slc
Home   |    News
ජූලි 6, 2021
ශ්‍රී ලංකාවෙන් විශාල අභියෝගයක් බලාපොරොත්තු වනවා – සූර්යකුමාර් යාදව්

sinhala editor

ශ්‍රී ලංකාවට එරෙහිව එක්දින සහ විස්සයි-20 තරගාවලියකට සහභාගිවීම සඳහා ශ්‍රී ලංකාවට පැමිණ සිටින ඉන්දීය ක්‍රිකට් ක්‍රීඩකයෝ සිය නීරෝධායන කාල සීමාව අවසන් කරමින් කොළඹ එස්. එස්. සී. පිටියේ සිය පුහුණුවීම්වල නිරතව සිටිති. ගෙවී ගිය දින කීපය ඇතුළත පුහුණුවීම් වලට අමතරව කණ්ඩායමේ ක්‍රීඩකයින් දෙපිළ බෙදී වූ පුහුණු තරගයකට ක්‍රීඩා කරමින් ශ්‍රී ලංකාවට එරෙහිව වන තරගාවලියට සඳහා පූර්ව අවධානය යොමු කර සිටියි.

ශිකර් ධවාන්ගේ නායකත්වයෙන් යුතු ඉන්දීය විස්සයි-20 සහ එක්දින කණ්ඩායමට ඇතුළත් සූර්යකුමාර් යාදව් පවසන පරිදි මෙම තරගාවලියේදී ධනාත්මක ආකල්පයන් රැසක් ලබා ගැනීමේ බලාපොරොත්තුවෙන් තමන් ඇතුළු කණ්ඩායම තරගාවලියට සූදානම් වෙමින් සිටින බවයි.

“ඇත්ත වශයෙන්ම කියනවා නම් කණ්ඩායමේ සියළුම ක්‍රීඩකයින් මුලුමනින්ම තරගාවලිය පිළිබඳව අවධානය යොමු කරලා තියෙන්නේ” යැයි අද (06 දා) පැවැති මාධ්‍ය හමුවේදී පවසා සිටියේය.

30 වැනි විය ගෙවා දමමින් සිටින ක්‍රීඩකයක් වුවත් යාදව් තවමත් ජාත්‍යන්තර මට්ටමට නවකයෙකි. ඉනදීය ක්‍රිකට් පාලක මණ්ඩලය විසින් සංවිධානය කරනු ලබන අයි.පී.එල්. තරගාවලියේදී දක්වන ලද දක්ෂතා මත මෙම වසර මුලදී ජාතික කණ්ඩායම නියෝජනය කිරීමට වරම් ලබා සිටින යාදව් විනෝදකාමීත්වයෙන්ද යුතු ධනාත්මක කරුණු රාශියක් බලාපොරොත්තුවෙන් මෙම තරගාවලියට අවතීර්ණව සිටියි.

විරාත් කෝලිගේ නායකත්වයෙන් යුතු ඉන්දීය ටෙස්ට් කණ්ඩායම ලෝක ටෙස්ට් ශූරතාවලියේ අවසන් මහ තරගයට සහභාගිවීම සඳහා එංගලන්තයට ගිය අතර එම තරගය අවසානයේ තරග 5 කින් සමන්විත ටෙස්ට් තරගාවලියකට එංගලන්තය සමඟ සහභාගිවනු ඇත.

කෙසේ වෙතත් ශ්‍රී ලංකාවට එරෙහිව පැවැත්වෙන තරගාවලියට පෙර යාදෙව් එංගලන්තයට එරෙහිව මෙම වසර මුලදී පැවැති තරගාවලියේදී ජාත්‍යන්තර විස්සයි-20 තරග වරම් දිනාගැනීමට සමත්වූවේය.

“අපේ පුහුණු සැසි පැවැත්වෙන ආකාරය වගේම කණ්ඩායම බෙදී ක්‍රීඩා කරන ලද පුහුණු තරගය ක්‍රීඩා කළ ආකාරය ඉතා හොඳින් වුණා” යි පවසන යාදව්, “එංගලන්තයට එරෙහිව ක්‍රීඩා කළ තරගාවලිය වෙනස්. මේ තරගාවලිය ඊටත් වෙනස් තරග මාලාවක්. නමුත් අභියෝගය කියන දේ ඒ විදියටම තියෙනවා. වැදගත් වන්නේ මාගේ දක්ෂතා ඒ විදියටම පවත්වාගෙන යෑමයි. ඒ නිසා පීඩනය කියන දේ තියෙනවා. පීඩනයක් නොමැති නම් එතන විනෝදයක් නෑ. ඒ නිසා මා ලොකු අභියෝගයක් මේ තරගාවලියේදී බලාපොරොත්තු වෙනවා” යැයි වැඩිදුරටත් සඳහන් කර සිටියේය.

