පොදුරාජ්‍ය මණ්ඩලයීය ක්‍රීඩා උලේල පන්දුවාර විස්සයි-20 කාන්තා ක්‍රිකට් ඉසව්ව යටතේ ශ්‍රී ලංකා පිල තරග වැදි එංගලන්තයට එරෙහි ිපළමු තරගයෙන් කඩුලු 5 ක පරාජයක් අත් වින්දේය. එජ්බැස්ටන්හි පැවැති මෙම තරගයේදී ජයග්‍රහණය සඳහා ලකුණු 107 ක ඉලක්කයක් හඹා ගිය එංගලන්ත ක්‍රීඩිකාවෝ 18 වැනි පන්දුවාරයේ පළමු පන්දුවේදී සපුරා ගන්නා ලද්දේ කඩුලු 5 ක් පමණක් ප්‍රතිවාදීන් හමුවේ ලබා දෙමිනි.

එංගලන්ත පිල වෙනුවෙන් දක්ෂ පිතිහරඹයක් දියත් කල ඇලිස් කැප්සේ පන්දු 45 කදී ලකුණු 44 ක් රැස් කරන ලද්දේ හතරේ පහර 4 ක්ද සමගිනි. ඇයට අමතරව සොෆියා ඩන්ක්ලි සහ නටාලි සීවර් ලකුණු 17 බැගින් රැස් කළහ.

ශ්‍රී ලංකාව වෙනුවෙන් ඉනෝකා රණවීර පන්දුවෙන් දස්කම් දැක්වූ අතර ඇය ලකුණු 29 කට කඩුලු 3 ක් දවා ගත්තාය. ඇයට අමතව ඔෂධී රණසීංහ ලකුණු 20 කට කඩුලු 2ක් බිඳ හෙළුවාය.

කාසියේ වාසියත් සමග පළමුව පන්දුවට පහර දුන් ශ්‍රී ලංකා පිලට නියමිත පන්දුවාර 20 අවසනදී කඩුලු 9 ක් දැවී ලකුනු 106 ක් පමණක් රැස් කර ගැනීමට හැකිවිය. නිලක්ෂි ද සිල්වාා ඉනිමේ වැඩිම ලකුණු ලාභිණිය බවට පත්වූයේ පන්දු 28 කදී ලකුණු 25 ක් රැස් කරමිනි.

හසිනි පෙරේරා පන්දු 18 කදී ලකුණු 17 ක් රැස් කරද්දී නායිකා චමරි අතපත්තු ලකුණු 10 කට දැවී ගීයාය. ශ්‍රී ලංකා ඉනිමේ පිතිකාරිණියන් 6 දෙනෙකුම ලකුණු 10 සීමාව ඉක්මවා යෑමට නොහැකිවීම කැපී පෙනිණි.

පන්දු යැවීමේදී සොෆි එක්ලෙස්ටෝන් ලකුණු 25 කට කඩුලු 3 ක් බිද හෙළද්දී ඉසී වොං සහ ෆ්‍රෙයා කෙම්ප් කඩුලු 2 ක බැගින් බිද හෙළූහ.

ශ්‍රී ලංකා කාන්තා පිල පන්දුවාර 20 කදී කඩුලු 9 ට ලකුණු 106 යි – හසිනි පෙරේරා 17, නිලක්ෂි ද සිල්වා 25, ඔෂධී රණසීංහ 13, සොෆී එක්ලෙස්ටෝන් 25/3, ඉසී වොං 10/2, ෆ්‍රෙයා කෙම්ප් 14/2

එංලලන්ත කාන්තා පිල පන්දුවාර 17.1 කදී කඩුලු 5 ට ලකුණ් 109 යි – සො‌ෆියා ඩන්ක්ලි 17, ඇලිස් කෑප්සේ 44, නටාලි සීවර් 17, මයියා බෞචර් 21*, ඉනෝකා රණවීර 29/3, ඔෂධී රණසිංහ 20/2