slc
logo
Home   |    News
සැප්තැම්බර් 12, 2019
වර්ෂාවේ අවාසිය ශ්‍රී ලංකාවේ හරහට හිටියි

Sri Lanka Cricket

ආසියානු ක්‍රිකට් කවුන්සිලයේ මෙහෙයවීමෙන් පැවැත්වෙන වයස අවුරුදු 19 න් පහළ ආසියානු කුසලාන ක්‍රිකට් තරගාවලියේ අවසන් මහ තරගයට සුදුසුකම් ලබන කණ්ඩායම තේරීම වෙනුවෙන් සත්කාරක ශ්‍රී ලංකා කණ්ඩායම සහ ඉන්දියාව අතර අද (12 දා) පැවැත්වීමට නියමිතව තිබූ අවසන් පූර්ව තරගය වර්ෂාව හේතුවෙන් එකම පන්දුවක් හෝ නොයවා අතහැර දැමීමට විනිසුරුවන්ට සිදුවිය.

කොළඹ පී. සරා ඕවල් පිටියේ පැවැත්වීමට කටයුතු යොදා තිබූ මෙම තරගයට උදෑසන සිටම වර්ෂාව බාධා ඇති වූ බැවින් තණතීරුව වැසි ආවරණ වලින් වසා තැබීමට ක්‍රීඩාංගණ කාර්ය මණ්ඩලය කටයුතු යෙදූහ. ඒ අනුව ප.ව. 2 ට පමණ ක්‍රීඩාංගණයේ සෝදිසි චාරිකාවක නිරත වුණු විනිසුරුවෝ ප.ව. 2.20 ට තරගය අත හැර දැමීමට තීරණය කළහ. විනිසුරුවන් ක්‍රීඩාංගණය සෝදිසි කරන අතර වාරයේ මෙම තරගයේ තීරකවරයා ලෙසින් කටයුතු කරන ලද බංග්ලාදේශ ජාතික අක්තාර් අහමඩ් මහතාද ඔවුන් අතර යමින් ක්‍රීඩාංගණය පිළිබඳව සෝදිසි කිරීම  කැපී පෙනෙන සිදුවීමක් විය.

මෙම තරගය ප්‍රතිඵල රහිත වූ බැවින් අවසන් මහ තරග අවස්ථාවට සුදුසුකම් ලැබීමට ඉන්දීය යොවුන් කණ්ඩායමට වරම් හිමිවිය.  තරගාවලියේ නීති රීතීන්ට අනුව මෙම තරගය ප්‍රතිඵල රහිත වුවහොත් අවසන් මහ තරග වරම් ලබන්නේ මූලික වටය යටතේ වැඩියෙන්ම ප්‍රසාද ලකුණු සංඛ්‍යාවක් දිනා සිටින කණ්ඩායම වන බැවින් එහි වාසිය ඉන්දියාවට උදා විය.

මූලික වටයේ ‘බී’ කාණ්ඩය යටතේ තරග වැදුණු සත්කාරක ශ්‍රී ලංකා කණ්ඩායම එක්සත් අරාබි එමීර් රාජ්‍ය කණ්ඩායමට සහ නේපාලනයට එරෙහිව පැවැති තරග ජය ගත්තද බංග්ලාදේශයට එරෙහි තරග පරාජයට පත් විය. මෙම තත්ත්වය මත ශ්‍රී ලංකා කණ්ඩායමට අකමැත්තෙන් හෝ අවාසනාවන්ත ලෙස අවසන් මහ තරග අවස්ථාව අහිමි විය.

මේ අතර බංග්ලාදේශය සහ ඇෆ්ගනිස්තානය අතර මොරටුව ද සොයිසා ක්‍රීඩාංගණයේ පැවැත්වීමට නියමිතව තිබූ දෙවැනි අවසන් පූර්ව තරගයටද වර්ෂාවෙන් බලපෑම් ඇතිවීම නිසා එකම පන්දුවක් හෝ යැවීමේ අවස්ථාව අහිමි විය. එබැවින් එම තරගයේදීද අවසන් මහ තරග වරම දිනා ගන්නා ලද්දේ මූලික වටයේ පැවැති තරග 3 ම ජයගෙන සිටි බංග්ලාදේශ කණ්ඩායමයි.

ඒ අනුව ඉකුත් වසරේ ශූරයින් ලෙස මෙම තරගාවලියට පැමිණ සිටින ඉන්දියාව සහ බංග්ලාදේශය ලබන 14 වැනිදා කොළඹ ආර්. ප්‍රේමදාස ක්‍රීඩාංගණයේ පැවැත්වීමට නියමිත අවසන් මහ තරගයේදී තරග වැදීමට නියමිතය.

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

USD United States (US) dollar
logo