slc
logo
Home   |    News
ජනවාරි 7, 2020
පිතිකරුවන්ට වාසිදායක තණතීරුවේදී ශ්‍රී ලංකාව පන්දුවට පහර දෙයි

Sri Lanka Cricket

සංචාරක ශ්‍රී ලංකා ක්‍රිකට් කණ්ඩායම සහ ඉන්දියාව අතර ඉන්දොරේහිදී අද (07 දා) පැවැත්වෙන දෙවැනි විස්සයි-20 තරගයේදී කාසියේ වාසිය දිනා ගත් ඉන්දීය නායක විරාට් කෝලි පිතිකරුවන්ට පාරාදීසයක් බඳු ඉන්දොරේ තණතීරුවේදී ප්‍රථමයෙන් පන්දුවට පහර දීම සඳහා ශ්‍රී ලංකා කණ්ඩායමට අවස්ථාව විවර කර දුන්නේය.


වර්ෂාව හේතුවෙන් කාසියේ වාසියට පමණක් සීමා වුණු පළමු තරගයට නම් කරන ලද කණ්ඩායම් වල කිසිදු වෙනසක් නොකරමින් කණ්ඩායම් දෙකම අද තරගයට අවතීර්ණ වී සිටිති. තරමක් කුඩා ක්‍රීඩාංගණයක් වන ඉන්දොරේහිදී ප්‍රථමයෙන්ම පන්දුවට පහර දෙනවාට හඹා යෑම පහසු බව වටහා ගෙන සිටින ඉන්දීය නායකයා ප්‍රථමයෙන් පන්දුවට පහර දීමේ අවස්ථාව සංචාරක කණ්ඩායමට ලබා දුන්නේය.
කාසියේ වාසිය උරගා බැලීමෙන් අනතුරුව මාධ්‍ය හමුවේ අදහස් දක්වා සිටි ශ්‍රී ලංකා නායක ලසිත් මාලිංග ද පවසා සිටියේ කාසියේ වාසිය තමන් සතු වූයේ නම් මෙම තණතීරුව හඹා යෑමට තමාද තීරණය කර සිටි බවයි.


ඒ අනුව අද තරගයටද ශ්‍රී ලංකා පිල අවතීර්ණව ඇත්තේ පළපුරුදුම තුන් ඉරියව් ක්‍රීඩකයා වන ඇන්ජලෝ මැතිව්ස් රහිතවය. ඊට අමතරව කුසල් මෙන්ඩිස්ටද අද තරගයේදී වෙන්ව ඇත්තේ අතිරේක ක්‍රීඩකයින්ට හිමි බංකුව වේ.


පළමු තරගය වර්ෂාව හේතුවෙන් එකම පන්දුවක් හෝ නොයවා අතහැර දැමුණු බැවින් ලබන අගෝස්තු මසදී පැවැත්වෙන ලෝක කුසලාන තරගාවලියට කණ්ඩායම සූදානම් කර ගැනීම සඳහා මෙම වසරේදී කණ්ඩායම් 2 ම ක්‍රීඩාංගණයේදී මුණ ගැසෙන පළමු තරගය වන්නේ අද පැවැත්වෙන තරගය වේ. ලෝක කුසාන තරගාවලියේ පළමු තරගයට ක්‍රීඩා කිරීමට පෙර ඉන්දියානු පිලට තවත් විස්සයි-20 තරග 22 කටද ශ්‍රී ලංකාව තරග 10 කටද සහභාගිවීමට නියමිතය.


ශ්‍රී ලංකා කණ්ඩායම – 1. අවිශ්ක ප්‍රනාන්දු, 2. ධනුෂ්ක ගුණතිලක,3. කුසල් පෙරේරා, 4. ඕෂධ ප්‍රනාන්දු, 5. භානුක රාජපක්ෂ, 6. ධනංජය ද සිල්වා, 7. දසුන් ශානක, 8. ඉසුරු උදාන, 9. වනිඳු හසරංග, 10. ලසිත් මාලිංග (නායක), 11. ළහිරු කුමාර.
ඉන්දියානු කණ්ඩායම – 1. ලෝකේෂ් රාහුල්, 2. ශිකර් ධවාන්, 3. විරාට් කෝලි (නායක), 4. ශ්‍රෙයාස් අයියර්, 5. රිෂාබ් පාන්ට්, 6. ශිවම් ඩූබ්, 7. වොෂිංටන් සුන්දර්, 8. කුල්දීප් යාදව්, 9. ශර්දුල් ඨාකූර්, 10. නව්දීප් සානි, 11. ජස්ප්‍රිට් බුම්රා.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar