එංගලන්තය තරග සංචාරය සඳහා සහභාගිව සිටින ශ්‍රී ලංකා කණ්ඩායමේ යොවුන් තුන් ඉරියව් ක්‍රීඩක ධනංජය ලක්ෂාන් පුහුණුවීම් අතරතුර ආබාධයකට ලක්ව තිබේ.පන්දු රැකීමේ පුහුණුවේ යෙදී සිටියදී ඔහු දකුණු දණහිසේ ආබාධයකට ගොදුරුව ඇත.

එම තත්ත්වය මත ඔහුට අද (16 දා) සහ අනිද්දා (18) දා පැවැත්වෙන පුහුණු තරග සඳහා ක්‍රීඩා කිරීමේ අවස්ථාව අහිමිවනු ඇත. ඔහුගේ ආබාධය සුවවීම වෙනුවෙන් වූ පුනරුත්ථාපන කටයුතු වෙනුවෙන් ධනංජය සිය කාලය වෙන් කර තිබේ.

මෙම තරග සංචාරය යටතේ ශ්‍රී ලංකා කණ්ඩායම එක්දින තරග 3 ක් සහ විස්සයි-20 තරග 3 කට සහභාගිවීමට නියමිත අතර පළමු විස්සයි-20 තරගය ලබන 23 වැනිදා කාඩිෆ්හිදී ආරම්භ වනු ඇත.