slc
logo
Home   |    News
සැප්තැම්බර් 11, 2021
පවර් ප්ලේ අවස්ථාවන්හි අපි මීට වඩා ලකුණු ලබාගත යුතුයි – දසුන් ශානක

Sri Lanka Cricket

ශ්‍රී ලංකා – දකුණු අප්‍රිකා ප්‍රථම 20-20 තරගයේදී ශ්‍රී ලංකාව ලකුණු 28ක පරාජයක් ලැබීමට ප්‍රධාන සාධකයක් ලෙස තමා දකින්නේ පවර් ප්ලේ අවස්ථාවේ අප ප්‍රමාණවත් ලකුණු සංඛ්‍යාවක් නොලැබීම බව ශ්‍රී ලංකා නායක දසුන් ශානක ප්‍රකාශ කරයි.

මේ දිනවල පවතින 20-20 තරග සහ ඉදිරියේ පැවැත්වෙන 20-20 ලෝක කුසලාන සුදුසුකම් ලැබීමේ තරග සහ ලෝක කුසලාන තරගාවලිය විශාල අභියෝගයක් බව තමා පිළිගන්නා බව පවසන දසුන් ශානක ඒවා ජයගැනීමට සැළසුම් සහගතව ක්‍රියාකරන බවද පැවසීය.

ප්‍රථම 20-20 තරගයේදී අප වෙතින් සිදුවූ අඩුපාඩු සකස් කරගෙන මීළඟ තරග දෙකට සැළසුම් සහගතව සාර්ථකව මුහුණ දීමට අපේක්ෂා කරන බව කී ශ්‍රී ලංකා නායකයා මේ තරගාවලිය නිමවු විගස එක්සත් අරාබි එමීර් රාජ්‍ය තණතිලිවලට හා දේශගුණයට හුරුව ක්‍රීඩා කිරීමට අපේක්ෂා කරන බවද කීවේය.

ප්‍රථම 20-20 තරගයේ වීරයා බවට පත්වු දකුණු අප්‍රිකා කණ්ඩායමේ ඒඩ්න් මාක්‍රම් ප්‍රකාශ කළේ ශ්‍රී ලංකාවේ තණතිලිවල පන්දුවට පහර දීමේදී තමා එමගින් පළපුරුද්දක් ලබාගත් අතරම එය අධ්‍යනය කිරීමට අවස්ථාවක් උදාකර කරගත් බවත්ය.

ආරම්භක පිතිකරුවකු වන තමාට 20-20 තරගාවලියේදී වෙනත් ස්ථානයන්හි පන්දුවට පහරදීමට සිදුවීම පිළිබඳව විමසුවිට මාක්‍රම් පැවසූවේ කණ්ඩායමේ ඕනෑම ස්ථානයක ක්‍රීඩා කිරීමෙන් පළපුරුද්දක් ලබාගැනීමට හැකිවීම පිළිබඳව තමා සතුටු වන බවය.

අපගේ අරමුණ මේ වසරේ පැවැත්වෙන ලෝක කුසලාන 20-20 තරගාවලියයි. අප මෙහිදී ලබාගන්නා සියලු අත්දැකීම් ඊට බෙහෙවින් දායක වනු ඇතැයිද ඒඩ්න් මාක්‍රම් කීය.

දකුණු අප්‍රිකා නායක කැසව් මහ්රාජ් අදහස් දක්වමින් ක්‍රීඩකයන්ගේ තුන් ඉරියව්වේම දක්ෂතා ප්‍රථම තරගයේ ජයග්‍රහණයට දායකවූ බවය. ප්‍රථම වරට මෙවැනි තරගයකට නායකත්වය දීමත් තමාගේ ප්‍රථම පන්දුවේදීම කඩුල්ලක් දවාලීමත් පිළිබඳව සතුටු වන බව හේ කීය. ලබන ලෝක කුසලාන තරගාවලියේදී තමාට දකුණු අප්‍රිකා කණ්ඩායම නියෝජනය කිරීමට අවස්ථාව සැලසෙන්නේ නම් එය අගය කරන බවද ඔහු පැවසීය.

Active filters

Recent Posts

  • ඔස්ට්‍රේලියා ‘ඒ‘ පිල ලකුණු 165ක්  ඉදිරියෙන්
    සංචාරක ශ්‍රී ලංකා ‘ඒ‘ ක්‍රිකට් කණ්ඩායම හා ඔස්ට්‍රේලියා ‘ඒ‘ ක්‍රිකට් පිල අතර, ඔස්ට්‍රේලියාවේ ඩාර්වින් හි මරාරා ඕවල් ක්‍රීඩාංගණයේ පැවැත්වෙන පළමු නිල නොවන ටෙස්ට් ක්‍රිකට් තරගයේ ‍තෙවැනි දිනය නිමාවෙද්දී […]
  • තීරණාත්මක ගැටුමේදී පීඩනය දෙපිළ මතටම
    කොළඹ ආර්. ප්‍රේමදාස ක්‍රීඩාංගණයේ හෙට (16 දා) පැවැත්වෙන තෙවැනි සහ අවසන් විස්සයි-20 ජාත්‍යන්තර තරගය ශ්‍රී ලංකාවට මෙන්ම බංග්ලාදේශයට අතිශය තීරණාත්මක තරගයකි. දෙපිළම තරගය බැගින් ජය ගෙන සිටින හෙයින් හෙට […]
  • තුන්වැනි තරගයේත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර මේ මස 16 වැනිදා (බදාදා) කොළඹ ආර්. ප්‍රේමදාස ක්‍රීඩාංගණයේ පැවැත්වීමට තෙවැනි විස්සයි-20 ක්‍රිකට් තරගයේ සියලුම ප්‍ර වේශපත් විකිණී අවසන්ව ඇති බව ශ්‍රී ලංකා […]
  • ඔස්ට්‍රේලියානු ‘ඒ‘ පිතිකරුවෝ සෙමින් ලකුණු රැස් කරති
    ශ්‍රී ලංකා ‘ඒ‘ ක්‍රිකට් කණ්ඩායමට එරෙහිව ඩාර්වින් නුවර පැවැත්වෙ පළමු සිව්දින ක්‍රිකට් තරගයේ දෙවැනි දිනය වූ අද (14 දා) තරගය නිමා කරද්දී සිය පළමු ඉනිම ක්‍රීඩා කරමින් සිටින ඔස්ට්‍රේලියානු […]
  • රනේෂ්ගේ ශතකයෙන් ඒස් කැපිටල්ට ජය
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ ප්‍රධානතම එක්දින ක්‍රිකට් තරගාවලිය යටතේ පානදුර ක්‍රීඩා සමාජයට එරෙහිව පැවැති තරගයේදී තියුණු තරගයකින් පසු ලකුණු 10 ක ජයක් වාර්තා කිරීමට ඒස් කැපිටල් […]

Pin It on Pinterest

USD United States (US) dollar