slc
logo
Home   |    News
අගෝස්තු 24, 2019
විස්සයි/20 නායකත්වය දිගටම මාලිංගට

Sri Lanka Cricket

විස්සයි/20 තරග අංශයේ නායකයා ලෙසින් තවදුරටත් කටයුතු කිරීමේ අවස්ථාව හිටපු නායක ලසිත් මාලිංගටම ලබා දීමට ශ්‍රී ලංකා ක්‍රිකට් ආයතනය පියවර ගෙන තිබේ. ඒ අනුව ටෙස්ට් තරගාවලියෙන් පසු පැවැත්වෙන තරග 3 කින් සමන්විත ශ්‍රී ලංකා විස්සයි/20 කණ්ඩායමේ නායකයා ලෙසින් ලසිත් මාලිංග කටයුතු කරනු ඇත.

අවසන් වරට ශ්‍රී ලංකා කණ්ඩායමක් විස්සයි/20 තරගාවලියකට සහභාගිවී ඇත්තේ ලසිත් මාලිංගගේ නායකත්වය යටතේ මෙම වසර මුලදී දකුණු අප්‍රිකාවේ පැවැති තරග 3 කින් සමන්විත තරගාවලියේදී වේ. ඒ අනුව සැප්තැම්බර් මස 01 වැනිදා සිට පැවැත්වෙන මෙම තරගාවලිය සඳහා ප්‍රකාශයට පත් කරන ලද 15 දෙනෙකුගෙන සමන්විත විස්සයි/20 කණ්ඩායමේ මාලිංගගේ සහායකයා ලෙසින් නිරෝෂන් දික්වැල්ලව පත් කර තිබේ.

නම් කරන ලද කණ්ඩායමට තරුණ ක්‍රීඩකයින් කීප දෙනෙකුම ඇතුළත්ව සිටිති. කෙසේ වෙතත් නම් කරන ලද කණ්ඩායමේ තුන් ඉරියව් ක්‍රීඩක ඇන්ජලෝ මැතිව්ස්ව විවේක ගන්වා තිබීම විශේෂත්වයක් වේ. ඊට අමතරව ටෙස්ට් තරගාවලියේදී තුන් ඉරියව්වෙන්ම දක්ෂතා දැක්වූ ධනංජය ද සිල්වා සහ තිසර පෙරේරාට මෙම කණ්ඩායමේ ස්ථාන හිමි නොවීම කැපී පෙනෙයි.

ඉකුත්දා දකුණු අප්‍රිකාව සමඟ පැවැති තරගාවලියට නම් කරන ලද ක්‍රීඩකයින්ගෙන් 09 දෙනෙකුම නවසීලන්තය සමඟ පැවැත්වෙන තරගාවලියට නම් නොකිරීමට තේරීම් කමිටුව පියවර ගෙන තිබේ. ශ්‍රී ලංකා ඒ කණ්ඩායමේ ඉන්දීය තරග සංචාරයේදී පිතිකරුවකු ලෙස දක්ෂතා දක්වන ලද ෂෙහාන් ජයසූරිය සහ නැගී එන කණ්ඩායමේ බංග්ලාදේශ තරග සංචාරයේදී දක්ෂතා දැක්වූ තුන් ඉරියව් ක්‍රීඩක වනිඳු හසරංග සහ ළහිරු මධුශංක නම් කරන ලද කණ්ඩායමට අළුතින් එකතු වී ඇති ක්‍රීඩකයෝ වෙති.

ශ්‍රී ලංකා විස්සයි/20 කණ්ඩායම – ලසිත් මාලිංග (නායක), නිරෝෂන් දික්වැල්ල (උප නායක), අවිශ්ක ප්‍රනාන්දු, කුසල් පෙරේරා, ධනුෂ්ක ගුණතිලක, කුසල් මෙන්ඩිස්, ෂෙහාන් ජයසූරිය, දසුන් ශානක, වනිඳු හසරංග, අකිල ධනංජය, ලක්ෂාන් සඳකැන්. ඉසුරු උදාන, කසුන් රජිත, ළහිරු කුමාර, ළහිරු මධුශංක.

කණ්ඩායමට අළුතින් පැමිණි ක්‍රීඩකයින් – ධනුෂ්ක ගුණතිලක, ෂෙහාන් ජයසූරිය, දසුන් ශානක, වනිඳු හසරංග, කුසල් පෙරේරා, කසුන් රජිත, ළහිරු කුමාර සහ ළහිරු මධුශංක.

ස්ථාන අහිමිවූ ක්‍රීඩකයින් – අසිත ප්‍රනාන්දු, සුරංග ලක්මාල්, කමිඳු මෙන්ඩිස්, ඇන්ජලෝ පෙරේරා, ප්‍රියමාල් පෙරේරා, තිසර පෙරේරා, සධීර සමරවික්‍රම, ධනංජය ද සිල්වා, ජෙෆ්රි වැන්ඩර්සි.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee