slc
logo
Home   |    News
ජූලි 2, 2021
ශිකර් ධවාන්ගේ ඉන්දීය කණ්ඩායම ගැන ශ්‍රී ලංකා ක්‍රිකට් වෙතින් තක්සේරුවක්

sinhala editor

ශ්‍රී ලංකාවට එරෙහිව එක්දින සහ විස්සයි-20 තරගාවලියකට සහභාගිවීම සඳහා ශ්‍රී ලංකාවට පැමිණ සිටින්නේ දෙවැනි පෙළ ඉන්දීය කණ්ඩායමක් යැයි ඇතැම් පාර්ශ්වයන් විසින් ප්‍රකාශයන් නිකුත් කරනු ලැබුවද ශිකර් ධවාන්ගේ නායකත්වයෙන් යුතු ඉන්දීය කණ්ඩායම යනු ශක්තිමත් කණ්ඩායමක් බව ශ්‍රී ලංකා ක්‍රිකට් ආයතනය අවධාරණය කර සිටියි.

මෙම මස 13 වැනිදා ආරම්භ වීමට නියමිත දෙරට අතර තරගාවලියට සහභාගිවීම සඳහා මෙරටට පැමිණ සිටින 20 දෙනෙකුගෙන් සමන්විත ඉන්දීය කණ්ඩායමට ඇතුළත්ව සිටින ක්‍රීඩකයින් අතුරින් 14 දෙනෙකු ටෙස්ට්, එක්දින හෝ විස්සයි-20 ආකෘතීන්වලින් අවම වශයෙන් එක් ආකෘතියකට හෝ ක්‍රීඩා කර ඇති ක්‍රීඩකයෝ වෙති. එබැවින් ශ්‍රී ලංකාවට එරෙහිව පැවැත්වෙන තරගාවලිය සඳහා මෙරටට පැමිණ සිටින ශිකර් ධවාන්ගේ නායකත්වයෙන් යුතු ඉන්දීය කණ්ඩායම දෙවැනි පෙළ කණ්ඩායමක් ලෙසින් කිසි විටෙකත් සැලකිය නොහැක.

කළින් යොදා ගත් පරිදි ඉන්දීය ටෙස්ට් කණ්ඩායම එංගලන්තයට එරෙහිව තරග 5 කින් සමන්විත ටෙස්ට් තරගාවලියකට සහභාගිවීම සඳහා එංගලන්තයට ගොස් සිටියි.

අන්තර්ජාතික ක්‍රිකට් සභාවේ පූර්ණ සාමාජිකත්වය හිමි රටවල් ක්‍රීඩාවේ සෑම ආකෘතියක් සඳහාම ඒ ඒ සංචිතවලට විශේෂඥ දක්ෂතා දක්වන ක්‍රීඩකයින් භාවිත කරනු ලබන අතර එය ක්‍රිකට් ලොව තුළ මේ වන විට නවතම සම්මතය බවට පත්ව තිබේ. එවැනි සංචිත පවත්වාගෙන යෑමේ ප්‍රධාන පරමාර්ථය බවට පත්ව තිබෙන්නේ ඒ ඒ ආකෘතීන්වලට විශේෂ දක්ෂතාවයක් දක්වන ක්‍රීඩකයින් යොදා ගනිමින් සෑම ආකෘතියක්ම තරගකාරී ලෙස පවත්වා ගැනීම වේ. උක්ත කරුණු වලට අමතරව වෙනම සංචිත පවත්වාගෙන යෑම හරහා අන්තර්ජාතික ක්‍රිකට් සභාවේ අනාගත තරග කාලසටහන යටතේ ඒ ඒ ක්‍රිකට් ආයතන වලට ඔවුන්ගේ ජාත්‍යන්තර බැඳීම් බාධාවකින් තොරව පවත්වාගෙන යෑමේ හැකියාවද ඉටු වනු ඇත.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee