slc
logo
Home   |    News
අගෝස්තු 2, 2019
නවසීලන්තය ක්‍රිකට් පිල අද රෑ එයි

Sri Lanka Cricket

තරග කාල සටහනේ වෙනසක්

නවසීලන්ත ක්‍රිකට් කණ්ඩායමේ ශ්‍රී ලංකා තරග සංචාරය යටතේ ප්‍රථමයෙන් පැවැත්වීමට නියමිතව තිබූ තරග කාල සටහනෙහි යම් වෙනසක් සිදු කරමින් කොළඹ පැවැත්වීමට නියමිතව තිබූ විස්සයි/20 තරග පල්ලකැලේ ජාත්‍යන්තර ක්‍රීඩාංගණය වෙත රැගෙන යෑමට ශ්‍රී ලංකා ක්‍රිකට් පාලනාධිකාරිය පියවර ගෙන තිබේ. ඒ අනුව දෙරට අතර පැවැත්වෙන තරග 3 කින් සමන්විත විස්සයි/20 තරගාවලියේ සියළුම තරගය මහනුවර පල්ලකැලේ ක්‍රීඩාංගණයේදී පැවැත්වෙනු ඇත.

දෙරට අතර ටෙස්ට් තරගාවලිය ලබන 14 වැනිදා ගාල්ල ජාත්‍යන්තර ක්‍රීඩාංගණයේදී ආරම්භ වන අතර ඒ සඳහා වන නවසීලන්ත ක්‍රිකට් කණ්ඩායම අද (02 දා) රාත්‍රියේ ශ්‍රී ලංකාවට පැමිණිමට නියමිතය. කේන් විලියම්සන්ගේ නායකත්වයෙන් යුතු නවසීලන්ත කණ්ඩායම ක්‍රීඩකයින් 15 දෙනෙකුගෙන් සමන්විත වේ.  

නවසීලන්ත පිල මෙම තරගාවලියට අවතීර්ණ වන්නේ අන්තර්ජාතික ක්‍රිකට් සභාවේ ටෙස්ට් රටවල් වර්ගීකරණයට අනුව දෙවැනි ස්ථානයේ සිට වන අතර ශ්‍රී ලංකාව එම ශ්‍රේණිගත කිරීමෙහි හයවැනි ස්ථානයේ සිට තරග වදිනු ඇත. ලෝක ටෙස්ට් ශූරතාවලිය යටතේ ශ්‍රී ලංකාව මෙන්ම නවසීලන්තය තරග වදිනු ලබන පළමු ටෙස්ට් තරගාවලිය බවට පත්ව තිබෙන මෙම තරගාවලියෙන් පසු දෙරට අතර විස්සයි/20 තරගාවලිය ඇරඹෙනු ඇත.

ටෙස්ට් තරගාවලියට ප්‍රථම නවසීලන්ත පිල තුන්දින පුහුණු තරගයකට සහභාගිවන අතර එම තරගය ලබන 8 වැනිදා සිට 10 වැනිදා දක්වා කටුනායක මේරියන්ස් ක්‍රීඩා සමාජ පිටියේදී පැවැත්වෙනු ඇත.

තරගාවලියට ඇතුළත්ව තිබෙන තරග 3 කින් සමන්විත විස්සයි/20 තරගාවලියේ සියළුම තරග ලබන සැප්තැම්බර් මස 01 වැනිදා සිට මහනුවර පල්ලකැලේ අන්තර්ජාතික ක්‍රිකට් ක්‍රීඩාංගණයේදී පැවැත්වෙනු ඇත. අන්තර්ජාතික ක්‍රිකට් සභාවේ විස්සයි/20 රටවල් ශ්‍රේණිගත කිරීමට අනුව නවසීලන්තය හය වැනි ස්ථානයේ සිටත් ශ්‍රී ලංකාව 8 වැනි ස්ථානයේ සිටත් තරග වදිනු ඇත. විස්සයි/20 තරගාවලියට ප්‍රථම නවසීලන්ත කණ්ඩායම ලබන 29 වැනිදා විස්සයි/20 පුහුණු තරගයකට සහභාගිවීමට නියමිත අතර එම තරග හලාවත ක්‍රීඩා සමාජ පිටියේදීම පැවැත්වේ.

  නව තරග කාලසටහන  
දිනය තරගය ක්‍රීඩාංගණය
අගෝස්තු 8-10 තුන් දින පුහුණු තරගය හලාවත ක්‍රීඩා සමාජ පිටිය
අගෝස්තු 14-18 පළමු ටෙස්ට් තරගය ගාල්ල ජාත්‍යන්තර ක්‍රීඩාංගණය
අගෝස්තු 22-26 දෙවැනි ටෙස්ට් තරගය පී. සරා ක්‍රීඩාංගණය
අගෝස්තු 29 විස්සයි/20 පුහුණු තරගය හලාවත ක්‍රීඩා සමාජ පිටිය
සැප්තැම්බර් 01 පළමු විස්සයි/20 තරගය පල්ලකැලේ ජාත්‍යන්තර ක්‍රීඩාංගණය
සැප්තැම්බර් 03 දෙවැනි විස්සයි/20 තරගය පල්ලකැලේ ජාත්‍යන්තර ක්‍රීඩාංගණය
සැප්තැම්බර් 06 තෙවැනි විස්සයි/20 තරගය පල්ලකැලේ ජාත්‍යන්තර ක්‍රීඩාංගණය

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo