පෙබරවාරි මස 07 වැනිදා ආරම්භ වන පන්දුවාර විස්සයි-20 ලෝක කුසලාන ක්රිකට් තරගාවලිය සඳහා නම් කරන ලද ශ්රී ලංකා කණ්ඩායමට නැවත්ත තුන් ඉරියව් ක්රීඩක කමිඳු මෙන්ඩිස්ව ඇතුළත් කිරීමට ශ්රී ලංකා ක්රිකට් තේරීම් කමිටුව පියවර ගෙන තිබේ.
ක්රීඩකයින් 15 දෙනෙකුගෙන් සමන්විත ශ්රී ලංකා කණ්ඩායම දසුන් ශානක විසින් මෙහෙයවනු ලබයි. ලෝක කුසලාන ක්රිකට් තරගාවලියට ක්රීඩා කරවීමේ අරමුණින් එංගලන්තයට එරෙහිව පැවැත්වෙන තරග 3 කින් සමන්විත විස්සයි-20 ක්රිකට් තරගාවලිය සඳහා ශ්රී ලංකා කණ්ඩායමට ඇතුළත්ව සිටි ධනංජය ද සිල්වාට, කමිඳුගේ ආගමනයත් සමග කණ්ඩායමේ ඉඩ අහිමිව තිබීම විශේෂත්වයකි.
ශ්රී ලංකාව සහ ඉන්දියාවේ සත්කාරකත්වයෙන් පැවැත්වෙන මෙවර ලෝක කුසලාන ක්රිකට් තරගාවලිිය ලබන මාර්තු මස 08 වැනිදා අවසන් වනු ඇත. තරගාවලියේ සමාරම්භක තරගය පාකිස්තානය සහ නෙදර්ලන්තය අතර කොළඹ එස්. එස්. සී. ක්රීඩාංගණයේදී පැවැත්වෙනු ඇත. ලෝක කුසලාන ක්රිකට් තරගාවලිය යටතේ ශ්රී ලංකා කණ්ඩායම සිය පළමු තරගයට පෙබරවාරි මස 08 වැනි දින අයර්ලන්ත කණ්ඩායම සමගින් කොළඹ ආර්. ප්රේමදාස ක්රීඩාංණයේදී තරග වැදීමට නියමිතය.
ශ්රී ලංකා කණ්ඩායම
- දසුන් ශානක
- පැතුම් නිස්සංක
- කමිල් මිශාර
- කුසල් මෙන්ඩිස්
- කමිදු මෙන්ඩිස්
- කුසල් ජනිත් පෙරේරා
- චරිත් අසලංක
- ජනිත් ලියනගේ
- පවන් රත්නායක
- වනිඳු හසරංග
- දුනිත් වෙල්ලාලගේ
- මහීෂ් තීක්ෂණ
- දුෂ්මන්ත චමීර
- මතීෂ පතිරණ
- එෂාන් මාලිංග
