slc
Home   |    News
ඔක්තෝබර් 28, 2019
කාන්තා ක්‍රීඩිකාවන් 35 කට කොන්ත්‍රාත් පිරිනමයි

Sri Lanka Cricket

ඔක්තෝබර් මස මස පළමුවැනිදා සිට බල පැවැත්වෙන පරිදි ජාතික තලයේ පසුවන කාන්තා ක්‍රිකට් ක්‍රීඩිකාවන් හට මාස 6 ක කාලයක් සහ නැගී එන ක්‍රීඩිකාවන් සඳහා මාස 3 ක කාලයක් වන පරිදි වාර්ෂික කොන්ත්‍රාත් අළුත් කිරීමට ශ්‍රී ලංකා ක්‍රිකට් ආයතනය කටයුතු යොදා තිබේ. ඒ අනුව කාණ්ඩ 5 ක් යටතේ ක්‍රීඩිකාවන් 35 දෙනෙකු මෙම කොන්ත්‍රාත්තුවට ඇතුළත් කර තිබේ.

‘ඒ’, ‘බී’, ‘සී’ සහ ‘ඩී’ කාණ්ඩ යටතේ ජාතික තලයේ පසුවන ක්‍රීඩිකාවන් 20 ක්ද නැගී එන කාණ්ඩය යටතේ ක්‍රීඩිකාවන් 15 ක්ද මෙම කොන්ත්‍රාත්තුවට ඇතුළත් ව සිටිති. ඔවුන් සියළු දෙනාටම කොන්ත්‍රාත්තුවට හිමි මුදලට අමතරව අතිරේක පෝෂ්‍ය පදාර්ථ සඳහාද අතිරේක මුදලක් ලබා දීමට ශ්‍රී ලංකා ක්‍රිකට් ආයතනය පියවර ගෙන තිබේ. මීට අමතරව නැගී එන කාන්තා කණ්ඩායම නියෝජනය කරනු ලබන ක්‍රීඩිකාවන්ට ස්ථාවර මාසික ගාස්තුවකට අමතරව පැමිණීමේ දීමනාවක්ද ලබා දීම සිදු කරනු ලබයි.

අදාළ කොන්ත්‍රාත් ගත කිරීම අනුව ප්‍රධානම කාණ්ඩය වන්නේ ඒ කාණ්ඩයට වන අතර වත්මන් විස්සයි-20 නායිකා චමරි අතපත්තු, එක්දින නායිකා ශෂිකලා සිරිවර්ධන සහ හිටපු නායිකා ඉනෝකා රණවීර එම කාණ්ඩයේ පසුවන ක්‍රීඩිකාවන් වෙති. ඊට අමතරව ‘බී’ කාණ්ඩයට ක්‍රීඩිකාවන් 5 දෙනෙකුද ‘සී’ කාණ්ඩයට ක්‍රීඩිකාවන් 7 දෙනෙකු සහ ‘ඩී’ කාණ්ඩයට ක්‍රීඩිකාවන් 5 දෙනෙකු ඇතුළත්ව සිටිති.

ඉකුත් වසරේදී දක්වන දක්ෂතා සැලකිල්ලට ගනිමින් හේමන්ත දේවප්‍රිය මහතාගේ ප්‍රධානත්වයෙන් යුතු කාන්තා ක්‍රිකට් තේරීම් කමිටුව විසින් ශ්‍රී ලංකා ක්‍රිකට් ආයතන වෙත සිදුකරන ලද නිර්දේශ කිරීම මත මෙම කොන්ත්‍රාත් ලබා දීම ශ්‍රී ලංකා ක්‍රිකට් ආයතනය විසින් සිදු කරන ලදී.

කොන්ත්‍රාත්තුවට ඇතුළත් ක්‍රීඩිකාවන් මෙසේය.

‘ඒ’ කාණ්ඩය – චමරි අතපත්තු, ශෂිකලා සිරිවර්ධන, ඉනෝකා රණවීර

‘බී’ කාණ්ඩය – අනුෂිකා සංජීවනී, යශෝධා මෙන්ඩිස්, ඕෂධී රණසිංහ, නිලක්ෂි ද සිල්වා, සුගන්ධිකා කුමාරි

‘සී’ කාණ්ඩය – උදේශිකා ප්‍රබෝධනී, ඩිලානි මනෝදරා, හසිනි පෙරේරා, අමා කංචනා, ප්‍රසාදිනී වීරක්කොඩි, කවීෂා දිල්හාරි, හර්ෂිතා මාධවී

‘ඩී’ කාණ්ඩය – ඉමල්කා මෙන්ඩිස්, ඉනෝෂි ප්‍රනාන්දු, අචිනි කුලසූරිය, හංසිමා කරුණාරත්න, මදුෂිකා මෙත්තානන්ද

නැගී එන කාණ්ඩය – මල්ෂා ෂෙහානි, සත්‍යා සංදීපනී, ලිහිනි අප්සරා, තාරිකා සෙව්වන්දි, උමේෂා තිමාෂිනී, ජිමාංජලී විජේනායක, හර්ෂනී විජේරත්න, ශෂිකලා සිල්වා, සඳුනි නිසංසලා, ඉරේෂා ශ්‍යාමලී, තාරුකා ශෙහානි, නිලක්ෂණා සඳමිනී, රොස් පෙරේරා, ශ්‍යානි ඕෂධී, ජනදි අනාලී

Active filters

Recent Posts

  • ශ්‍රී ලංකාවෙන් ලකුණු 269 ක ඉලක්කයක්
    මුල් පෙළ පිතිකරුවන් අසාර්ථක්තවයට පත් වුවද පස්වැනි කඩුල්ලට එක් වුණු චරිත් අසලංක සහ ධනංජය ද සිල්වා ගොඩනංවන ලද ලකුණු 99 ක සම්බන්ධතාව පෙරමුණු කොට ඇෆ්ගනිස්තානයට එරෙහිව හම්බන්තොට මහින්ද […]
  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
USD United States (US) dollar

Pin It on Pinterest