slc
Home   |    News
අගෝස්තු 19, 2022
තුන්දින පුහුණු තරගයේ වැඩි ගෞරව ශ්‍රී ලංකා යොවුන් පිලට

sinhala editor

සිව්දින ටෙස්ට් තරග 2 කට සහ එක්දි තරග 3 කට සහභාගිවීම සඳහා එංගලන්තයට ගොස් සිටින ශ්‍රී ලංකා වයස අවුරුදු 19 න් පහළ යොවුන් කණ්ඩායම සහ එංගලන්ත තරුණ ආරාධිත කණ්ඩායම අතර පැවැති තුන් දින පුහුණු තරගය වැඩි ගෞරව ශ්‍රී ලංකාවට අත් කර දෙමින් නිමාවට පත්විය.

තෙවැනි දින තරගයනිමා කරන විට නැවතත් සිය දෙවැනි ඉනිම ක්‍රීඩා කරමින් සිටි ශ්‍රී ලංකා යොවුන් කණ්ඩායම කඩුලු 2 කට ලකුණු 132 ක් ලබා සිටියේය. පන්දුවාර 56 කට සීමා වුණු පළමු දිනයේදී පන්දුවට පහර දුන් ශ්‍රී ලංකා යොවුන් පිල කඩුලු 4 කට ලකුණු 182 ක් ලබා ගත් අතර දෙවැනි දිනය වර්ෂාව හේතුවෙන් සම්පූර්ණයෙන්ම අහිමිවිය.

නැවතත් තෙවැනි දිනදී කඩුලු 7 කට ලකුණු 248 ක් ලබා සිටියදී ඉනිම අත්හිටවූ ශ්‍රී ලංකා යොවුන් පිල පන්දුවට පහර දීමේ අවස්ථාව එංගලන්ත තරුණ ආරාධිත කණ්ඩායමට ලබා දුන්නේය. ශ්‍රී ලංකා යොවුන් පිල වෙනුවෙන් සාර්ථක පිතිහරඹයක නිරත වුණු අසිත වන්නිනායක පන්දු 200 කට මුහුණ දෙමින් ලකුණු 100 ක් ලබා ගැනීමටසමත්වූවේය. හතරේ පහර 13 ක් ඇතුළත් වුණු එම ඉනිම නතර කර දැමීමට කිසිදු එංගලන්ත පන්දු යවන්නනකු සමත් නොවුණද සෙසු පිතිකරුවනට පන්දුවට පහර දීමේ අවස්ථාව සලසමින් අසිත සිය ඉනිම අතර මඟ නවතා දැමීය.

ශ්‍රී ලංකා යොවුන් පිල ලබා ගත් ලකුණු 248 ට පිළිතුරු පළමු ඉනිම ක්‍රීඩා කිරීමේදී එංගලන්ත තරුණ ආරාධිත කණ්ඩායමට ලබාගත හැකි වූෆය් ලකුණු 104 ක් පමණි. පන්දු යැවීමේදී කැපී පෙනුණු වනුජ සහන් පන්දුවාර 11.1 ක් යවමින් ලකුණු 13 කට ප්‍රතිවාදී කඩුලු 4 ක් දවා ගනිද්දී දුවිඳු රණතුංග සහ වීරකැටිය රාජපක්ෂ මැදි මහ විදුහල නියෝජනය කරමින් පැමිණ සිටින දුලාජ් සමුදිත කඩුලු 2 බැගින් දවා පන්දුවෙන් දස්කම් දැක්වූහ.

ලකුණු 144 ක් ඉදිරියෙන් සිට නැවත් සිය දෙවැනි ඉනිම ක්‍රීඩා කළ ශ්‍රී ලංකා යොවුන් කණ්ඩායම දිනය අවසනදී කඩුලු 2 ක ලකුණු 132 ක් ලබා සිටියේ සමස්ථ දෙවැනි ඉනිමේදී 276 ක් ඉදිරියට පැමිණෙමින්. දෙවැනි ඉනිම වෙනුවෙන් ආරම්භක පිතිකරු අභිෂේක් ලියනාරච්චි ලකුණු 51 ක් ලබා ඉනිම අත්හිටවූ අතර, සදීෂ රාජපක්ෂ ලකුණු 32 ලබා ගත්හ. තරගය නිමා කරන විට උප නායක ෂෙහාන් ඩැනියෙල් ලකුණු 25 ක් සහ ළහිරු දවටගේ ලකුණු 21 ක් ලබා සිටියහ.

ශ්‍රී ලංකා යොවුන් පිල පළමු ඉනිම පන්දුවාර 80 කදී කඩුලු 7 ට ලකුණු 248 යි – (අසිත වන්නිනායක 100, සදීෂ රාජපක්ෂ 23, පවන් පතිරාජ 23, රනුද සෝමරත්න 29, රවීන් ද සිල්වා (නොදැවී 33), ළහිරු දවටග් 12, ආර්. එල්. එවිට්ස් 53/3, ඊ. ජැක් 43/2)

එංගලන්ත තරුණ ආරාධිත පිල පළමු ඉනිම පන්දුවාර 42.1 කදී සියලු දෙනා දැවී ලකුණු 104 යි – (එම්.ඩී. වැග්ස්ටෆ් 53, කේ. කේ පටෙල් 11, එම්. හර්ස්ට් 10, වනුජ සහන් 14/4, දුලාජ් සමුදිත 27/2, දුවිඳු රණතුංග 34/2)

ශ්‍රී ලංකා යොවුන් පිල දෙවැනි ඉනිම පන්දුවාර 26 කදී කඩුලු 2 ට ලකුණු 132 යි – (අභි‌ෂේක් ලියනාරච්චි 51, සදීෂ රාජපක්ෂ 32, ෂෙහාන් ඩැනියල් (නොදැවී) 25, ළහිරු දවටගේ (නොදැවී) 21)

සහ දෙවැනි ඉනිම පන්දුවාර

Recent Posts

  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
  • ශ්‍රී ලංකා යොවුන් පිලට ලකුණු 62 ක පරාජයක්
    අබුඩාබිහි පැවැත්වෙන තුන්කොන් ක්‍රිකට් තරගාවලියේ ශ්‍රී ලංකා වයස අවුරුදු 19 න් පහළ කණ්ඩායම තරග වැදි දෙවැනි එක්දින තරගයේදී ඇෆ්ගනිස්තානු පිළ හමුවේ ලකුණු 62 ක පරාජයක් ලැබීය. මෙම ජයත් […]
  • නැගීඑන ශූරතාව මුවර්ස් දිනා ගනියි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ පළමු ඉනිමේ ජයග්‍රහණය ලැබූ මුවර්ස් ක්‍රීඩා සමාජය මේ වසරේ […]
LKR Sri Lankan rupee

Pin It on Pinterest