slc
logo
Home   |    News
දෙසැම්බර් 10, 2019
හොදම තුරුම්පුව මිකී ආතර් අප සමග යාමයි – ශ්‍රී ලංකා නායක දිමුත් කරුණාරත්න කියයි

Sri Lanka Cricket

පාකිස්තානයේ හිටපු ප්‍රධාන ක්‍රිකට් පුහුණුකරු මිකී ආතර්ගේ සේවය අපට මේ අවස්ථාවේ ලැබී තිබීම හොදම තුරුම්පුවකි. ඊට හේතුව පාකිස්තාන ක්‍රිකට් ක්‍රීඩකයන්ගේ දුර්වලතාවන් දක්ෂතාත් දන්නා හොදම පුද්ගලයා මිකී නිසයි. මේ සියළු අංශ පිළිබදව හොදින් සිතා බලා දක්ෂ ලෙස ක්‍රීඩා කර මව්බිමට ගෞරවයක් ගෙන ඒමට අපේක්ෂා කරන බව ශ්‍රී ලංකා කණ්ඩායමේ නායක දිමුත් කරුණාරත්න පාකිස්තාන සංචාරයට පිටත්වීමට පෙර ක්‍රිකට් ආයතනයේ පැවැති මාධ්‍ය හමුවකදී ප්‍රකාශ කළේය.

රාවල්පින්ඩි නගරයේදී මේ මස 11වැනිදා ඇරම්භවන ප්‍රථම ටෙම්ට් තරගයත් කරච්චියේදී 19වැනිදා ඇරැඹෙන දෙවන ටෙස්ට් තරගයත් අපට ඉතාම වැදගත් වන්නේ ජාත්‍යන්තර ක්‍රිකට් සමුළුවේ ටෙස්ට් තරගාවලියේ අප සහභාගිවන දෙවන තරගාවලිය මෙය වන නිසාය. පාකිස්තානයේ මේ ටෙස්ට් තරගාවලිය පැවැත්වෙන්නේ වසර දහයකට පසුවයි. මමත් ශ්‍රී ලංකා කණ්ඩායමේ වැඩි පිරිසක් පාකිස්තානයේ තරග කරන්නේ ප්‍රථමවතාවට යැයිද දිමුත් කරුණාරත්න කීවේය.

පාකිස්තානයේ තණතිලි දේශගුණය ක්‍රීඩක වතගොත හොදින් දන්නා මිකී ආතර්ගෙ සේවය ලංකා කණ්ඩායමට මේ අවස්ථාවේ ලැබීම විශාල රුකුලකි. පසුගියදා පාකිස්තානයේ පැවැති ශ්‍රී ලංකා – පාකිස්තාන 20-20 තරගාවලියේත් එක්දින තරගාවලියේත් අපේ ක්‍රීඩකයන් හොදින් ක්‍රීඩා කළා. අප ඒ සියළු දේ විමර්ෂණය කරනවා. ඒ වගේම පාකිස්තානය පසුගියදා ඕස්ට්‍රේලියාව සමග තරග කළ ආකාරයත් අප විශ්ලේෂණය කරනවා. සියල්ල සලකා හොද ප්‍රතිඵල රැගෙන ඒමට අපේක්ෂා කරන බව ද ශ්‍රී ලංකා නායකයා කීය.

ශ්‍රී ලංකා කණ්ඩායමේ කළමණාකරු සහ තේරීම් කමිටු සභාපති අසන්ත ද මෙල් අදහස් දක්වමින් ශ්‍රී ලංකා කණ්ඩායමේ ප්‍රබලම වේග පන්දු යවන්නාවන සුරංග ලක්මාල් මේ තරගාවලියට සහභාගිවන්නෙ නැත්තේ ඔහු ඩෙංගු රෝගයෙන් පෙළෙමින් රෝහල්ගතව සිටින බවත් ඔහු වෙනුවට දැනට නේපාලයේ සාග් ක්‍රිකට් තරගාවලියට සහභාගිවන අසිත ප්‍රනාන්දු 12වැනිදා පාකිස්තානයට පැමිණෙනු ඇති බවත් කීවේය.  කසුන් රාජිත, විශ්ව ප්‍රනාන්දු සහ ළහිරු කුමාර වේග පන්දු යවන්නන් ලෙසත් නිත්‍ය දගපන්දු යවන්නන් දෙදෙනෙකු සහ ප්‍රබල පිතිකරුවන් රැසක් ලංකා පිලට අයත් බව අසන්ත ද මෙල් පැවසීය.

ප්‍රධාන පුහුණුකරු රුමේෂ් රත්නායක කීවේ දිමුත් කරුණාරත්න සමග ඕෂද ප්‍රනාන්දු ආරම්භක පිතිකරුවන් ලෙස ක්‍රියා කරන බවත් අප 2017දී ඩුබාහිදී පාකිස්තානය පරාජය කර ඇති බවත්ය. මිකී ආතර් මේ තරගාවලියේ උපදේශක පුහුණුකරු ලෙස සහභාගී වේ.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar