By Chamila Karawita
ශ්රී ලංකා ක්රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ ප්රධානතම ලීග් ක්රිකට් තරගාවලියේ දින 6ක් අවසනදී පන්දු යවන්නන් අතර අම්ෂි ද සිල්වා පළමු ස්ථානය රැක ගැනීමට සමත්වද්දී පිතිකරුවන් අතර පෙරමුණට පැමිණීමට එස්. එස්. සී. කණ්ඩායමේ නිපුන් ධනංජය සමත්වී සිටියි.
පස්වැනි දින අවසන් වද්දී පෙරමුණේ සිටි සකුන ලියනගේ තෙවැනි ස්ථානය දක්වා පහත බැස සිටින අතර පළමු ස්ථානයේ සිටින නිපුන් ධනංජය අර්ධ ශතක 3 ක් ද සමගින් තරග 5 කදී ලකුණු 276 ක් ලබා සිටියි. මෙවර තරගාවලියේ ශතක වාර්තා කර පිතිකරුවන් අතර තෙවැනි ශතක ලාභියා වූ ටැමිල් යුනියන් පිලේ රවිඳු ප්රනාන්දු තරග 5 කදී ලකුණු 253 ක් ලබා ගනිමින් දෙවැනි ස්ථානය දක්වා ඉදිරියට පැමිණ සිටියි.
ඔහුට අමතරව යුද හමුදා පිලේ බිෂාන් මෙන්ඩිස් සහ හලාවත මේරියන්ස් පිලේ කමිඳු මෙන්ඩිස් අනෙක් ශතක ලාභීන් දෙදෙනා බවට පත්ව සිටිති.
තරග 5 කට ක්රීඩා කර ඇති සී. සී. සී. පිලේ අම්ෂි කඩුලු 13 ක් බිඳ හෙළි පළමු ස්ථානය දිනාගැනීමට සමත් වද්දී සෙබස්තියනයිට්ස් පිලේ තරුෂ ප්රනාන්දු, ටැමිල් යුනියන් පිලේ සචිඳු කොළඹගේ සහ නුගේගොඩ කණ්ඩායමේ නිපුන් ලක්ෂාන් කඩුලු 12 බැගින් දවාගෙන පිළීවෙළින් දෙවැනි සහ සිව්වැනි ස්ථානය අතර පිළිවෙළින් පසුවෙති.
හෙට මෙම තරගාවලියේ පළමු වටයේ අවසාන තරග කිහිපය පැවැත්වීමට නියමිතව තිබේ.
| අවු.23 න් පහළ ප්රධානතම ක්රිකට් තරගාවලිය – 2020 | ||||||
| වැඩිම ලකුණු ලාභීහු | ||||||
| ක්රීඩකයා | ක්රීඩා සමාජය | තරග | ලකුණු | සාමාන්ය | 100 | 50 |
| නිපුන් ධනංජය | එස්.එස්.සී | 5 | 276 | 69.00 | – | 3 |
| රවිඳු ප්රනාන්දු | ටැමිල් යුනියන් | 5 | 253 | 84.33 | 1 | 1 |
| සකුණ ලියනගේ | නුගේගොඩ | 5 | 238 | 79.33 | – | 2 |
| මලිඳු මදුරංග | සී.සී.සී. | 5 | 223 | 55.75 | – | 2 |
| නිසල් ප්රනාන්දු | බී.ආර්.සී. | 5 | 221 | 55.25 | – | 2 |
| බිෂාන් මෙන්ඩිස් | යුද හමුදාව | 5 | 214 | 42.80 | 1 | 1 |
| කමේෂ් නිර්මාල් | ටැමිල් යුනියන් | 6 | 204 | 40.80 | – | 1 |
| කමිඳු මෙන්ඩිස් | හ. මේරියන්ස් | 3 | 200 | 100.00 | 1 | 1 |
| හරිත් ප්රනාන්දු | යුද හමුදාව | 5 | 177 | 35.40 | – | 2 |
| භාග්ය දිසානායක | නාවික හමුදාව | 6 | 174 | 29.00 | – | 2 |
| අවු.23 න් පහළ ප්රධානතම ක්රිකට් තරගාවලිය – 2020 | ||||
| වැඩිම කඩුලු ලාභීහු | ||||
| ක්රීඩකයා | ක්රීඩා සමාජය | තරග | කඩුලු | ඕවරයකදී ලබා දුන් ලකුණු වල සාමාන්ය |
| අම්ෂි ද සිල්වා | සී.සී.සී. | 5 | 13 | 3.71 |
| තරුෂ ප්රනාන්දු | සෙබස්තියනයිට්ස් | 5 | 12 | 3.38 |
| සචිඳු කොළඹගේ | ටැමිල් යුනියන් | 6 | 12 | 3.55 |
| නිපුන් ලක්ෂාන් | නුගේගොඩ | 5 | 11 | 6.14 |
| රොශාන් සංජය | කෝල්ට්ස් | 4 | 11 | 3.38 |
| හර්ෂ සංදීප | යුද හමුදාව | 5 | 11 | 3.58 |
| ප්රවීන් ජයවික්රම | මුවර්ස් | 4 | 11 | 3.96 |
| මලින්දු අභිෂේක් | බී.ආර්.සී. | 5 | 11 | 4.15 |
| ලසිඳු අරෝෂණ | ක. නාගරික | 4 | 11 | 4.69 |
| මලින්ද ජයෝද් | නුගේගොඩ | 5 | 10 | 3.85 |
