slc
logo
Home   |    News
ඔක්තෝබර් 16, 2021
විස්සයි-20 ලෝක කුසලානේ හත්වැනි දිග හැරුම හෙට

sinhala editor

By Chamila Karawita

එක්සත් අරාබි එමීර් සහ ඕමාන් රටවල සත්කාරකත්වයෙන් රටවල් 16 කගේ සහභාගිත්වයෙන් පැවැත්වෙන පන්දුවාර විස්සයි-20 ලෝක කුසලාන ක්‍රිකට් තරගාවලිය හෙට (ඔක්තෝම්බර් 17) වැනිදා නිල වශයෙන් ආරම්භ වේ. ලෝක කුසලාන ක්‍රිකට් විස්සයි-20 තරග අතර වැඩිම තරග සංඛ්‍යාවක් දිනා සිටින කණ්ඩායම බවට පත්ව සිටින ශ්‍රී ලංකා කණ්ඩායම ඔක්තෝබර් මස 18 වැනිදා  නැමීබියාවට එරෙහිව මංගල සටන දියත් කරනු ඇත.

නොවැම්බර් මස 14 වැනිදා ඩුබායි ජාත්‍යන්තර ක්‍රීඩාංගණයේ පැවැත්වීමට නියමිත අවසන් මහ තරගයද ඇතුළුව සමස්ථ තරග 45 කින් සමන්විත මෙවර ලෝක කුසලාන තරගාවලියේ සත්කාරකත්වය දරන ඕමානය සමාරම්භක තරගයේදී පැපුවා නිව්ගිනියාව මුණ ගැසෙනු ඇත. ලෝක කුසලාන සුදුසුකම් ලැබීමේ තරග වටය යටතේ ශ්‍රී ලංකාව ‘ඒ’ කාණ්ඩයන් තරග වදින අතර එහිදී ඔක්තෝබර් 20 වැනිදා අයර්ලන්තයට එරෙහිවද 22 වැනිදා නෙදර්ලන්තයට එරෙහිවද තරග වදිනු ඇත.

සුදුසුකම් ලැබීමේ තරග වටයෙන් අනතුරුව පැවැත්වෙන සුපිරි කණ්ඩායම් 12 දෙනා අතර තරග වටයට පිවිසීමට නම් අනිද්දායින් ඇරඹෙන සුදුසුකම් ලැබීමේ වටයේ තරග 3 න් 2 ක් ශ්‍රී ලංකාව ජය ගත යුතු වේ. ඉන් පළමු ස්ථානයට පත් වන කණ්ඩායම සුපරි කණ්ඩායම් 12 අතර තරග වටයේ ‘ඒ’ කාණ්ඩයටද දෙවැනි ස්ථානයට පත්වන කණ්ඩායම ‘බී’ කාණ්ඩයටද තේරී පත්වනු ඇත.

විස්සයි-20 ලෝක කුසලාන ක්‍රිකට් ඉතිහාසයේ 7 වැනි ලෝක කුසලාන තරගාවලිය ලෙසින් හෙට ආරම්භ වන තරගාවලියේ සුපිරි කණ්ඩායම් අතර තරග වටය යටතේ කාණ්ඩයකට කණ්ඩායම් 6 බැගින් වන සේ ලීග් ක්‍රමයට අනුව තරග පැවැත්වේ. එම තරග වටය අවසානයේ කාණ්ඩ අතර පෙරමුණ ගනු ලබන කණ්ඩායම් යුගලය තෙවැනි තරග වටය වන අවසන් පූර්ව තරග වටයට සුදුසුකම් ලබනු ඇත.

ජගත් ක්‍රිකට් කවුන්සිල ශ්‍රේණිගත කිරීම්හි ඉදිරියෙන් සිටිමින් මෙවර ලෝක කුසලාන තරගාවලිය සඳහා සෘජුවම සුදුසුකම් ලබා සිටින කණ්ඩායම් අතර ඔස්ට්‍රේලියාව, එංගලන්තය, දකුණු අප්‍රිකාව සහ බටහිර ඉන්දීය කොදෙව් පිල ‘ඒ’ කාණ්ඩයෙන්ද ඉන්දියාව, පාකිස්තානය, නවසීලන්තය සහ බංග්ලාදේශය බී කාණ්ඩයෙන්ද සුපිරි කණ්ඩායම් 12 තරග වටය යටතේ තරග වදිති.

ශූරයින් බවට පත්වන කණ්ඩායමට ඇමරිකන් ඩොලර් ලක්ෂ 16 ක් හෙවත් ශ්‍රී ලංකා මුදලින් රුපියල් කෝටි 32 කට ආසන්න මුදලක් හිමිවන අතර අනුශූරයින්ට ශ්‍රී ලංකා මුදලින් රුපියල් කෝටි 16 ක් පිරිනැමෙනු ඇත. මීට අමතරව අවසන් කණ්ඩායමට 4 අතරට පිවිසෙන කණ්ඩායම් දෙකට ඇමරිකන් ඩොලර් ලක්ෂ 4 බැගින් පිරිනැමෙන අතර සෑම වටයකම සිදුවන තරග නියෝජනයේදී වෙන් වෙන් මුදල් ත්‍යාග පිරිනැමීමට අයි.සී.සී. ය පියවර ගෙන තිබේ.

