slc
logo
Home   |    News
ජූලි 20, 2021
ඉසුරු උදාන වෙනුවට කසුන් රජිත – ශ්‍රී ලංකාව පන්දුවට පහර දෙයි

sinhala editor

ඉන්දියාවට එරෙහිව කොළඹ ආර්. ප්‍රේමදාස ක්‍රීඩාංගණයේ අද (20 දා) පැවැත්වෙන දෙවැනි එක්දින තරගයේදී පිට පිටම දෙවැනි වතාවටත් කාසියේ වාසිය දිනූ ශ්‍රී ලංකා නායක දසුන් ශානක ප්‍රථමයෙන් පන්දුවට පහර දීමට තීරණය කළේය.

ශ්‍රී ලංකාව මෙම තරගයේදී එක් වෙනස්කමක් සිදුකරමින් පළමු තරගයට ක්‍රීඩා කළ ඉසුරු උදාන වෙනුවට වේග පන්දු යවන කසුන් රජිතව කැඳවමින් ශ්‍රී ලංකාව අවතීර්ණ වද්දී ඉන්දියාව ජයග්‍රාහී සංයුතියේ කිසිදු වෙනසක් නොකොට අවතීර්ණව සිටියි.

28 හැවිරිදි කසුන් රාජිත අවසන් වරට ශ්‍රී ලංකාව වෙනුවෙන් එක්දින තරගයකට ක්‍රීඩා කර ඇත්තේ 2019 වසරේ බංග්ලාදේශයට එරෙහිව කොළඹ ආර්. ප්‍රේමදාස පිටියේ පැවැති තරගයේදී වේ. එක්දින තරග 9 කට ක්‍රීඩා කර ඇති කසුන් බිඳ හෙළා ඇති කඩුලු සංඛ්‍යාව 9 ක් වේ.

කාසියේ වාසිය දිනා ගැනීමෙන් පසු අදහස් දක්වා සිටි ශ්‍රී ලංකා නායකයා, තණතීරුව නිරීක්ෂණය කිරීමේදී මෙය පිතිකරුවන්ට වැඩි සහගතභාවයක් දක්වන බැවින් එම පළමුව පන්දුවට පහර දීමට තීරණය කළේය.

ශ්‍රී ලංකා පිල – 1. අවිෂ්ක ප්‍රනාන්දු, 2. මිනෝද් භානුක, 3. භානුක රාජපක්ෂ, 4. ධනංජය ද සිල්වා, 5. චරිත් අසලංක, 6. දසුන් ශානක (නායක), 7. වනිඳු හසරංග, 8. කසුන් රජිත, 9. ලක්ෂාන් සඳකැන්, 10. දුෂ්මන්ත චමීර, 11. චාමික කරුණාරත්න

ඉන්දියානු පිල  1. ශිකර් ධවාන් (නායක), 2. ප්‍රිතිව් ෂා, 3. සූර්යකුමාර් යාදව්, 4. මනීෂ් පාණ්ඩේ, 5. ඉෂාන් කිෂාන්, 6. හර්දික් පාණ්ඩ්‍යා, 7. කෘනාල් පාණ්ඩ්‍යා, 8. භුවනේෂ්වර් කුමාර්, 9. දීපක් චහර්, 10. කුල්දීප් යාදව්, 11. යුස්වේන්ද්‍ර චෙහල්.

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

USD United States (US) dollar