slc
logo
Home   |    News
ජූලි 5, 2021
තෙවැනි තරගය වර්ෂාවට සේදෙයි

sinhala editor

එංගලන්ත තරග සංචාරය අවසානය සනිටුහන් වුණු තෙවැනි එක්දින තරගයට අයහපත් කාලගුණය හරස්වීම හේතුවෙන් තරගය ප්‍රතිඵලයකින් තොරව අද (04 දා) නිමාවට පත්විය. ඒ වන විටත් සිය ඉනිම ක්‍රීඩා කර සිටි ශ්‍රී ලංකා කණ්ඩායම සියලු දෙනා දැවී ලකුණු 166 ක් ලබා සිටියේය.

පන්දුවාර 41 කුත් පන්දුවකදී ශ්‍රී ලංකා ඉනිම අවසන් වූ අතර තරගයට වර්ෂාවෙන් බාධා ඇතිවිය. තරගය යළිත් ආරම්භ කිරීමට නොහැකි තරම් වූ ජල කඳක් ක්‍රීඩාංගණය පුරා පතිතව තිබූ හෙයින් යළිත් තරග ආරම්භ කිරීමේ අවස්ථාව විනිසුරුවන්ට නොහැකි වූයෙන් තරගය අත හැර දැමීමට තරග තීරක ක්‍රිස් බ්‍රෝඩ් මහතා පියවර ගනු ලැබීය. කෙසේ වෙතත් මෙම තරගාවලිය ප්‍රතිඵල රහිත වුවත් පළමු තරග 2ම ජයගෙන සිටින සත්කාරක එංගලන්ත කණ්ඩායම 2-0 ක් ලෙස තරගාවලිය ජය ගැනීමට සමත්ව සිටියේය.

ලෝක කුසලාන සුපිරි ලීගය යටතේ පැවැති තරගයක් වූයෙන් මෙය ප්‍රතිඵල අහිමිවීම මත දෙපිළටම ප්‍රසාද ලකුණු 5 බැගින් පිරිනැමිණ. එබැවින් මෙතෙක් එම ප්‍රසාද ලකුණු සටහනේ අවසන් ස්ථානයේ රැඳී සිටින ශ්‍රී ලංකා කණ්ඩායම එම ප්‍රසාද ලකුණු 5 ත් සමඟ එම ශ්‍රේණිගත කිරීමෙහි 11 වැනි ස්ථානය දක්වා ඉදිරියට පැමිණීමට සමත්ව සිටියි.

ශ්‍රී ලංකා ඉනිම ක්‍රියාත්මක වන අතර තුරදීත් තරගයට වර්ෂාවෙන් බාධා ඇතිවිය. 32 වැනි පන්දුවාරයෙන් පසුව තරගය තාවකාලිකව නවතාලීමට විනිසුරුවන්ට සිදුවූ අතර ඒ වන විටත් ශ්‍රී ලංකා පිල ඉදිරි පෙළ කඩුලු 8 අහිමිකරගෙන සිටියේ ලකුණු පුවරුව 132 ක් ව සටහන්ව තිබියදීය.

යළිත් තරගය ආරම්භ කිරීමේදී වැටී සිටි ආගාධයන් ගොඩ ඒමට ශ්‍රී ලංකාවට නොහැකි වුවත් ලකුණු පුවරුව ලකුණු 34 කින් පෝෂණය කිරීමට දසුන් ශානක සමත්වූවේය. ශ්‍රී ලංකා ඉනිමේ අවසන් පිතිකරුවා වූ අසිත ප්‍රනාන්දු දුවද්දී දැවී යෑමකට ලක්වීමෙන් ශ්‍රී ලංකා ඉනිම හමාර වුවද තම අන්තය ආරක්ෂා කරගත් ශානක ලකුණු 48 ක් ලබාගෙන සිටියේය. ශ්‍රී ලංකා ඉනිමේ විනාශකරු වූයේ ක්‍රිස් වෝක්ස් නමුත් ඉනිමේ වැඩිම කඩුලු ලාභියා බවට පත්වූයේ සෑම් කරන්ගේ සහෝදරයා වන ටොම් කරන්ය. නායක කුසල් පෙරේරාගේ කඩුල්ල වෝක්ස්ගේ නමින් සටහන් වුවද පන්දු යවන්නාගේ දක්ෂතාවයට වඩා පහර එල්ල කරන විට පිතිකරුගේ පාද චලනයේ වූ දුර්වලතාවය එම දැවී යෑමට හේතු විය. ශ්‍රී ලංකා කණ්ඩායමට වැඩිම හානියක් කළ ටොම් කරන් ලකුණු 34 කට කඩුලු 4 ක් දවා ගත්තේය. ඔහුට අමතරව වෝක්ස් ලකුණු 28 කටද ඩේවිඩ් විලී ලකුණු 36 කටද කඩුලු 2 බැගින් දවාළූහ.

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

LKR Sri Lankan rupee