මෙතෙක් පැවැති විස්සයි-20 ලෝක කුසලාන තරගාවලි වලදී වැඩිම වාර ගණනක් ශූරයින් බවට කිරුළු පළඳා ඇත්තේ බටහිර ඉන්දීය කොදෙව් කණ්ඩායම වන අතර ඔවුන් 2012 දී සහ 2016 දි ශූරතා දිනාගැනීමට සමත්විය. සෙසු කණ්ඩායම් අතර පිළිවෙළින් ඉන්දියාව, පාකිස්තානය, ශ්‍රී ලංකාව සහ එංගලන්තය ශුරතාව බැගින් දිනා ඇත. මෙහි විශේෂත්වය වන්නේ ශ්‍රී ලංකා කණ්ඩායම ශූරතාව දිනා ගන්නා ලලද 2014 වසරට අමතරව තවත් අවස්ථා දෙකකදී අවසන් මහ තරග වරම් දිනා ගනිමින් අනුශූරතාවයට පත්ව සිටීමයි. එබැවින් පූර්විකාවේ සඳහන් කළාක් මෙන් ලෝක කුසලාන තරග 35 කට ක්‍රීඩා කර ඇති ශ්‍රී ලංකාව ඉන් තරග 22 ක් ජය ගනිමින් මෙතෙක් වැඩිම ජයග්‍රහණය සංඛ්‍යාවක් වාර්තා කර සිටින කණ්ඩායම බවට පත්ව සිටියි.

දසුන් ශානකගේ නායකත්වය යටතේ මෙවර තරගාවලියට අවතීර්ණව සිටින ශ්‍රී ලංකා කණ්ඩායම ලෝක කුසලාන තරගාවලියට පිටත්වීමට මත්තෙන් ඕමානය සමඟ එක්දින තරග 2 කට සහභාගිවිය. එම තරගාවලියට පිටත්ව යෑමට පෙර ශ්‍රී ලංකාවේදීද දින 7 ක නේවාසික පුහුණු සැසියකට සහභාගිවූවේය.. ඕමානයට එරෙහි තරග 2 ද ජයගත් ශ්‍රී ලංකා කණ්ඩායම ලෝක කුසලාන තරගාවලියට පෙර පුහුණු තරග ලෙසින් ලැබුණු බංග්ලාදේශයට එරෙහිව සහ පැපුවා නිව්ගිනියාවට එරෙහිව ලැබුණු තරග 2 ම ජය ගනිමින් ලෝක කුසලාන තරගාවලියට මුහුණ දීමට ජයග්‍රාහී මානසිකත්වයකින් පසුවෙයි.

Active filters

Recent Posts

  • NSL අවසන් ගැටුම කොළඹ සහ ජැෆ්නා අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ අවසන් මහා තරගයට කොළඹ පිල හා ජැෆ්නා කණ්ඩායම සුදුසුකම් ලබා ගත්හ. අද අවසන්වූ මූලික වටයේ තීරණාත්මක ජැෆ්නා […]
  • ලොවටම දිග හැරෙන කාන්තා ලෝක කුසලාන අසිරිය
    ජාත්‍යන්තර ක්‍රිකට් කවුන්සිලය සංවිධානය කරන විස්සයි20 කාන්තා ලෝක කුසලාන ක්‍රිකට් තරගාවලිය එක්සත් අරාබි එමීර් රාජ්‍යයේදී ඔක්තෝම්බර් මස 03 වැනිදා ආරම්භ කිරීමට සියල්ල සුදානමින් පවතී. කණ්ඩායම් දහයක් අතර උණුසුම් […]
  • NSL එක්දින ක්‍රිකට් තරගාවලියේ කොළඹ සමඟ අවසන් සටනට ජැෆ්නාද? ගෝල්ද?
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ මූලික වටයේ තීරණාත්මක තරග දෙකක් ඔක්තෝම්බර් 02 වැනිදා ආරම්භ වේ. කොළඹ ආර්. ප්‍රේමදාස ක්‍රීඩාංගණයේදී කොළඹ පිල හා […]
  • එන්එස්එල් එක්දින ක්‍රිකට් තරගාවලියේ
    කොළඹ සමඟ අවසන් සටනට ජැෆ්නාද? ගෝල්ද?
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ හෙට (2) මූලික වටයේ තීරණාත්මක තරග දෙකක් පැවැත්වේ. කොළඹ ආර්. ප්‍රේමදාස ක්‍රීඩාංගණයේදී කොළඹ පිල හා ගෝල් තරගය […]
  • ශ්‍රී ලංකා බාළිකාවන්ට ලකුණු 59 ක ජයක්
    ඔස්ට්‍රේලියාවේ ක්‍රියාත්මක වයස අවුරුදු 19 න් පහළ තුන්කොන් බාළිකා ක්‍රිකට් තරගාවලියේ එක්දින තරග අංශය යටතේ ශ්‍රී ලංකා බාළිකා කණ්ඩායම සහභාගිවූ දෙවැනි එක්දින තරගයෙන් නවසීලන්ත බාළිකා පිල හමුවේ ලකුණු […]

Pin It on Pinterest

LKR Sri Lankan rupee