slc
logo
Home   |    News
අගෝස්තු 28, 2019
ශ්‍රී ලංකා නැගී එන පිල කඩුලු 4 ට ලකුණු 101 යි

Sri Lanka Cricket

ශ්‍රී ලංකා නැගී එන කණ්ඩායමේ බංග්ලාදේශ තරග සංචාරය යටතේ පැවැත්වෙන පළමු නිල නොවන සිව් දින ක්‍රිකට් තරගයේ දෙවැනි දිනය වූ අද (28 දා) සිය පළමු ඉනිම ක්‍රීඩා කරමින් සිටින ශ්‍රී ලංකා නැගී එන කණ්ඩායම කරකවා අතහැර දැමූ බංග්ලාදේශ පන්දු යවන්නෝ දෙවැනි දිනට තරගය නිමා කරන විට ලකුණු 101 ක් ඇතුළත ශ්‍රී ලංකා පිලේ ඉදිරි පෙළ පිතිකරුවන් 4 දෙනුම දවා ගත්හ.

ප්‍රථමයෙන් පන්දුවට පහර දුන් බංග්ලාදේශ නැගී එන කණ්ඩායම පළමු ඉනිම වෙනුවෙන් ලබා ගත් ලකුණු 360 පසු කර යෑමට ශ්‍රී ලංකා නැගී එන කණ්ඩායමට තවත් ලකුණු 259 ක් අවශ්‍යව තිබෙන අතර ඒ සඳහා කඩුලු 6 ක් පමණක් අතැතිව සිටියි.

කුල්නා හි පැවැත්වෙන මෙම තරගයේදී ශ්‍රී ලංකා නැගී එන පිල වෙනුවෙන් ප්‍රමෝද් වධුවන්ත ලකුණු 21 ක් සහ අෂේන් බණ්ඩාර ලකුණු 23 ක් ද ලබා තරගයේ තෙවැනි දිනය වන හෙට දිනයේදීත් පන්දුවට පහර දීමේ අභිලාෂයෙන් පසුවෙති. ලකුණු 59 කට පළමු කඩුලු 4 ම බිද වැටී අන්තිම අඩියට වැටී සිටි ශ්‍රී ලංකා පිල ඔසවා තැබූ ප්‍රමෝද් සහ අෂේන් යුගලය පස්වැනි කඩුල්ල වෙනුවෙන් රැස් කරන ලද නොබිඳුණු සම්බන්ධතාවය ලකුණු 42 කි.

ශ්‍රී ලංකා නැගී එන පිලේ දැවී ගිය පළමු පිතිකරුවා වූයේ පැතුම් නිස්සංකයි. මුලු ලකුණු සංඛ්‍යාව 21 ක්ව සටහන්ව තිබියදී බංග්ලාදේශ පිලේ එකම කඩුලු ලාභියා වූ නයීම් හසන්ගේ පළමු ගොදුර ලෙසින් පැතුම්ගේ ඉනිම නිමා වන විට ඔහුගේ නම ඉදිරියෙන් ලකුණු 16 ක් සටහන්ව තිබිණ. පැතුම්ගේ දැවී යෑමෙන් පසු ලකුණු පුවරුවට ලකුණු 05 ක් එක් වද්දී අනෙක් ආරම්භක පිතිකරුවා වූ සංගීත් කුරේවද ලකුණු 06 කට දවා ගත් හසන් ශ්‍රී ලංකා ඉනිමේ පීඩනයට වැඩි කළේය.

බලාපොරොත්තු තැබිය හැකි පිතිකරුවන් දෙපළක් වුණු කඩුලු රකින ක්‍රීඩක මිනෝද භානුක සහ නායක චරිත් අසලංක එක්ව ශ්‍රී ලංකා කඩා වැටුණු ශ්‍රී ලංකා නැගී එන පිල ගොඩ ගැනීමේ මෙහෙයුමක නිරත වූ නමුත් හසන් විසින් මිනෝද් භානුකව දවා ගැනීමට සමත්වීම සමඟ එම සම්බන්ධතාවය ලකුණු 26 දී බිඳ වැටිණ.

අනපේක්ෂිත අර්බුදයකට මුහුණ දුන් ශ්‍රී ලංකා කණ්ඩායම තවත් අසීරුතාවයට පත්වූ කරුණ බවට පත්වූයේ නායක චරිත් අසලංකගේ දැවී යෑමයි. දිනයේ අවසන් පිතිකරුවා ලෙසින් නයීම් හසන්ගේ සිව්වැනි ගොදුර බවට පත්වූ අසලංක පිටියෙන් ඉවත්ව යන විට පන්දු 34 කට මුහුණ දී ලකුණු 18 ක් ලබා සිටියේය.

කඩුලු 4 කට ලකුණු 233 ක් තිබියදී දෙවැනි දින ඇරඹූ බංග්ලාදේශ නැගී එන කණ්ඩායම අද දිනයේදී තම ඉනිම තවත් ලකුණු 127 කින් ඉහළ දමා ගත්තේය. මෙම තරගයේ තවමත් එකම ශතක ලාභියා බවට පත්ව සිටින නජ්මුල් හොසේන්ගේ ඉනිම ලකුණු 133 දී නිමා කිරීමට වේග පන්දු යවන කලන පෙරේරා සමත්වූවේය. කඩුල්ල මුවා කිරීමේ වරදට හසුව නජ්මුල් පිටියෙන් ඉවත් වන විට බංග්ලාදේශ ලකුණු පුවරුව කඩුලු 5 කට ලකුණු 259 ක් ලෙසින් දිස්විය.

ශ්‍රී ලංකා නැගී එන පිල වෙනුවෙන් පන්දු යැවීමෙන් කැපී පෙනුණු රමේෂ් මෙන්ඩිස් ලකුණු 73 කට කඩුලු 4 ක් දවා ගනිද්දී කලන පෙරේරා සහ අසිත ප්‍රනාන්දු කඩුලු 2 බැගින් බිඳ හෙලූහ.

හෙට තරගයේ තෙවැනි දිනයයි.

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

USD United States (US) dollar