slc
logo
Home   |    News
ජූලි 8, 2022
ස්මිත් – ලබුෂේන් ශතක ලබති

sinhala editor

By Chamila Karawita

ස්ටම්ප් කිරීමකට හසුකර දවා ගැනීමට තිබූ අවස්ථාව නිරෝෂන් දික්වැල්ල අතින් ගිලිහී යෑමත් සමග තවදුරටත් පිටියේ රැදී සිටීමට වරම් ලබා ගත් ඔස්ට්‍රේලියානු පිතිකරු මානස් ලබුෂේන්, සහ හිටපු නායක ස්ටීවන් ස්මිත් එක්ව දෙවැනි ටෙස්ට් තරගයේ පළමු දිනට ක්‍රීඩාව නතර කරන විට ඔස්ට්‍රේලියානු ලකුණු පුවරුව ලකුණු 300 ආසන්නයට රැගෙන එමින් තරගයේ පාලනය අතට ගැනීමට අද (08 දා) සමත්වූහ.

මුලු ලකුණු සංඛ්‍යාව කඩුලු 5 කට ලකුණු 298 ක් වශයෙන් සටහන් වන විට ලබුෂේන්ගේ ඉනිම ලකුණු 104 කට නවතා ලීමට ප්‍රභාත් ජයසූරිය සමත් වුවත් හෙට ස්ටීවන් ස්මිත් ලකුණු 109 ක් ලබා සිය ඉනිම හෙට දිනටත් ක්‍රීඩා කිරීමට ඉතිරි කර ගත්තේය. ඉනිම 16 කට පසු රැස් කරන ලද පළමු ශතකය ලෙසින් සටහන් වුණු පන්දු 212 ක් පුරා විසිරුණු ස්මිත්ගේ ඉනිමට හතරේ පහර 14 ක් එල්ල කර තිබිණ.

දිවා විවේකයට පෙර ඔස්ට්‍රේලියානු ආරම්භක පිතිකරුවන් දෙදෙනාවම දවා ගැනීමට ශ්‍රී ලංකාව සමත් වුවත් තෙවැනි කඩුල්ලට එක්වුණු ස්මිත් – ලබුෂේන් යුගල තෙවැනි කඩුල්ල වෙනුවෙන් ලකුණු 134 ක් රැස් කළේ තරගයේ වාසිය ඔස්ට්‍රේලියානුවන් වෙත හරවා ගනිමිනි.

ටෙස්ට් වරම් දිනාගත් ප්‍රභාත් ජයසූරියට මංගල ටෙස්ට් කඩුල්ල හිමිකර දෙමින් ලබුෂේන් පිටියෙන් ඉවත් වන විට පන්දු 156 කට මුහුණ දී සිටියේය. හතරේ පහර 12 ක් ද ඇතුළත් වුණු ලබුෂේන් ලකුණු 28 ක් ලබා සිටියදී රමේෂ් මෙන්ඩිස්ගේ පන්දුවකට, ස්ටම්ප් කිරීමකට අවස්ථාවක් ලබා දුන්නද එය දික්වැල්ල අතින් අත හැරීම නිසා ඔහු එම ඉනිම 7 වැනි ශතකය දක්වා ඉහළ දමා ගත්තේය.

අද දිනයේ දැවී ගිය කඩුලු 5 න් 3 කටම හිමිකම් කීවේ ප්‍රභාත් ජයසූරියයි. දිනයේ යවන ලද පන්දුවාර 90 න් වැඩිම පන්දුවාර සංඛ්‍යාවක් යවන ලද පන්දු යවන්නන් දෙදෙනාගෙන්එක් අයෙක් වූ (පන්දුවාර 28 බැගින්) ජයසූරිය ලකුණු 90 ක් ලබා දී තිබුණේය. කසුන් රජිත සමඟින් පන්දු යැවීම ආරම්භ කළ රමේෂ් මෙන්ඩිස්ද පන්දුවාර 28 ක් යවමින් ලකුණු 100 කට එක් කඩුල්ලක් දවාගත්තේය

දිනය ආරම්භයේදී සාර්ථක වුණු කසුන් රාජිත තුන් වැනි පන්දුවාරයේදීීම ඩේවිඩ් වෝනර් දවා ගත් අතර පසුව රමේෂ් විසින් උස්මාන් කවාජාව දවා ගත්තේය. ජයසූරියට අමතර අද දිනයේදී කමිදු මෙන්ඩිස් සහ මහීෂ් තීක්ෂණ ටෙස්ට් වරම් දිනාගත්තද පළමු දිනයේදී කැපී පෙනෙන යමක් කණ්ඩායම වෙනුවෙන් සිදුකළ නොහැකි විය. හෙට තරගයේ දෙවැනි දිනයයි.

ඔස්ට්‍රේලියාව පන්දුවාර 90 කදී කඩුලු 5 ට ලකුණු 298 යි – (ස්ටීවන් ස්මිත් නොදැවී 109, මානස් ලබුසේන් 104, උස්මාන් කවාජා 37, ට්‍රෙවිස් හෙඩ් 12, කැමරන් ග්‍රීන් 04, ඇලෙක්ස් කේරි 16, ඩේවිඩ් වෝනර් 05, ප්‍රභාත් ජයසූරිය 90/3, කසුන් රජිත 56/1, රමේෂ් මෙන්ඩිස් 100/1)

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

LKR Sri Lankan rupee