slc
logo
Home   |    News
නොවැම්බර් 26, 2019
යොවුන් ලෝක කුසලානෙට පෙර ශ්‍රී ලංකාවට එක්දින තරග 7 ක්

Sri Lanka Cricket

එංගලන්තය සහ බටහිර ඉන්දීය කොදෙව් වයස අවුරුදු 19 න් පහළ යොවුන් කණ්ඩායම්වල සහභාගිත්වයෙන් පැවැත්වෙන තුන්කොන් එක්දින ක්‍රිකට් තරගාවලියකට සහභාගිවීම සඳහා ශ්‍රී ලංකා වයස අවුරුදු 19 න් පහළ කණ්ඩායම මේ මස 29 වැනිදා බටහිර ඉන්දීය කොදෙව් දූපත් බලා පිටත්ව යනු ඇත.

ලබන වසර මුලදී දකුණු අප්‍රිකාවේ පැවැත්වීමට නියමිත වයස අවුරුදු 19 න් පහළ යොවුන් ලෝක කුසලාන ක්‍රිකට් තරගාවලියට පෙරහුරු තරගාවලියක් ලෙසින් පැවැත්වෙන මෙම තරගාවලිය ලබන දෙසැම්බර් මස 06 වැනිදා සිට 21 වැනිදා දක්වා බටහිර ඉන්දීය කොදෙව් දූපත්හිදී පැවැත්වෙනු ඇත.

ශ්‍රී ලංකා වයස අවුරුදු 19 න් පහළ කණ්ඩායම මෙම මස 30 වැනිදා බටහිර ඉන්දීය කොදෙව් දූපත් වෙත ළඟා වුවද පළමු තරගයට ක්‍රීඩා කිරීමට නියමිතව ඇත්තේ දින 7 කට පසුව හෙවත් දෙසැම්බර් මස 06 වැනිදාය. තරගාවලියේ සමාරම්භක තරගය ලෙසින් පැවැත්වෙන එම තරගයේදී ශ්‍රී ලංකා පිල එංගලන්තය සමඟ ක්‍රීඩා කිරීමට නියමිතය.

තරගාවලියට පෙර ශ්‍රී ලංකා යොවුන් පිල ඇන්ටිගුවා XI කණ්ඩායම සමඟ ලබන මස 03 වැනිදා පුහුණු තරගයකට සහභාගිවීමට නියමිතව තිබේ. අවසන් මහ තරගයද ඇතුළුව සමස්ථ තරග 10 කින් සමන්විත මෙම තරගාවලිය යටතේ සෑම කණ්ඩායමක්ම තෙවතාවකදී එකිනෙකා මුණ ගැසෙන සේ මූලික තරග වටය පැවැත්වෙන අතර ඒ අනුව ශ්‍රී ලංකා යොවුන් පිලට එම තරග වටය යටතේ තරග 6 කට සහභාගිවීමට නියමිතය. 

තරගාවලියේ සියළුම තරග ශ්‍රීමත් විවියන් රිචර්ඩ්ස් සහ කූලිජ් යන ක්‍රීඩාංගණවලදී පැවැත්වෙන අතර අවසන් මහ තරගය ලබන දෙසැම්බර් මස 21 වැනිදා කූලිජ් ක්‍රීඩාංගණයේදී පැවැත්වෙනු ඇත.  ඒ අනුව මූලික තරග වටය යටතේ දක්ෂතා දක්වමින් ශ්‍රී ලංකා යොවුන් කණ්ඩායම මෙම තරගාවලියේ අවසන් මහ තරග වරම දිනා ගැනීමට සමත් වුවහොත් යොවුන් ලෝක කුසලාන ක්‍රිකට් තරගාවලියට පෙර එක්දින තරග 7 කට ක්‍රීඩා කිරීමේ අවස්ථාව උදාවනු ඇත.

දිනයතරගයක්‍රීඩාංගණය
දෙසැම්බර් 06ශ්‍රී ලංකාව සහ එංගලන්තයශ්‍රීමත් විවියන් රිචර්ඩ්ස් 
දෙසැම්බර් 07ශ්‍රී ලංකාව සහ බටහිර ඉන්දීය කොදෙව්ශ්‍රීමත් විවියන් රිචර්ඩ්ස් 
දෙසැම්බර් 09බටහිර ඉන්දීය කොදෙව් සහ එංගලන්තයශ්‍රීමත් විවියන් රිචර්ඩ්ස්
දෙසැම්බර් 10ශ්‍රී ලංකාව සහ බටහිර ඉන්දීය කොදෙව්ශ්‍රීමත් විවියන් රිචර්ඩ්ස්
දෙසැම්බර් 12ශ්‍රී ලංකාව සහ එංගලන්තයශ්‍රීමත් විවියන් රිචර්ඩ්ස්
දෙසැම්බර් 13බටහිර ඉන්දීය කොදෙව් සහ එංගලන්තයකූලිජ්
දෙසැම්බර් 15ශ්‍රී ලංකාව සහ බටහිර ඉන්දීය කොදෙව්කූලිජ්
දෙසැම්බර් 17ශ්‍රී ලංකාව සහ එංගලන්තයකූලිජ්
දෙසැම්බර් 19බටහිර ඉන්දීය කොදෙව් සහ එංගලන්තයකූලිජ්
දෙසැම්බර් 21අවසන් මහ තරගයකූලිජ්

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo