 සිට ප.ව. 3.30 දක්වා කොළඹ, බොරැල්ල, ජයරත්න ප්‍රභූ මල් ශාලාවේ තැන්පත් කර තිබේ.