slc
logo
Home   |    News
ඔක්තෝබර් 3, 2021
පිතිකරණ ලැයිස්තුවේ වෙනසක් – මිකී ආතර්

sinhala editor

By Chamila Karawita

තවත් හෝරා කීපයකින් පසු දසුන් ශානකගේ නායකත්වයෙන් යුතු ශ්‍රී ලංකා ක්‍රිකට් කණ්ඩායම ලෝක කුසලාන තරගාවලිය සඳහා පිටත්ව යනු ඇත. එක්සත් අරාබි එමීර් රාජ්‍යයේ පැවැත්වෙන පන්දුවාර විස්සයි-20 ලෝක කුසලාන තරගාවලියට පෙර ඕමානයට එරෙහිව පුහුණු තරග 2 ශ්‍රී ලංකා කණ්ඩායමේ පළමු පෙර පුහුණු තරග වනු ඇත. ඉන්දියාවට එරෙහිව විස්සයි-20 තරගාවලිය ජය ගත්තද දකුණු අප්‍රිකානු පිලට එරෙහිව පැවැති තරගාවලිය පරාජයට පත්වීම නිසා ශ්‍රී ලංකා කණ්ඩායම ලෝක කුසලාන ගමනට පිටත්ව යනු ලබන්නේ පරාජිත මානසිකත්වයකින් බව නොරහසකි. පිතිකරුවන්ගේ දුර්වලතාවය එකී පරාජයන්හි මහා පොදු සාධකයට බවට පත්වීය.

එහෙත් ලෝක කුසලාන තරගාවලියට පිටත්ව යෑමට පෙර පැවැති මාධ්‍ය හමුවේදී ප්‍රධාන පුහුණුකරු මිකී ආතර්  සඳහන් කර සිටියේ සිදුවූ අතපසුවීම් නිවැරදි කර ගනිමින් ලෝක කුසලාන අභියෝගය සඳහා කණ්ඩායම සූදානම්ව සිටින බවයි.

පිටත්ව යෑමට පෙර ලෝක කුසලාන තරගාවලිය ඉලක්ක කර ගනිමින් දින 9 ක පුහුණු කඳවුරකට ශ්‍රී ලංකා කණ්ඩායම සහභාගිවූ අතර එම දින කීපයේදී කණ්ඩායමේ සිදුවූ අතපසුවීම් පිළිබඳව අවධානය යොමු කොට විසඳුම් ලබා ගැනීමට ක්‍රීඩකයින්ට හැකියාව ලැබුණු බවද සඳහන් කර සිටියේය. ධනාත්මක ස්වරූපයෙන් ආතර් එසේ සඳහන් කර සිටියද ශ්‍රී ලංකා කණ්ඩායම අවසන් වරට සහභාගිවූ ජාත්‍යන්තර තරග 30 න් 22 ක්ම පරාජයට පත්ව තිබේ. එම පරාජයන්හි අතුරු ප්‍රතිඵලය බවට පත්වූයේ ප්‍රධාන තරගාවලියට සුදුසුකම් ලබා ගැනීම සඳහා ශ්‍රී ලංකාවට සුදුසුකම් ලැබීමේ තරග වටයකට ක්‍රීඩා කිරීමට සිදුවීමය.

ඒ අනුව ඕමානයට එරෙහි පළමු තරගය ඔක්තෝබර් මස 07 වැනිදාත් දෙවැන්න 09 වැනිදාත් සහභාගිවන ශ්‍රී ලංකා කණ්ඩායම අනතුරුව එක්සත් අරාබි එමීර් රාජ්‍යයට පැමිණෙනු ඇත. අනතුරුව ලෝක කුසලාන සුදුසුකම් ලැබීමේ තරගාවලියට පෙර ශ්‍රී ලංකා කණ්ඩායම බංග්ලාදේශයට සහ පැපුවා නිව්ගිනියාවට එරෙහිව ඇඟ උණුසුම් කර ගැනීමේ පුහුණු තරග 2 ට සහභාගිවනු ඇත.  

ශ්‍රී ලංකා කණ්ඩායමේ දුර්වලතාවන් අතර පිතිකරණය ප්‍රධානම අඩුපාඩුව බව ආතර් පිළිගනීයි. ඒ පිළිබඳව ප්‍රධාන පුහුණුකරු අදහස් දක්වා සිටියේ මේ අයුරිනි. “ඇත්තටම මේ දවස් ටිකේ අපේ ක්‍රීඩකයින් ඉතාමත් වෙහෙස මහන්සි වී කටයුතු කළා. ඒ දින කීපයේදී අපිට පුහුණු තරග 3 කට ක්‍රීඩා කිරීමේ අවස්ථාව හිමි වුණු අතර එහිදී පන්දුවට පහර දීමේදී ඉතා හොඳ පුහුණුවක් ලබාගනු ලැබුවා” යනුවෙනි.

ආතර් සඳහන් කරන අන්දමට ලෝක කුසලාන තරගාවලියේදී පිතිකරණ අනුපිළිවෙළේ කිසියම් වෙනසක් සිදුකිරීමට අපේක්ෂාවෙන් පසුවන බවද මෙම අදහස් දැක්වීමේදී ගම්‍ය විය. “ඇත්තටම අපි පිතිකරණ අනුපිළිවෙළේ වෙනසක් සිදු කිරීමට පියවර ගත් අතර එහිදී අපේ අය හරියට ලකුණු අතරට ආවොත්, ඒකෙන් අපිට හොඳ අවස්ථාවක් ලැබේවි” යනුවෙන් ආතර් සඳහන් කර සිටියේය.

ශ්‍රී ලංකා කණ්ඩායම සතු ප්‍රධානම පිතිකරුවකු වන කුසල් පෙරේරා පිළිබඳවද අදහස් දක්වවමින් ආතර් සඳහන් කර සිටියේ ආබාධිත තත්ත්වයෙන් ඔහු සුවය ලබා සිටින නමුත් ඔහුට වැඩි බරක් පුහුණුවීම් වලදී ලබා නොදුන් බව සඳහන් කර සිටියේය. එහෙත් කුසල් පුහුණුවීම් සිදුකළ අවසන් දිනය වූ ඊයේ (02 වැනිදා) දිනයේ පැවැති පුහුණු තරගයට ක්‍රීඩා කළ බවද ආතර් සඳහන් කර සිටියේය. මේ හේතුවෙන් ඕමානයට එරෙහිව පැවැත්වෙන පුහුණු තරග වලදී කුසල්ව ක්‍රීඩා කිරීම අවිනිශ්චිත වනු ඇත.

කණ්ඩායමට ඇතුළත්ව සිටින වනිඳු හසරංග සහ දුෂ්මන්ත චමීර අයි.පී.එල්. තරගාවලියට සහභාගිව සිටින නිසා ඕමානයට එරෙහි පුහුණු තරග 2 ට ක්‍රීඩා කිරීමේ අවස්ථාව ඔවුන්ට මඟ හැරෙනු ඇත. එහෙත් තවත් ක්‍රීඩකයින් 20 දෙනෙකු සංචිතයේ පසුවෙන බැවින් තරග වැදීමේ අවස්ථාව ඔවුන්ට විවෘත වනු ඇත.

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee