slc
logo
Home   |    News
දෙසැම්බර් 13, 2021
LPL ටිකට් ගන්නේ මෙහෙමයි

sinhala editor

වැඩි අවධානයක් දිනා ගනිමින් දැන් ක්‍රියාත්මක ලංකා ප්‍රිමියර් ලීග් හෙවත් LPL-  2021 තරගාවලිය නැරඹී සඳහා වන ප්‍රවේශ පත්‍ර තුන් ආකාරයකින් මිලදී ගැනීමේ හැකියාව ක්‍රිකට් ප්‍රේක්ෂකයින්ට උදාවී තිබේ. මූලික වශයෙන් ශ්‍රී ලංකා ක්‍රිකට් මූලස්ථානයේ පිහිටුවා ඇති ප්‍රවේශ පත්‍ර කවුලුවට අමතරව,  srilankacricket.lk, BookMyShow.com  සහ Daraz.lk යන වෙබ් අඩෙවිවලට පිවිසීමෙන්ද සිය ප්‍රවේශ පත්‍ර වෙන් කරවා ගැනීමේ හැකියාව පවතින අතරම තරගාවලියේ දෙවැනි අදියර වන පිළිමළුන් පිටුදැකීමේ අදියර සඳහා වන ප්‍රවේශ පත්‍ර හම්බන්තොට මහින්ද රාජපක්ෂ ක්‍රීඩාංගණයේ ඇති ප්‍රවේශ පත්‍ර කවුලුවෙන් ලබා ගත හැක.

ශ්‍රී ලංකා ක්‍රිකට් ආයතන මූලස්ථානයේ පිහිටුවා තිබෙන ප්‍රවේශ පත්‍ර කවුලුවෙන් දිනපතා පෙ.ව. 9.00 සිට ප.ව. 5.00 දක්වා ප්‍රවේශ පත්‍ර මිලදී ගැනීමේ හැකියාව පවතිද්දී මහින්ද රාජපක්ෂ ක්‍රීඩාංගණයේ ප්‍රවේශ පත්‍ර කවුලුව දෙසැම්බර් 19 වැනිදා සිට විවෘත වනු ඇත. පෙ.ව. 9.00 සිට ප.ව. 6.00 දක්වා වූ කාල සීමාවේදී එම ප්‍රවේශ පත්‍ර ක්‍රීඩාංගණ ප්‍රධාන ගේට්ටුවෙන් (‘ඒ’ ගේට්ටුව) මිලදී ගැනීමට ක්‍රීඩා ලෝලීන්ට අවස්ථාව හිමිවේ.

අන්තර්ජාලය හරහා වෙන්කර ගනු ලබන ප්‍රවේශ පත්‍ර ශ්‍රී ලංකා ක්‍රිකට් ආයතන මූලස්ථානයෙන් හෝ තරග ක්‍රියාත්මක ක්‍රීඩාංගණවල පිහිටුවා තිබෙන ප්‍රවේශපත්‍ර මධ්‍යස්ථානවලින් ලබාගත හැක.

Active filters

Recent Posts

LKR Sri Lankan rupee

Pin It on Pinterest