slc
Home   |    News
ජූලි 30, 2022
සීක්කුගේ කරමතින් යුධ හමුදාව අවසන් සටනට

sinhala editor

අන්තර් සමාජ ප්‍රධානතම එක්දින ක්‍රිකට් තරගාවලියේ එස් කැපිටල් පිලට එරෙහි දෙවැනි අවසන් පූර්ව තරගාය්දී පිත්තෙන් ලකුණු 89ක් සහ පන්දු යවමින් ලකුණු 26කට කඩුලු හතරක් දවාලමින් සික්කුගේ ප්‍රසන්න දක්වන ලද තුන් ඉරියව්වේ දක්ෂතා හේතුවෙන් ලකුණු 123 ක ජයක් වාර්තා කළ යුධ හමුදාව එක්දින තරගාවලියේද අවසන් මහ තරගයට සුදුසුකම් ලබා ගැනීමට අද (30 දා) සමත්විය.


අන්තර් සමාජ විස්සයි-20 ද ශූරයින් වන යුද හමුදා කණ්ඩායම පළමුව පන්දුවට පහරදී රැස් කරන ලද ලකණු 246 ට පිළිතුරු ඉනිම ක්‍රීඩා කරීමේදී ඒස් කැපිටල් පිලට රැස් කරගත හැකි වූයේ පන්දුවාර 27.4කදී සියල්ල දැවී ලකුණු 123 ක් පමණි.
ජයග්‍රාහී යුද හමුදා පිතිකරුවන් අතුරින් සීක්කුගේ ප්‍රසන්න පන්දු 66කට මුහුණදී හතරේ හයක් හයේ පහර හයක් සමග ලකුනූ 89ක් ද මහේෂ් කුමාර පන්දු 68කදි හතරේ හතරක් සමග ලකුණු 46ක් ද සුමිඳු ලක්ෂාන් පන්දු 51කදී හතරේ දෙකක් සමග ලකුණු 33ක්ද අෂාන් රන්දික පන්දු 22කදී හතරේ හතරක් සමග ලකුණු 19ක් ද රැස් කළහ.


සීක්කුගේ ප්‍රසන්නට අමතරව සුමින්ද ලක්ෂාන් ද තුන් ඉරියව්වේම දස්කම් දැක්වූයේ ලකුණු 33ක් රැස් කර පසුව ලකුණු 42කට කඩුලු 4ක් දවාලමිණි. යුධ හමුදාවේ හොඳම සබඳතා වූයේ හත්වන කඩුල්ලට සුමින්ද ලක්ෂාන් සහ මහේෂ් කුමාර එක්කළ ලකුණු 74 වේ. එස් කැපිටල් ලකුණු 247 ක ඉලක්කයක්කරා යද්දී මුළු ලකුණු 75 ක් වන විට ප්‍රබලම පිතිකරුවන් හත් දෙනෙකුම දැවී යාමෙන් ඔවුනගේ ජයග්‍රහණ අපේක්ෂා අවසන් විණි.
ඒස් කැපිටල් කන්ඩායමේ ඕෂද ප්‍රනාන්දු පන්දු 33 කදී හතරේ හතරක් සමග ලකුණු 33ක් ද නායක ලසිත් කෘස්පුල්ලේ පන්දු 18කදී හතරේ දෙකක් සහ හයේ පහරක් සමග ලකුණු 23 ක් ද ලබා වැඩිම ලකුණු ලාභීන් බවට පත්පත්වූහ.


මේ අතර කෝල්ට්ස් පිටියේ පැවැත්වීමට නිටමිතව තිබූ අනෙක් අවසන් පූර්ව තරගය හෙට දිනය දක්වා කල්දැමීමට පියවර ගැනුණි. තණතීරුවේ වූ අඩුපාඩුවක් හේතුවෙන් අද පැවැත්වීමට නියමිතව තිබුණු සී.සී. සී. සහ ටැමිල් යුනියන් අතර තරගය හෙට කොළඹ එස්.එස්.සී ක්‍රීඩාංගණයේ පැවැත්වෙනු ඇත.


යුද හමුදාව පන්දුවාර 48.2 කදි සියල්ල දැවී 246 යි – සීක්කුගේ ප්‍රසන්න 89,මහේෂ් කුමාර 46, සුමින්ද ලක්ෂාන් 33,අෂාන් රන්දික 19,ලසිත් කෘස්පුල්ලේ 32/2,චානක දේවින්ද 47/2, ප්‍රමූද් හෙට්ටිවත්ත 26/2,තනුක දාබරේ 52/2


ඒස් කැපිටල් පන්දුවාර 27.4 කදී සියල්ල දැවී 123 යි – ඕෂද ප්‍රනාන්දු 31,ලසිත් කෘස්පුල්ලේ 23,චානක දාබරේ නොදැවී 18, සකුන ලියනගේ 19, සීක්කුගේ ප්‍රසන්න 26/4,සුමිඳු ලක්ෂාන් 42/4 යි

Recent Posts

  • 23 න් පහළ අවසන් සටන හෙට සහ අනිද්දා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම නැගී ලීග් ක්‍රිකට් තරගාවලියේ මූවර්ස් ක්‍රීඩා සමාජය සහ රාගම ක්‍රීඩා සමාජය අතර අවසන් මහා […]
  • විශේෂඥ පුහුණුකරුවකු ලෙස කණ්ඩම්බිත් නවසීලන්තයට
    නවසීලන්තයට එරෙහිව පැවැත්ත්වෙන තරග 3 කින් සමන්විත තීරණාත්මක එක්දින ක්‍රිකට් තරගාවලියේදී විශේෂ පුහුණුකරුවකු ලෙස තිළිණ කණ්ඩම්බිව සහභාගිකරවීමට ශ්‍රී ලංකා ක්‍රිකට් ආයතනය පියවර ගනු ලැබීය. ඒ අනුව එක්දින තරගාවලිය […]
  • පළමු ඉනිමේ වරදින් ශ්‍රී ලංකාව ‌අනපේක්ෂිත අවධානමක
    වෙලිංටන් නුවර පැවැත්වෙන දෙවැනි ටෙස්ට් තරගයේ තෙවැනි දිනය වූ අද (19 දා) ශ්‍රී ලංකා පළමු ඉනිම ඉනිම ලකුණු 164 කට අවසන් කිරිමට නවසීලන්ත පන්දු යවන්නන් සමත්වීම නිසා නැවතත් […]
  • ශ්‍රී ලංකාව ලකුණු 554 ක් පිටුපසින්
    කෙන් විලියම්සන් සහ හෙන්රි නිකොලස්ගේ වාර්තාගත ද්විත්ව ශතක සම්බන්ධතාව හේතුවෙන් වෙලිංටන්හි පැවැත්වෙන දෙවැනි ටෙස්ට් තරගයේදී පළමු ඉනිම වෙනුවෙන් කඩුලු 4 ක් දැවී ලකුණු 580 ක දැවැන්ත ඉනිමක් ගොඩ […]
  • අෂේන් බණ්ඩාරගේ වෙහෙසකර ශතකය අපතේ යයි
    නැෂනල් සුපර් ලීග් ක්‍රිකට් තරගාවලිය යටතේ රංගිරි දඹුලු ක්‍රීඩාංගණයේ පැවැති තරගයේදී කලම්බු පිල කඩුලු 7 කින් පරාජයට පත් කිරීමට ගෝල් කණ්ඩායම සමත්විය. මෙය මෙවර තරගාවලියේදී ගෝල් පිල වාර්තා […]
LKR Sri Lankan rupee

Pin It on Pinterest