slc
logo
Home   |    News
සැප්තැම්බර් 25, 2019
‘ඒ’ තරග කාල සටහනේ වෙනසක්

Sri Lanka Cricket

ශ්‍රී ලංකා ‘ඒ කණ්ඩායම සහ බංග්ලාදේශ ‘ඒ’ කණ්ඩායම් අතර පැවැත්වීමට නියමිත තරග කාල සටහනේ වෙනසක් සිදු කරමින් වර්ෂාව හේතුවෙන් අත හැර දැමුණු පළමු සිව් දින ටෙස්ට් තරගය ලබන 28 වැනිදා හම්බන්තොට මහින්ද රාජපක්ෂ ක්‍රීඩාංගණයේදී පැවැත්වීමට ශ්‍රී ලංකා ක්‍රිකට් ආයතනය පියවර යොදා තිබේ.

තරග 2 කින් සමන්විත දෙරට අතර සිව්දින ක්‍රිකට් තරගාවලියේ පළමු තරගය ඉකුත් 23 වැනිදා කටුනායක මේරියන්ස් ක්‍රීඩා පිටියේදී ආරම්භවීමට නියමිතව තිබුණත් වර්ෂාව හේතුවෙන් පළමු දින 2 දීම තරගය ආරම්භ කිරීමට නොහැකි විය. දිවයිනේ ප්‍රදේශ ගණනාවකට ගං වතුර තත්ත්වයක් ඇති කරමින් ඇද හැළෙන  වර්ෂාව හේතුවෙන් දෙවැනි දිනය අවසානයේදී එම තරගය අත හැර දැමීමට තරග සංවිධායකයෝ කටයුතු යෙදුවහ.

කෙසේ වෙතත් ‘ඒ’ තරගාවලියක ඇති වැදගත් කම පිළිබඳව අවධානය යොමු කළ ශ්‍රී ලංකා ක්‍රිකට් ආයතනය තරග කාල සටහනේ වෙනසක් සිදු කරමින් යළිත් හම්බන්තොට මහින්ද රාජපක්ෂ ක්‍රීඩාංගණයේ පැවැත්වීම කෙරෙහි අවධානය යොමු කළේය. ඒ අනුව මෙම තරගය ලබන 28 වැනිදා සිට ඔක්තෝම්බර් 01 වැනිදා දක්වා හම්බන්තොට දී පැවැත්වෙන අතර දෙවැනි ටෙස්ට් තරගය ලබන ඔක්තෝම්බර් 04 වැනිදා සිට 07 වැනිදා දක්වා එම ක්‍රීඩාංගණයේදීම පැවැත්වෙනු ඇත.

කෙසේ වෙතත් මෙම තරගාවලියෙන් අනතුරුව පැවැත්වීමට නියමිත තරග 3 කින් සමන්විත එක්දින ක්‍රිකට් තරගාවලියේ දිනද වෙනසක් සිදුකරමින් පළමු සහ දෙවැනි තරග 09 සහ 10 යන දෙදින හම්බන්තොට මහින්ද රාජපක්ෂ ක්‍රීඩාංගණයේදීම පැවැත්වෙනු ඇත. දෙරට අතර අවසන් එක්දින තරගය ලබන 12 වැනිදා කොළඹදී පැවැත්වෙන අතර එම තරගයෙන් පසුව ලබන 13 වැනිදා බංග්ලාදේශ ‘ඒ’ කණ්ඩායම සිය රට බලා පිටත්ව යෑමට නියමිතව ඇත.

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee