slc
logo
Home   |    News
නොවැම්බර් 20, 2021
LPL ජාත්‍යන්තර විකාශන අයිතිය ‘සෝනි’ ආයතනයට

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් දෙවැනි වතාවටත් පවත්වනු ලබන ලංකා ප්‍රිමියර් ලීග් 2021 පන්දුවාර විස්සයි-20 ක්‍රිකට් තරගාවලියේ ගෝලීය විකාශනය අයිතිය ක්‍රීඩා විකාශනායතන අතර දැවැන්තම ආයතනයක් වන ඉන්දියාවේ සෝනි පික්චර්ස් නෙට්වර්ක්ස් (Sony Pictures Networks India) ආයතනය හිමිකරගෙන සිටියි. ඒ අනුව සෝනි පික්චර්ස් නෙට්වර්ක් ආයතනය එල්.පී.එල්. තරගාවලියේ නිල විකාශන සහකරුවා ලෙස පැමිණෙන්නේ පිට පිටම දෙවැනි වතාවට වේ.

දෙසැම්බර් මස 05 වැනිදා සිට දෙසැම්බර් මස 23 වැනිදා දක්වා පැවැත්වෙන ලංකා ප්‍රිමියර් ලීග් තරගාවලියේ සංවිධාන කටයුතු භාරව සිටින අයි.පී.ජී. ආයතනය සමඟ ගිවිසුම් ගතව සිටින එම ආයතනය රූපවාහිනී විකාශනයට අමතරව ඩිජිටල් සම්ප්‍රේෂණ බෙදා හැරීමේ අයිතියද ලබා ගෙන තිබේ. ඒ අනුව මෙවර එල්.පී.එල්. තරගාවලියේ සියලුම තරග Sony Six සහ Sony Ten 2 නාලිකා හරහා විකාශනය කෙරෙනු ඇත.

විකාශන අයිතිය ලබා ගැනීම පිළිබඳව අදහස් දක්වා සිටින සෝනි පික්චර්ස් නෙට්වර්ක්හි ප්‍රදාන ආදායම් නිලධාරී, බෙදාහැරීම් සහ ක්‍රීඩා ව්‍යාපාර අංශයේ ප්‍රධානී රාජේෂ් කෞල් සඳහන් කර සිටියේ, ඉන්දියාව තුළ ක්‍රිකට් ක්‍රීඩාව සඳහා වන රුචිය අති විශාල වන බැවින් එම ප්‍රේක්ෂකයින් වෙත ජාත්‍යන්තර ක්‍රිකට් ක්‍රියාකාරකම් රැගෙන යෑම සිය ව්‍යාපාරික අරමුණ වන බවයි.

“ශ්‍රී ලංකා ක්‍රිකට් සෑම විටම ලෝක මට්ටමේ ක්‍රීඩකයින් රැසක් බිහි කර තිබෙන අතර මෙවර තරගාවලියට ලොව විස්සයි-20 තරග අංශයේ ප්‍රබල ක්‍රීඩකයින් වන ක්‍රිස් ගේල් සහ ෆෆ් ඩු ප්ලෙසිස් ඇතුළත්වීම නිසා ලංකා ප්‍රිමියර් ලීග් තරගාවලිය තව තවත් වර්ධනයට සහ ජනප්‍රියත්වයට හේතු වනු ඇත. විස්සයි-20 තරග රටාවට ප්‍රේක්ෂකයින් වැඩි සංඛ්‍යාවක් එක් රොක් වන බැවින්, ඔවුන් කිසිවකුවත් අපේ නාළිකාවල විකාශනය වන තරග මඟ හැර නොයෑමට වග බලා ගැනීමට අපට අවශ්‍යයි” යනුවෙන් කෞල් මහතා වැඩිදුරටත් අදහස් දක්වා සිටියි.

2020 වසරේ නොවැම්බර් මස 26 වැනිදා සිට දෙසැම්බර් 16 වැනිදා දක්වා හම්බන්තොට මහින්ද රාජපක්ෂ ජාත්‍යන්තර ක්‍රීඩාංගණයේ පවත්වන ලද ලංකා ප්‍රිමියර් ලීග් පළමු තරගාවලියේ ප්‍රගති සමාලෝචන වාර්තාවට අනුව ප්‍රධාන රූපවාහිනී මාධ්‍ය, ඩිජිටල්  මාධ්‍ය ජාලා ඔස්සේ එය ලොව පුරා වෙසෙන මිලියන 557 ක ප්‍රේක්ෂකයින්ගේ ආකර්ෂණය දිනා ගැනීමට සමත්විය. ප්‍රධාන අනුග්‍රාහකයා ලෙසින් කටයුතු කරන ලද  My11Circle ආයතනයේ සන්නාමයට ලැබුණු මාධ්‍ය ආවරණයේ අගය මිලියන 54.5 ක අගයකි. එම අගැයුම් වාර්තාවට අනුව පළමු තරගාවලියේ ශූරතාව දිනාගත් යාපනය කණ්ඩායමට ඩොලර් මිලියන 3.98 ක මාධ්‍ය ආවරණ වටිනාමක්ද, ගෝල් ග්ලැඩියේටර්ස් පිල ඩොලර් මිලියන 3.82 ක්ද, දඹුල්ල පිල ඩොලර් මිලියන 3.54 ක් ද, කලම්බු කිංග්ස් පිල ඩොලර් මිලියන 3.44 ක්ද සහ මහනුවර කණ්ඩායම ඩොලර් මිලියන 3.19 ක වටිනා කමකින් යුත් මාධ්‍ය ආවරණ වටිනාකමක් ලබාගැනීමට සමත්ව සිටිති.

අභිනව තරගාවලියේ විකාශන කටයුතු Sky Sports, Sony Sports Network, Geo, PTV, සහ ශ්‍රී ලංකාවේ Willow ටීවී හරහා ශ්‍රී ලංකාව ඇතුළු ඉන්දියාව, පාකිස්තානය, බංග්ලාදේශය, එක්සත් රාජධානිය, ඇමරිකා එක්සත් ජනපදය, අයර්ලන්තය සහ නවසීලන්තය යන රටවල මිලියන 155 ක ජනතාවට නැරඹීමට අවස්ථාව හිමිවිය. එපමණක් නොව සමාජ මාධ්‍යයන් තුළ එය මිලියන 218 ක ප්‍රේක්ෂක සංඛ්‍යාවක් නරඹා ඇත.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar