slc
logo
Home   |    News
මැයි 26, 2022
සරේ පිලට කඩුලු නවයක ජයක්

sinhala editor

ශ්‍රී ලංකා නැගී එන ක්‍රිකට් කණ්ඩායම සහ එංගලන්තයේ සරේ ප්‍රාන්ත ක්‍රිකට් කණ්ඩායම අතර ලන්ඩනයේ ද ඕවල් ක්‍රීඩාංගණයේ පැවති ප්‍රථම 20-20 ක්‍රිකට් තරගයෙන් සරේ ප්‍රාන්ත පහසු ජයග්‍රහණයක් අත්කර ගත්තේ කඩුලු නවයකිනි.

සරේ ප්‍රාන්තය කාසියේ වාසිය දිනා මුලින් පන්දුවට පහරදීම ශ්‍රී ලංකා නැගී එන කණ්ඩායමට පැවරූ අතර ලංකා කණ්ඩායම පන්දුවාර 18.5කදී සියලු පිතිකරුවන් දැවී රැස්කළ ලකුණු 106ට පිළිතුරු ලෙස සරේ කණ්ඩායම පන්දුවාර 9.4කදී කඩුල්ලක් පමණක් දැවී ලකුණු 111ක් රැස් කරමින් පහසු ජයග්‍රහණය වාර්තා කළේය. ඒම ජයග්‍රහණය සරේ පිල ඉදිරියෙන් වාර්තා වන විට ඉනිමේ තවත් පන්දු 62ක් ඉතිරිව තිබිණ. ශ්‍රී ලංකා කණ්ඩායමේ ලකුණු රැස් කිරීමේ වේගය පන්දුවාරයකට ලකුණු 5.62ක් වු අතර සරේ කණ්ඩායමේ ලකුණු රුස් කිරීමේ වේගය පන්දුවාර 9.4කී.

ශ්‍රී ලංකා කණ්ඩායම පන්දුවට පහරදෙන අවස්ථාවේ ආරම්භක පිතිකරුවන් දෙදෙනා ලසිත් කෘස්පුල්ලේ (06) නිපුන් ධනංජය (02) සහ අංක තුන පිතිකරු නිශාන් මධුශ්ක ( 03) මුළු ලකුණු 19ක් වන විට දැවී යාමත් සමග නැවත තරගයට අවතීර් ණවීමට ලංකා කණ්ඩායම අසීරු කාර්යයක් විණි.

අංක හත පිතිකරු අෂේන් බණ්ඩාර පන්දු 34කට මුහුණදී හතරේ තුනක් සමග ලකුණු 33ක් ද නායක ධනංජය ලක්ෂාන් පන්දු 21කදී හතරේ හතරක් සමග ලකුණු 27ක් ද ලැබූහ.ලංකා කණ්ඩායමේ හොඳම සබඳතාවය වූයේ සිව්වන කඩුල්ලට ධනංජය ලක්ෂාන් සහ නුවනිඳු ප්‍රනාන්දු  එක් කළ ලකුණු 28 ය.

මෙම තරගයට සරේ කණ්ඩායම ඔවුනගේ දක්ෂතම පළමු ශ්‍රේණියේ කණ්ඩායම ඉදිරිපත් කර සිටි අතර ඔවුනගේ ආරම්භක පිතිකරු වූයේ එංගලන්තයේ සීමිත ඕවර ආරම්භක පිතිකරු ජේසන් රෝයි ය. සරේ කණ්ඩායම වෙනුවෙන් විල් ජැක්ස් නොදැවී 58ක් ද ඔලී පොප් නොදැවී 31ක් ද රැස් කළහ. ජේසන් රෝයි ලකුණු 11ක් ලබා සිටියදී උදිත් මධුෂාන්ගේ පන්දුවකට නුවනිඳු අතට  උඩපන්දුවක් දීමෙන් දැවී ගියේ ය.

ශ්‍රී ලංකා නැගී එන කණ්ඩායම පන්දුවාර 13.5කදී සියල්ල දැවී 106 යි  – අෂේන් බණ්ඩාර 33, ධනංජය ලක්ෂාන් 27, රීස් ටොප්ලි 13/3, සෑම් කරන් 21/2, ජෙමී ඔවර්ටන් 8/2

සරේ පන්දුවාර 9.4කදී කඩුලු 1ක් දැවී ලකුණු 111 යි – ඔලී පෝප් නොදැවී 31, විලී ජැක් නොදැවී 58, ජේසන් රෝයි 11, උදිත් මධුෂාන් 37/1.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar