slc
logo
Home   |    News
අගෝස්තු 12, 2022
අවසන් සටනට එන්න කණ්ඩායම් 4 ටම අවස්ථාව

sinhala editor

ශ්‍රී ලංකා ක්‍රිකට් විසින් මෙහෙයවනු ලබන ආරාධිත පන්දුවාර විස්සයි-20 ක්‍රිකට් තරගාවලියේ තරග පැවැති දින 2 ක් අවසනදී එම ප්‍රසාද ලකුණු ‌සටහනේ පෙරමුණ ගැනීමට චරිත් අසලංකගේ නායකත්වයෙන් යුත් බ්ලූස් කණ්ඩායම සමත්ව සිටියි.

ලීග් තරගාවලියක් ලෙසින් මූලික වටය පැවැත්වෙන මෙම තරගාවලියේ තරග පැවැත්වෙන අවසන් දිනය වන්නේ හෙට (13 දා) වන අතර එහිදී අවසන් මහ තරග සටන උදාකර ගැනීම සඳහා කුසල් මෙන්ඩිස්ගේ නායකත්වයෙන් යුත් රෙඩ්ස් කණ්ඩායම සහ දසුන් ශානකගේ නායකත්වයෙන් යුතු ග්‍රීන්ස් කණ්ඩායම අතර පවතින්නේ දැඩි තරගකාරීත්වයකි.

තරග 2 කට සහභාගව සිටින බ්ලූස් කණ්ඩායම ජයග්‍රහණ 2 ක් වාර්තා කරමින් ප්‍රසාද ලකුණු 4 ක් ද සමඟ එහි පෙරමුණ ගෙන සිටින්නේ දල ලකුණු ලබා ගැනීමේ වේගය 1.135 ක් ද රඳවා ගනිමිනි.

ඔවුන්ට දෙවැනිව සිටින කුසල් මෙන්ඩිස්ගේ නායකත්වයෙන් යුතු රෙඩ්ස් කණ්ඩායම මෙන්ම තෙවැනි ස්ථානයේ පසුවන ග්‍රීන්ස් කණ්ඩායම තරග 2 කදී එක් ජයග්‍රහණය බැගින් වාර්තා කොට පිළිවෙළින් දළ ලකුණු ලබා ගැනීමේ සාමාන්‍ය 0.414 ක් සහ – 0.600 ක් ලබමින් සිටිති.

ඒ ‌අනුව තීරණාත්මක හෙට දිනයේදී ග්‍රීන්ස් සහ අශාන් ප්‍රියන්ජන්ගේ නායකත්වයෙන් යුතු ග්‍රේස් කණ්ඩායම පස්වරු 3.00 ට ආරම්භවීමට නියමිත තරගයේදී තරග වදින අතර බ්ලූස් සහ රෙඩ්ස් කණ්ඩායම් අතර තරගය පස්වරු 7.30 ට ආරම්භ වනු ඇත.

සහසභාගිවුණු තරග 2 ම ග්‍රේස් කණ්ඩායම පරාජයට පත්ව ඇති නමුත් ප්‍රසාද ලකුණු සටහන අනුව ලීග් තරග විටයේ අවසන් දිනය වන හෙට දිනයේදීත් අවසන් මහ තරග අවස්ථාව උදා කර ගැනීම සඳහා සියුම් අවස්ථාවක් නිර්මාණය වී තිබේ. එහෙත් එම බලාපොරොත්තු රඳා පවතිනුයේ පස්වරුවේ පැවැත්වීමට නියමිත බ්ලූස් සහ රෙඩ්ස් තරගයේ ජය බ්ලූස් කණ්ඩායම අත්කරගතහොත් පමණි. එසේ වුවහොත්, රාත්‍රියේ පැවැත්වීමට නියමිත ග්‍රීන්ස් පිලට එරෙහි තරගයේ ජය වැඩි ලකුණු ලබා ගැනීමේ වේගයක් සහිතව ජය ගැනීමට ග්‍රේස් පිල සමත් වුවහොත් කණ්ඩායම් අවසන් මහ තරග වරමට සුදුසුකම් ලබා ගැනීමේ අවස්ථාව ඔවුනට පවතිනු ඇත.

මේ අතර බ්ලූස්ට එරෙහි තරගය රෙඩ්ස් පිල ජය ගෙන, ග්‍රේස් පිලට එරෙහි තරගය ග්‍රීන්ස් ජය ගතහොත් කණ්ඩායම් 3 ම ජයග්‍රහණ 2 බැගින් වාර්තා කිරීමට සමත්වන බැවින් එහිදී ප්‍රසාද ලකුණු වේගය මත අවසන් මහ තරග වරමට කණ්ඩායම් සුදුසුකම් ලබනු ඇත.

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest