slc
logo
Home   |    News
මාර්තු 27, 2022
ජැෆ්නා  අවසන් කණ්ඩායම් 4 වටය අභිමුවට

sinhala editor

නැෂනල් සුපර් ලීග් තරගාවලියේ රංගිරි දඹුලු ක්‍රීඩාංගණයේ පැත්වෙන තීරණාත්මක දඹුල්ල සහ ජැෆ්නා අතර තරගයේ දඹුල්ල පළමු ඉනිමට රැස් කරන ලද ලකුණු 283 ට පිළිතුරු ලෙස තරගයේ තෙවන දිනය වූ  අද ( 26) තරගය නිමවනවිට ජැෆ්නා කඩුලු 7 ක් දැවී ලකුණු 354ක් ලබා සිටියේ දඹුල්ල මුල් ඉනිමට කඩුලු තුනක් අතැතිව ලකුණු 71ක් ඉදිරියෙනි. දෙවන දින කිසිවෙකු නොදැවී ලකුණු 45ක් ලබා සිටි ජැෆ්නා  කණ්ඩායමට අද දිනය තුළ තවත් ලකුණු 309ක් එක්රැස්කර ගත හැකි වූයේ කඩුලු 7ක් පමණක් දැවී යාමෙනි. මෙම තරගයේ ප්‍රතිඵලය අනුව අවසන් කණ්ඩායම් 4 අතර තරග වටයට තීරණාත්මක වන අතර එහිදී වැඩි වාසි ජැෆ්නා කණ්ඩායම විසින් මේ වන විටත් අත්කරගෙන සිටියි.

ජැෆ්නා පිතිකරුවන් තිදෙනෙකුම මෙදින අර්ධ ශතක වාර්තා කරද්දි කණ්ඩායමේ පිතිකරුවන් අටදෙනෙකුම ලකුණු 25 ඉක්මවා රැස් කිරීම  ජැෆ්නා ඉනිමේ විශේෂත්වයකි. අර්ධ ශතක ලබාගත් පිතිකරුවන් වූ නිශාන් මධුෂ්ක ලකුණු 69ක්ද ජනිත් ලියනගේ ලකුණු 69ක් ද  සුමින්ද ලක්ෂාන් ලකුණු 52ක්ද රැස් කිරීමට සමත් වූහ.

ලකුණු අතර සිටි අනෙක් පිතිකරුවන් වූයේ අවිශ්ක තරිඳු (ලකුණු 40), දිලුම් සූධිර (නොදැවී 31), ගීත් කුමාර (ලකුණු 26) ධනංජය ද සිල්වා (ලකුණු 25) සහ නවෝද් පරණවිතාන (ලකුණු 26 යි) ය.

ජැෆ්නා කණ්ඩායමකින් මෙදින වාර්ථා වූ හොඳම සබඳතාවයන් දෙක වූයේ දෙවන කඩුල්ලට නිශාන්  මධුෂ්ක සහ සුමින්ද ලක්ෂාන් පන්දු 186කදී රැස් කළ ලකුණු 100 සහ හයවන කඩුල්ලට ජනිත් ලියනගේ සහ අවිශ්ක තරඳු පන්දු 118කදී එක්කළ ලකුණු 86 වේ. මේ සිව්වන තරගයේ අවසාන දිනය ඉරිදා (27) ජැෆ්නා කණ්ඩායමටද ප්‍රමාණවත් වැඩි ලකුණු සංඛ්‍යාවක් මුල් ඉනිමේදී නොමැති හෙයින් තරගය බෝහෝ දුරට නිම  වීමට ඉඩ ඇත්තේ විසඳුමකින්  තොරවය

ලකුණු විස්තරය

දඹුල්ල මුල් ඉනිම 283 ( පන්දුවාර 99.5 යි) – (ලසිත් අබේරත්න 68,දුෂාන්ත හේමන්ත 63,මිනොද් භානුක 53,චමිඳු   විජේසිංහ 35 ,ලියෝ ෆැන්සිස්කෝ 24 නිමේෂ් ගුණසිංහ 17,නුවන් ප්‍රදීප් 52 / 7 යි )

ජැෆ්නා මුල් ඉනිම කඩුලු 7ට  354 ( පන්දු 118 යි) – (නිශාන් මධුෂ්ක 69 ,ජනිත් ලියනගේ  69,සමිඳු ප්‍රනාන්දු 52,අවිශ්ක  තරිඳු 40, ගිත් කුමාර 26 ,නවෝද් පරණවිතාන 26,ධනංජය සිල්වා 25, මලින්ද පුෂ්පකුමාර 131/4  මාලිංග අමරසිංහ 12/1 යි)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee