slc
Home   |    News
පෙබරවාරි 19, 2020
කොදෙව් සටනෙන් ධනුෂ්ක ගුණතිලක හැළෙයි

Sri Lanka Cricket

By Chamila Karawita

පාකිස්තානයට එරෙහිව ක්‍රීඩා කරනලද එක්දින තරගාවලියේ ආරම්භක පිතිකරු ලෙසින් කටයුතු කරන ලද ධනුෂ්ක ගුණතිලකට බටහිර ඉන්දීය කොදෙව් කණ්ඩායම සමඟ එළැඹෙන 22 වැනිදා ආරම්භ වන තරග 3 කින් සමන්විත එක්දින ක්‍රිකට් තරගාවලියට සහභාගිවීමට අවස්ථාව අහිමිව තිබේ. තුනටිය ප්‍රදේශයේ ඇතිවී තිබෙන ආබාධිත තත්ත්වය තවමත් සුව අතට පත් නොවීම ඊට හේතු වී තිබේ.

ධනුෂ්කට අමතරව අවසන් වරට පාකිස්තානයට එරෙහිව පැවැති එක්දින තරගාවලියේදී නායකයා ලෙසින් කටයුතු කරන ලද ළහිරු තිරිමාන්නට 15 දෙනා අතර ස්ථානයක් හිමි නොවීම කැපී පෙනෙයි. පාකිස්තානයට එරෙහිව පැවැති තරගාවලිය සඳහා ජ්‍යෙෂ්ඨ ක්‍රීඩකයින් රැසක් ඇතුළත් නොවුණු බැවින් ඔවුන් සියල්ල මෙම තරගාවලිය සඳහා ඇතුළත්ව සිටීම උක්ත තත්ත්වයට හේතු වී තිබේ.

ඒ අනුව පාකිස්තානයට එරෙහිව ක්‍රීඩා කරන ලද කණ්ඩායමේ තිරිමාන්න සහ ගුණතිලක ඇතුළු ක්‍රීඩකයින් 7 දෙනෙකුට මෙම තරගාවලියේදී සිය ස්ථානය අහිමිව තිබේ. ඕෂධ ප්‍රනාන්දු, සධීර සමරවික්‍රම, මිනෝද් භානුක, ඇන්ජලෝ පෙරේරා සහ කසුන් රජිතට නම් කරන ලද කණ්ඩායමෙන් ඉවත් කොට ඇති ක්‍රීඩකයෝ වෙති.

නම් කරන ලද එක්දින කණ්ඩායමට තුන් ඉරියව් ක්‍රීඩකයින් ලෙසින් තිසර පෙරේරා, දසුන් ශානක සහ ඉසුරු උදාන ඇතුළත්ව සිටින අතර දඟ පන්දු යවන තුන් ඉරියව් ක්‍රීඩකයකු ලෙසින් වනිඳු හසරංග ඇතුළත්ව සිටි. නම් කරන ලද 15 දෙනා අතර පිතිකරුවකු ලෙසින් ධනංජය ද සිල්වා ඇතුළත්ව සිටින අතර ඔහුවද පන්දු යවන්නකු ලෙස භාවිතා කිරීමට හැකිවීම කණ්ඩායම තේරීම තේරීම් කමිටුවට පහසු කරවන්නක් බවට පත්ව තිබේ.

ශ්‍රී ලංකා එක්දින පිල – දිමුත් කරුණාරත්න (නායක),  අවිශ්ක ප්‍රනාන්දු,  කුසල් පෙරේරා,  ෂෙහාන් ජයසූරිය,  නිරෝෂන් දික්වැල්ල, කුසල් මෙන්ඩිස්, ඇන්ජලෝ මැතිව්ස්, ධනංජය ද සිල්වා, තිසර පෙරේරා, දසුන් ශානක, වනිඳු හසරංග, ලක්ෂාන් සඳකැන්, ඉසුරු උදාන, නුවන් ප්‍රදීප්, ළහිරු කුමාර.

ඇතුළට – දිමුත් කරුණාරත්න,  කුසල් පෙරේරා, නිරෝෂන් දික්වැල්ල, කුසල් මෙන්ඩිස්, ඇන්ජලෝ මැතිව්ස්, ධනංජය ද සිල්වා, තිසර පෙරේරා.

ඉවතට – ළහිරු තිරිමාන්න, ධනුෂ්ක ගුණතිලක, සධීර සමරවික්‍රම, ඕෂධ ප්‍රනාන්දු, මිනෝද් භානුක, ඇන්ජලෝ පෙරේරා, කසුන් රජිත.

Active filters

Recent Posts

  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
USD United States (US) dollar

Pin It on Pinterest