තරග 3 කින් සමන්විත එක්දින ක්‍රිකට් තරගාවලියේ දෙවැනි විස්සයි-20 තරගයේ කාසියේ වාසිය දිනාගත් ශ්‍රී ලංකා නායක දසුන් ශානක ප්‍රථමයෙන් පන්දුවට පහර දීමේ අවස්ථාව ඉන්දීය කණ්ඩායමට පිරිනැමීමට තීරණය කළේය.

ඉන්දීය කණ්ඩායමේ කෘනාල් පාණ්ඩ්‍යාට කොවිඩ් 19 වෛරසය ආසාධනය වීම හේතුවෙන් ක්‍රීඩකයින් ඔහුගේ ආශ්‍රිතයින් බවට හඳුනාගෙන සිටින දීපාක් චහර්, මනීෂ් පාන්ඩේ, හර්දික් පාණ්ඩ්‍යා, සූර්යකුමාර් යාදව් සහ ඉෂාන් කිෂාන් යන ක්‍රීඩකයින් මේ වන විට හුදෙකලා කිරීමකට ලක්ව සිටින බැවින් අද තරගයට ක්‍රීඩා නොකරන ඇත. ඒ අනුව අද තරගයේදී නවක ක්‍රීඩකයින් සිව් දෙනෙකු විස්සයි-20 වරම් දිනාගත් අතර ඔවුන් අතර දෙව්දත් පඩික්කාල්, රුටුරාජ් ගයික්වාඩ්, චේතන් සකරියා සහ නිතීෂ් රානා එම ක්‍රීඩකයෝ බවට පත්වූහ.

ශ්‍රී ලංකා කණ්ඩායම මෙම තරගයේදී වෙනස්කම් 2 ක් සිදුකරමින් අවතීර්ණව සිටින අතර පළමු තරගය ක්‍රීඩා කළ චරිත් අසලංක ආබාධයක් හේතුවෙන් ඉවත්ව යද්දී ඔහු වෙනුවට සධීර සමරවික්‍රමද, අෂේන් බණ්ඩාර වෙනුවට රමේෂ් මෙන්ඩිස්ට විස්සයි-20 තරග වරම් හිමිකර දෙමින් අවතීර්ණ ව සිටියි.

ශ්‍රී ලංකාව – 1. අවිෂ්ක ප්‍රනාන්දු, 2. මිනෝද් භානුක,3. සධීර සමරවික්‍රම, 4. ධනංජය ද සිල්වා, 5. රමේෂ් මෙන්ඩිස්, 6. දසුන් ශානක (නායක), 7. වනිඳු හසරංග 8.  චාමික කරුණාරත්න,  9. ඉසුරු උදාන, 10.  අකිල ධනංජය, 11. දුෂ්මන්ත චමීර.

ඉන්දියාව – 1. ශිකර් ධවාන් (නායක), 2. රුටුරාජ් ගයික්වාඩ්, 3. දෙව්දත් පඩික්කාල්, 4. සංජු සැම්සන්, 5. නිතීෂ් රානා, 6. භුවනේෂ්වර් කුමාර්, 7. කුල්දීප් යාදව්, 8. රාහුල් චහර්, 9. නව්දීප් සයිනි, 10. චේතන් සකරියා, 11. වරුන් චක්‍රවර්තී.