අයි.පී.එල්. තරගාවලියේදී වඩාත් ආකර්ශනීය පිතිකරුවකු බවට පත්ව සිටින සූර්යකුමාර් ඕනෑම අවස්ථාවක, හතරේ සීමාවෙන් එපිටට පන්දුව එල්ල කිරීමට සුවිශේෂී හැකියාවකින් යුක්ත පිතිකරුවෙකි. “සෑම වසරකටම මම මගේ කණ්ඩායමේ සාමාජිකයින්ගේ වෙනස් වෙනස් දේවල් ඉගෙන ගෙන තියෙනවා. ඒ අත්දැකීම් පිතිකරණ ලැයිස්තුවේ ඕනෑම තැනක ක්‍රීඩා කිරීම වෙනුවෙන් මට පැහැදිළි දායකත්වයක් ලබා දෙනවා” යි යාදව් පවසයි.

ශ්‍රී ලංකාවට එරෙහිව පැවැත්වෙන පළමු තරගය මේ මස් 13 වැනිදා කොළඹ ආර්. ප්‍රේමදාස ක්‍රීඩාංගණයේදී ආරම්භ වන අතර තරගාවලියට ඇතුළත් එක්දින තරග 3 ත් විස්සයි-20 තරග 3 ත් එම ක්‍රීඩාංගණයේදී පැවැත්වෙනු ඇත.

Active filters

Recent Posts

  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
  • ඉසුරු උදානගේ ප්‍රහාරයෙන් ටැමිල් යුනියන්ට ජය
    ටැමිල් යුනියන් සහ එස්.එස්.සී. අතර අද (30) එන්.සී.සී. ක්‍රීඩාංගණයේ පැවැති ‘සී‘ කොටසේ තියුණුම මුහුණුවරක් ගත් තරගයේ අවසාන පන්දුවාරයේ පන්දුවක් ඉතිරිව තිබියදීම කඩුලු 4 ක ජයක් වාර්තා කර ගැනීමට […]
  • දිමුත් කරුණාරත්න යළිත් එක්දින පිලට
    ඇෆ්ගනිස්තානු පිලට එරෙහිව පැවැත්වෙන තරග 3 කින් සමන්විත එක්දින තරගාවලියේ පළමු තරග 2 සඳහා වන ශ්‍රී ලංකා කණ්ඩායමට දිමුත් කරුණනාරත්නව එක් කිරීමට තේරීම් කමිටුව පියවර ගෙන තිබේ. ක්‍රීඩකයින් […]
  • ලෝක ටෙස්ට් ශූරතාවලියෙන් ශ්‍රී ලංකා පිලට කෝටි 6ක තෑග්ගක්
    ජාත්‍යන්තර ක්‍රිකට් කවුන්සිලය මෙහයවූ ලෝක ටෙස්ට් ශූරතාවලියේ පස්වැනි ස්ථානයට පත් වූ දිමුත් කරුණාරත්න ප්‍රමුඛ ශ්‍රී ලංකා ටෙස්ට් කණ්ඩායමට ත්‍යාග මුදල ලෙස ඇමෙරිකානු ඩොලර් 200,000 ක් පිරිනැමීමට ජාත්‍යන්තර ක්‍රිකට් […]
  • පළමු කඩුලු 5 චමෝද්ගෙන්
    එන්.සී.සී. ආරම්භක පිතිකරු නිරෝෂන් දික්වැල්ල යුද හමුදාව සමඟ අද (29) පැවැති අන්තර් සමාජ විස්සයි 20 තරගයේදී පන්දු 11කදී හයේ පහර තුනක් හතරේ පහර තුනක් සමඟ ලකුණු 34ක් රැස් […]
USD United States (US) dollar

Pin It on Pinterest