නැගී එන කණ්ඩායම් අතර පැවැත්වෙන ප්‍රධානතම තුන්දින ක්‍රිකට් තරගාවලියේ සිව්වැනි සතිය අවසන් වන විට ඒ ඒ කාණ්ඩවල පෙරමුණ ගැනීමට මුවර්ස්, එන්.සී.සී., ටැමිල් යුනියන් සහ කෝල්ට්ස් යන ක්‍රීඩා සමාජ සමත්ව සිටිති. මෙවර තරගාවලියේ ‘ඒ’ කාණ්ඩය යටතේ මෙතෙක් සහභාගිව ඇති තරග 4 න් 3 ක් ජයගෙන සිටින මුවර්ස් ප්‍රසාද ලකුණු 63.06 ක් රඳවා ගනිමින්ද, තරග 4 කදී එක් ජයක් සහ නොවිසඳුණු තරග 3 ක සමඟින් ප්‍රසාද ලකුණු 48.17 ක් ලබා බී කාණ්ඩයෙන් එන්.සී.සී. ද තරග 3 කදී ජයග්‍රහණ 3 ක් ද සමඟ ප්‍රසාද ලකුණු 50.92 ක් ලබා ලබා ටැමිල් යුනියන් සී කාණ්ඩයේ සහ සහභාගිවූ තරග 4 න් 4 ම ජයගෙන සිටින කෝල්ට්ස් කණ්ඩායම ප්‍රසාද ලකුණු 74 ක් ලබමින් ඩී කාණ්ඩයේද පෙරමුණ ගෙන සිටිති.