Chamila Karawita reporting from Pallekele

එක්දින තරගාවලියේ තවදුරටත් අපරාජිතව රැඳී සිටීමට ජයග්‍රහණය තීරණාත්මක දෙවැනි එක්දින තරගයේ කාසියේ වාසිය දිනාගත් ඉන්දීය කාන්තා කණ්ඩායම පළමුව පන්දුවට පහර දීම සදහා ශ්‍රී ලංකා පිලට ආරාධනා කර සිටියේය. පල්ලකැලේ ක්‍රීඩාංගණයේ පැවැත්වෙන මෙම තරගයේදී ශ්‍රී ලංකා කණ්ඩායම වෙනූවෙන් ආරම්භක පිතිකාරිණී විශ්මි ගුණරත්න එක්දින වරම් දිනා ගැනීම කැපී පෙනෙයි.

ශ්‍රී ලංකාව වෙනුවෙන් කාන්තා එක්දින වරම් දිනාගත් 75 වැනි ක්‍රීඩිකාව බවට පත්වූ විශ්මි ගුණරත්න කණ්ඩායමට පැමිණිමත් සමඟ ඉනිම ආරම්භය හසිනි පෙරේාරා විසින් සිදුකරන අතර නායිකා චමරි අතපත්තු අංක 3 ස්ථානයෙන් පන්දුවට පහර දීමට නියමීතය. පාසල් වියේ පසුවන 16 හැවිරිදි විශ්මි ශ්‍රී ලංකාව වෙනුවෙන් එක්දින වරම් දිනාගත් ළාබාලතම ක්‍රීඩිකාව බවටද පත්වූවාය. විශ්මි කණ්ඩායමට පැමිණීමේදී පළමු තරගයට ක්‍රීඩා කරන ලද හංසිමා කරුණාරත්නට ස්ථානය අහිමිව තිබෙන අතර පළමු එක්දින තරගයේදී එක්දින වරම් දිනාගත් රශ්මි සිල්වා වෙනුවෙන් අමා කාංචනා අවසන් 11 දෙනා අතරට පැමිණ සිටින්නීය.

ශ්‍රී ලංකාව – 1. හසිනි පෙරේරා, 2. චමරි අතපත්තු (නායිකා), 3. විශ්මි ගුණරත්න, 4. හර්ෂිතා සමරවික්‍රම, 5. කවීෂා දිල්හාරි, 6. නිලක්ෂි ද සිල්වා, 7. අනුෂ්කා සංජීවනී, 8. ඔෂධී රණසිංහ, 9. අමා කාංචනා, 10. ඉනෝකා රණවීර, 11. අචිනි කුල‌සූරිය.

ඉන්දියාව – 1. ස්මිත්‍රි මන්දනා, 2. ශෆාලි වර්මා, 3. හර්මන්ප්‍රීට් කෝර් (නායිකා), 4. හර්ලීන් ඩියෝල්, 5. යස්ටිකා භාතියා, 6. රිෂා ගෝස්, 7. දීප්ති ෂර්මා, 8. පූජා වස්ත්‍රකාර්, 9. රේනුකා සිං, 10. රා‌ේශ්වරී ගයික්වාඩ්, 11. මේඝනා සිං.