slc
logo
Home   |    News
නොවැම්බර් 30, 2021
ශ්‍රී ලංකාව නොසිතූ ඉරණමකට මුහුණ දෙයි

sinhala editor

ආරම්භක පිතිකරුවන් දෙදෙනා හැරුණු විට මැද පෙළින් සහ පසු පෙළින් පන්දුවට පහර දීමට පැමිණි කිසිවකුට බටහිර ඉන්දීය කොදෙව් පිලේ දඟ පන්දු යවන්නන්ගේ අභියෝගයට සාර්ථකව මුහුණ දීමට නොහැකි වීම මත ශ්‍රී ලංකා පිලේ පළමු ඉනිම ලකුණු 204 කට සීමා විය. ගාල්ල ජාත්‍යන්තර පිටියේ පැවැත්වෙන දෙවැනි ටෙස්ට් තරගයේ දෙවැනි දිනය වූ අද (30 දා) අයහපත් කාලගුණය නිසා තරගය නිමා කරන විට සිය පළමු ඉනිම ක්‍රීඩා කරමින් සිටින කොදෙව් පිල කඩුල්ලක් දැවී ලකුණු 69 ක් ලබා සිටියි.

ප.ව. 2.10 වන විට වර්ෂාවෙන් බාධා පැමිණීම නිසා තරගය නිමා කරන ලද නමුත් දිගින් දිගටම ඇද හැලුණු වර්ෂාවෙහි වෙනසක් නොවූ හෙයින් තරගය ප.ව. 4.20 ට දෙවැනි දිනට නතර කර දැමීමට ලියවර ගැනිණ.

පළමු දිනටද වර්ෂාවෙන් බාධා ඇතිවූ මෙම තරගයේ කඩුල්ලක් දැවී ලකුණු 113 ක් ලබමින් ප්‍රභල ස්ථානයක සිටි ශ්‍රී ලංකාවට කොදෙව් දඟ  පන්දු යවන්නන් හමුවේ රැස් කර ගත හැකි වූයේ ලකුණු 65 ක් පමණි. වීරසාමි පෙරුමාල් කඩුලු 5 ක් සහ ජොමෙල් වොරිකන් කඩුලු 4 ක් දවා ගැනීම නිසා ශ්‍රී ලංකා පිල නොසිතූ අසීරුතාවයකට මුහුණ දීමට සිදුවිය.

පෙරුමාල් විසින් දක්වන ලද දක්ෂතාවය ඔහුගේ ටෙස්ට් තරග දිවියේ හොඳම පන්දු යැවීම ලෙසින් සටහන් විය. මීට පෙර ඔහු 2012 වසරේදී බංග්ලාදේශයේදී ලකුණු 32 කදී දවා ගන්නා ලද කඩුලු 3 ඔහුගේ හොඳම පන්දු යැවීම විය.

ආරම්භක පිතිකරුවන් දෙදෙනා ශතක සම්බන්ධතාවයක් පවත්වමින් කණ්ඩායමක් දැවී ගිය අවම ලකුණු සංඛ්‍යාව ලෙසින්ද ශ්‍රී ලංකා පිල අද දැවී ගිය ලකුණු 204 සටහන් විය. පන්දු 148 කට මුහුණ දුන් නිස්සංක සිය ලකුණු 73 ක ඉනිම සඳහා හතරේ පහර 5 ක් සහ හයේ පහරක් එල්ල කළේය. මංගල ටෙස්ට් තරගයට සහභාගිවුණු චරිත් අසලංකට රැස් කරගත හැකි වූයේ ලකුණු 10 ක් පමණි.

ආබාධ්‍යකින් පසු ක්‍රීඩාගාරය වෙත ගිය ඇන්ජලෝ මැතිව්ස් 8 වැනි කඩුල්ල බිඳ වැටීමත් සමග නැවත පන්දුවට පහර දීමට පැමිණි නමුත් ලකුණු 200 සීමාවට රැගෙන ඒම හැරෙණු විට වැඩි යමක් සිදුකිරීමට අපොහොසත් වූවේය. හෙට තරගයේ තෙවැනි දිනයයි.

Active filters

Recent Posts

  • සෑම තරගයකදීම අපි පිටියට යන්නේ කණ්ඩායම් හැගීමෙන් යුතුවයි – මහීෂ් තීක්ෂණ
    සෑම තරගයකදීම ශ්‍රී ලංකා ක්‍රිකට් ක්‍රීඩකයින් පිටියට පිවිසෙන්නේ කණ්ඩායම් හැගීමෙන් බවත්, යම් ක්‍රීඩකයෙකුගෙන් අතපසුවීමක් සිඳු වුවහොත් අනෙක් සියලු ක්‍රීඩකයින් එහි පාඩුව මකා දැමීමට කැපවීමෙන් ක්‍රියාත්මකවන බව ශ්‍රී ලංකා […]
  • ජව සම්පන්න  පහරට විශේෂඥ පුහුණුකරුවෙක්
    ශ්‍රී ලංකා ජාතික කණ්ඩායම් නියෝජනය කරනු ලබන ක්‍රීඩක ක්‍රීඩිකාවන්ගේ ජව සම්පන්න කුසලතා වැඩි දියුණු කිරීම සඳහා අරමුණු කර ගත් සතියක පුහුණු වැඩ සටනක් පැවැත්වීම සදහා ඒ සම්බන්ධ විශේෂඥ පුහුණුකරුවකු […]
  • දෙවැනි විස්සයි-20 තරගයෙත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර ලබන ඉරිදා (13 වැනිදා) රංගිරි දඹුලු ජාත්‍යන්තර ක්‍රීඩාංගණයේ පැවැත්වීමට නියමිත දෙවැනි විස්සයි-20 ක්‍රිකට් තරගයේසියලුම ප්‍රවේශපත් විකිණී අවසන්ව ඇති බව ශ්‍රී ලංකා ක්‍රිකට් ආයතනය නිවේදනය […]
  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]

Pin It on Pinterest

LKR Sri Lankan rupee