Chamila Karawita reporting from Pallakele
සංචාරක බංග්ලාදේශ පිලට ඒරෙහිව පැවැත්වෙන දෙවැනි ටෙස්ට් ක්‍රිකට් තරගයේ කාසියේ වාසිය හිමිකරගත් ශ්‍රී ලංකා නායක දිමුත් කරුණාරත්න පල්ලකැලේ ජාත්‍යන්තර ක්‍රීඩාංගණයේදී පළමුව පන්දුවට පහර දීමට තීරණය කළේය.
වමත් දඟ පන්දු යවන ප්‍රවීන් ජයවික්‍රම අද දිනයේදී ශ්‍රී ලංකාව වෙනුවෙන් ටෙස්ට් වරම් ලද 156 වැනි ක්‍රීඩකයා බවට පත්වෙමින් ආරම්භක පිතිකරු ළහිරු තිරිමාන්නගේ සුරතින් සංඛේතාත්මක ටෙස්ට් තොප්පිය ලබා ගත්තේය. ඊට අමතරව වනිඳු හසරංගට අමතරව පිට දඟ පන්දු යවන රමේෂ් මෙන්ඩිස්ව කැඳවමින් ශ්‍රී ලංකාව අවතීර්ණ වද්දී බංග්ලාදේශ කඳවුරෙන්ද ශොරිෆුල් ඉස්ලාම් ටෙස්ට් වරම් දිනා ගත්තේය. වේග පන්දු යවන ශොරිෆුල් ඉස්ලාම් පළමු ටෙස්ට් තරගයට ක්‍රීඩා කරන ලද වේග පන්දු යවන එබදත් හොසේන් වෙනුවට කණ්ඩායමට කැඳවුම් ලැබ සිටියි.
ශ්‍රී ලංකාව – 1. දිමුත් කරුණාරත්න (නායක), 2. ළහිරු තිරිමාන්න, 3. ඕෂද ප්‍රනාන්දු, 4. ඇන්ජලෝ මැතිව්ස්, 5. ධනංජය ද සිල්වා, 6. පැතුම් නිස්සංක, 7. නිරෝෂන් දික්වැල්ල, 8. රමේෂ් මෙන්ඩිස්, 9. සුරංග ලක්මාල්, 10. විශ්ව ප්‍රනාන්දු, 11. ප්‍රවීන් ජයවික්‍රම.
බංග්ලාදේශය – 1. ටමීම් ඉක්බාල්, 2. සයිෆ් හසන්, 3. නජ්මුල් හොසේන් ෂැන්ටෝ, 4. මොමිනුල් හක්, 5. මුෂ්ෆිකර් රහීම්, 6. ලිටන් දාස්, 7. මෙහෙදි හසන්, 8. තයිජුල් ඉස්ලාම්, 9. ටස්කින් අහමඩ්, 10. ෂොරිෆුල් ඉස්ලාම්, 11. අබූ ජායෙඩ්.
