slc
logo
Home   |    News
ජූනි 23, 2022
ඉන්දීය කාන්තාවෝ අපරාජිත භාවය රැක ගනිති

sinhala editor

Chamila Karawita reporting from Rangiri Dambulla

ශ්‍රී ලංකා ක්‍රීඩිකාවන්ගේ නිජ බිමේදී තවමත් එකම විස්සයි-20 තරගයක් පරාජයට පත්ව නොමැති ඉන්දීය කාන්තා කණ්ඩඩායම අද (23 දා) එම වාර්තාව තව දුරටත් ඉදිරියට රැගෙන ගියේ පළමු විස්සයි-20 තරගය ලකුණු 34 කින් ජය ගනිමිනි. තරග 3 කින් සමන්විත විස්සයි-20 තරගාවලිය ආරම්භ කරමින් රංගිරි දඹුලු ක්‍රීඩාංගණයේ අද (23 දා) පැවැති පළමු විස්සයි-20 තරගයේ ජයත් සමඟ තරගාවලිය 1-0 ක් ලෙස පෙරමුණ ගැනීමට ඉන්දීය කාන්තා පිල සමත්විය.

ප්‍රබල පිතිකාරිණියන් රැසකගෙන් සමන්විත ඉන්දීය කාන්තා කණ්ඩායම ලකුණු 138 ක් තරම් අඩු ලකුණු සංඛ්‍යාවකට රඳවා ගැනීමට ශ්‍රී ලංකා පන්දු යවන්නියන් සමත් වුවත් ඉලක්කය හඹා යෑමේදී අවශ්‍ය වේගය රඳවා ගැනීමට පිතිකාරිණියන් අසමත්වීම නිසා නියමිත පන්දුවාර 20 අවසන් වන විට ශ්‍රී ලංකා ලකුණු පුවරුව දිස්වූයේ කඩුලු 5 කට ලකුණු 104 ක් ලෙසිනි.

ලකුණු 27 ක් වන විට නායිකා චමරි අතපත්තු මෙන්ම උප නායිකා හර්ෂිතා මාධවීගේ කඩුලු 2 පන්දු 3 ක් ඇතුළතදී දවා ගැනීමට රාධා යාදව් සමත්වීමත් සමඟ ශ්‍රී ලංකා කණ්ඩායමට පීඩනය එල්ල විය. එතැන් පටන් ග්‍රහණය තර කර ඉන්දීය පන්දු යවන්නියෝ තරගයේ පාලනය අතට ගත්හ.

ශ්‍රී ලංකාව වෙනුවෙන් කවීෂා දිල්හාරි හුදෙකලා සටනක නිරත වෙමින් පන්දු 49 කදී ලකුණු 47 ක් රැස් කළේය. ශ්‍රී ලංකා ඉනිමෙන් එකම හයේ පහරක් හෝ වාර්තා නොවීමද ගැපී පෙනිණ. සමස්ථ ඉනිමට හතරේ පහර 12 ක් පමණක් වාර්තා වුණු අතර ඉන් 6 ක්ම කවීෂා දිල්හාරිගේ පිත්තෙන් එල්ල වුණු ඒවා විය.

කාසියේ වාසියත් සමඟ පළමුව පන්දුවට පහර දුන් ඉන්දීය කණ්ඩායමේ ස්ම්‍රිත්‍රි මන්දනා සහ සබබානි මීගනාව පිට පිට පන්දු දෙකකදී දවා ගැනීමට ඔ්ෂධී රණසිංහ සමත්වූවාය. ඒ සමඟම ශ්‍රී ලංකා කණ්ඩායමට තරගය පිළිබඳ වැඩි විශ්වාසයක් ගොඩ නැඟුණත් ජිමයිමා රොඩ්‍රිගස් මැද පෙළි පැමිණ නොදැවී රැස් කරන ලද ලකුණු 36 ත් ප්‍රධාන කොට ඉන්දීය ඉනිම සටනක් දිය ලකුණු සංඛ්‍යාවක් කරැ යෑමට හැකියාව ලැබිණ. ඉන්දීය අවසන් පන්දුවාරය යැවී කවීෂා දිල්හාරිට නොසෑහෙන පහර දුන් දීප්ති ෂර්මා පිට පිට හතරේ පහර 4 ක්ද අවසන් පන්දුවට රොඩ්‍රිගස් එල්ල කරන ලද හයේ පහරත් නිසා ශ්‍රී ලංකා ඉලක්කය තවත් ලකුණු 20 කින් ඉහළ ගියේය.  ඉන්දීය ලකුණු සංඛ්‍යාව වේගවත් කිරීම වෙනුවෙන් දීප්ති ෂර්මා පන්දු 8 කදී ලකුණු 17 ක් ලබා ගත්තේ තම ඉනිම නොබිඳීව තබා ගනිමිනි.

තරගයේ වීරයා – ජෙමිමා රොඩ්‍රිගස්

ඉන්දියානු කාන්තා පිල පන්දුවාර 20 කදී කඩුලු 6 ට ලකුණු 138 යි – (ශෆාලි වර්මා 31, හර්මන්ප්‍රීට් කෞවුර් 22, ජෙමිමෘ රොඩ්‍රිගස් 36, රිෂා ගෝෂ් 11, පූජා වස්ත්‍රකාර් 14, දීප්ති ෂර්මා 17*, ඉනෝකා රණවීර 30/3, ඔෂදී රණසිංහ 22/2)

ශ්‍රී ලංකාව පන්දුවාර 20 කදී කඩුලු 5 කට ලකුණු 104 යි – (කවීෂා දිල්හාරි 47*, හර්ෂිතා මාධවී 10, චමරි අතපත්තු 16, අමා කංචනා 11, අනුෂ්කා සංජීවනී 10*, රාධා යාදව් 22/2)

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo