slc
logo
Home   |    News
දෙසැම්බර් 26, 2019
ශ්‍රී ලංකාවට එරෙහිව විස්සයි-20 ට බුම්රා එයි

Sri Lanka Cricket

පිට කොන්දේ ශෛල්‍ය කර්මයකට භාජනය වීම හේතුවෙන් මාස 4 ක පමණ කාලයක් ජාත්‍යන්තර ක්‍රිකට් පිටියෙන් ඉවත්ව සිටි ලොව අංක එකේ එක්දින පන්දු යවන්නා වන ඉන්දීය ක්‍රීඩක ජස්ප්‍රිට් බුම්රා ශ්‍රී ලංකාවට එරෙහිව ලබන ජනවාරි මස පැවැත්වෙන විස්සයි-20 තරගාවලිය සඳහා නම් කිරීමට ඉන්දීය තේරීම් වලදී තීරණය වී තිබේ.

ටෙස්ට් තරග අංශයේ 6 වැනි ස්ථානයේද පසුවන බුම්රා අවසන් වරට ඉකුත් අගෝස්තු මසදි බටහිර ඉන්දීය කොදෙව් කණ්ඩායමට එරෙහිව පැවැති තරගාවලියට ක්‍රීඩා කළ අතර ඒ අතර තුර සිදුකරන ලද පුහුණුවීම් වලදී සිය ශාරීරික යෝග්‍යතාවය පිළිබඳව වූ ගැටලුවට මුහුණ දී තිබුණි.

මේ අතර ගෙවී ගිය වසර තුළ එක්දින තරග පිටියේ වැඩිම ලකුණු රැස් කළ පිතිකරුවා බවට පත්ව සිටින ඉන්දීය ආරම්භක පිතිකරු රෝහිත් ෂර්මා සහ වේග පන්දු යවන මොහොමඩ් ශමීවද ශ්‍රී ලංකාවට එරෙහිව පැවැත්වෙන තරගාවලියේදී විවේක ගැන්වීමට එම තේරීම් වලදී පියවර ගෙන තිබේ. ඉන්දීය නිත්‍ය නායක විරාත් කෝලි වේවක ගන්වන විට කණ්ඩායමේ නායකයා ලෙස කටයුතු කරන ෂර්මා ගෙවී ගිය මාස 10 ක පමණ කාලයේ සිට ක්‍රීඩා කර ඇති නිසා ඔහු වෙහෙසට පත්ව සිටින බව එම තේරීම් වලදී තීරණය වී තිබේ. ඔහු අයි. පී. එල්. තරගාවලියේ සිට බටහිර ඉන්දීය කොදෙව් පිලට එරෙහිව පැවැති තරගාවලිය වන තෙක්ම පැවැති බහුතරයක් තරගාවලිවලට සහභාගිවීම ඊට හේතුව වී තිබේ.

සුලු ආබාධිත තත්ත්වයක් හේතුවෙන් කොදෙව්වන්ට එරෙහිව පැවැති තරගාවලියේදී ස්ථානය අහිමිවූ වූ ශිකර් ධවාන්ද ශ්‍රී ලංකාවට එරෙහිව නම් කරන ලද ඉන්දීය සංචිතයට නම් කර තිබේ. පාකිස්තානයට එරෙහිව පැවැති ටෙස්ට් තරගාවලියට සහභාගිවීමෙන් අනතුරුව ශ්‍රී ලංකා කණ්ඩායම ඊයේ (24 දා) යළි දිවයිනට පැමිණි නමුත් ඉන්දියානු තරග සංචාරයට සහභාගිවන කණ්ඩායම මේ වන විටත් ප්‍රකාශයට පත් කර නොමැත.

ඉන්දීයාව සමඟ පැවැත්වෙන තරග තරග 3 කින් සමන්විත විස්සයි-20 තරගාවලිය ලබන 05 වැනිදා ගුවාටිහි දී ආරම්භ වන අතර දෙවැනි තරගය 07 වැනිදා ඉන්දොරේහිදීද තෙවැනි තරගය ලබන 10 වැනිදා පුනේහිදීද පැවැත්වෙනු ඇත.  

ඉන්දීය විස්සයි/20 කණ්ඩායම – විරාත් කෝලි (නායක), ශිකර් ධවාන්, කේ. එල්. රාහුල්, ශ්‍රෙයාස් අයර්, මනිෂ් පාණ්ඩේ, සංජු සැම්සන්, රිෂාබ් පාන්ට්, ශිවාන් ඩුබ්. යුස්වෙන්ද්‍ර චෙහල්, කුල්දීප් යාදව්, රවීන්ද්‍ර ජඩේජා, ශාර්දුල් ඨාකූර, නව්දීප් සයිනි, ජස්ප්‍රිට් බුම්රා, වොෂිංටන් සුන්දාර්.

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

USD United States (US) dollar