slc
Home   |    News
මැයි 17, 2022
සිව්දින තරගය විසඳුමෙන් තොරයි

sinhala editor

එංගලන්තයේ සංචාරයක නියැළි සිටින ශ්‍රී ලංකා නැගී එන ක්‍රිකට් කණ්ඩායම සහ හැම්ප්ෂයර් ප්‍රාන්ත ක්‍රිකට් කණ්ඩායම අතර සදම්ප්ටන්හි රෝස්බෝල් ක්‍රීඩාංගණයේ පැවැති සිව්දින තරගය විසඳුමකින් තොරව අද (16 දා) නිමාවට පත්විය.

නැගී එන කණ්ඩායම ප්‍රථම ඉනිමේ රැස්කළ ලකුණු 281ට පිළිතුරු ලෙස දෙවන දින තරගය නිමවන විට කඩුලු පහකට ලකුණු 252ක් ලබාසිටි හැම්ප්ෂයර් කණ්ඩායම අද (16) දිනයේ තරගය ආරම්භ කරන අවස්ථාවේ තම ප්‍රථම ඉනිම  අත්හිටුවා ශ්‍රී ලංකා කණ්ඩායමට නැවතත් පන්දුවට පහර දීමට ඇරයුම් කළේය.

ශ්‍රී ලංකා නැගී එන කණ්ඩායම දිවා ආහාරයට තරගය නතර කරන විට කඩුලු 3කට ලකුණු 107ක් රැස්කරමින් සම්පූර්ණ තරගයේදී කඩුලු 7ක් අතැතිව ලකුණු 136කින් ඉදිරියෙන් සිටියේය. විසඳුකින් තොර තරගයක් හේතුවෙන් දෙපිළේම කැමැත්ත මත අවසන් හෝරාව ඒළඹෙත්ම තරගය නතර කර දැමූහ.

ශ්‍රී ලංකා දෙවන ඉනිමේදී ආරම්භක පිතිකරු ලසිත් කෲස්පුල්ලේ ලකුණු 43ක්ද අංක 3 පිතිකරු නිශාන් මධුෂ්ක ලකුණු 29ක්ද රැස්කළහ. නොදැවී සිටින පිතිකරුවන් දෙදෙනා වූයේ නුවනිඳු ප්‍රනාන්දු (ලකුණු 14 ක්) සහ ධනංජය ලක්ෂාන් (ලකුණු 10)ය.

හොඳම සබඳතාවය වූයේ දෙවන කඩුල්ලට ලසිත් කෲස්පුල්ලේ සහ නිශාන් මධුෂ්ක එක්කළ ලකුණු 69 විය. නායක නිපුන් ධනංජය මුළු ලකුණු 6දී පෙට්රි එවූ පන්දුවකට පන්දු යවන්නාටම උඩ පන්දුවක් දීමෙන් දැවීගියේ ලකුණු තුනකටය.

ලංකා නැගී එන කණ්ඩායමේ මීළඟ තරගය පැවැත්වෙන්නේ ග්ලොෂ්ටර්ෂයර් ප්‍රාන්තය සමඟය.

ශ්‍රි ලංකා නැගී එන කණ්ඩායම ප්‍රථම ඉනිම  පන්දුවාර 86.1කදී 281යි. – (සංතූෂ් ගුණතිලක 53, නුවනිඳු ප්‍රනාන්දු 52, දුතින් වෙල්ලාලගේ 44, දිලුම් සුධීර 33, ධනංජය ලක්ෂාන්  21, අෂේන් ඩැනියල් 21, ජෝන් ටර්නර් 31/5,  හැරී  පෙට්රි 48/3, ඩොමිනික් කෙලී 55/2)

හැම්ප්ෂයර් පන්දුවාර 91 කදී කඩුලු 5ට 252 යි – (ටොබී ඇල්බර්ට්  නොදැවී 69, ෆ්ලෙචා මිඩ්ල්ටන් 64, රොස් වයිට්ලි නොදැවී 55, ටොම් ප්‍රෙස්ට් 35, ධනංජය ලක්ෂාන් 43/2, උදිත් මධුෂාන් 73/2)

ශ්‍රී ලංකා නැගී එන කණ්ඩායම දෙවන ඉනිම පන්දුවාර 28කදී කඩුලු 3ට 107යි – (ලසිත් කෲස්පුල්ලේ 43, නිශාන් මධුෂ්ක 29, නුවනිඳු ප්‍රනාන්දු නොදැවී 14, ධනංජය ලක්ෂාන් නොදැවී 10යි, හැරී පෙට්රි 23/1, ෆී ලික්ස් ඕගන් 19/1යි)

Active filters

Recent Posts

  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
USD United States (US) dollar

Pin It on Pinterest