ඔස්ට්‍රේලියානු තරග සංචාරයේ අවසානයත් සමඟ ඉන්දියාවට එරෙහිව තරග සංචාරයකට සහභාගිවන ශ්‍රී ලංකා කණ්ඩායම පළමු තරගයට පෙබරවාරි මස 24 වැනිදා සහභාගිවනු ඇත. මෙම තරග සංචාරය යටතේ ශ්‍රී ලංකාව විස්සයි-20 තරග 3 කටත් ටෙස්ට් තරග 2 කටත් සහභාගිවනු ඇත.

ලක්නව්හිදී පැවැත්වෙන පළමු විස්සයි-20 තරගයෙන් ශ්‍රී ලංකා කණ්ඩායමේ ඉන්දීය තරග සංචාරය ආරම්භ වන අතර දෙවැනි සහ තෙවැනි තරග පිළිවෙළින්  පෙබරවාරි 26 සහ 27 යන දෙදින ධර්මසාලාහිදී පැවැත්වෙනු ඇත.

ඉන් අනතුරුව ආරම්භ වන තරග 2 කින් සමන්විත ටෙස්ට් තරග සංචාරය මාර්තු මස 04 වැනිදා සිට 08 වැනිදා දක්වා මොහාලිහිදීත් දෙවැනි ටෙස්ට් තරගය මාර්තු 12 වැනිදා සිට 16 වැනිදා දක්වා බෙංගලාරුහිදීද පැවැත්වේ. එම තරග සංචාරය යටතේ බෙංගලාරුහිදී පැවැත්වීමට නියමිත දෙවැනි ටෙස්ට් තරගය දිවා/රාත්‍රී ටෙස්ට් තරගයක් ලෙසින් පැවැත්වෙනු ඇත.